قصيدة ✍🏻 الحب في أبشع صوره
تأليف وكتابة وإلقاء : الشاعر / رامي قاسم
https://photos.google.com/photo/AF1QipMKf_qkR9RiQG-_nTIjzPSI4xzAVA09WrhPG5aX
الحب ف ابشع صوره
انتي الحب ف ابشع صوره
درس ف الخيانة هفضل اعتبره
درس عمري
عبرة وعظة من غلطتي
سوء ظني وازمتي
نقطة تحول ف شخصيتي
واختبار صبري
انتي كنتي ابتلاء .
شر حبيته بغباء .
وذنبي كان حبك
ولأني مش شبهك
ما قدرتش اكون زيك
كنت معاكي انسان
اما انتي نسل شيطان
وسوستي لقلبي فصدقتك
هخلي صورتك قصاد عيني
وافكر نفسي كل يوم بيكي
وهرفض كل اللي هيجيلي
لو شفت منه طبع كان فيكي
مشفتش معاكي حاجة تسر
كل اللي فاكره ليكي يضر
وايه يخليني ف يوم مطر
يكون ف حياتي شبيه ليكي
هعمل ايه بيكي
وعملت ايه فيكي
عشان يبقى نصبي بعدك خوف
دايما مرتاح وانا لوحدي
ولو اتكلمت بيبقى كلامي كله قلق وكسوف
حبستي الرغبة جوايا
كسرتيني كما مرايا
بشوفني فيها ميت حتة .
وهرجع تاني اشوف امتى
نفسي اللي بجد وحشاني .
حولتيني لواحد تاني
محدش طايقه ولا عاوزه
بجد خلاص كدا كفايا
حبك لعنة جوايا
عمل سفلي
شر موصوفلي
عدو تملي بيشوفلي
اي طريقة لأذايا
عارفة الغدر لو منهج ومطلوب اني اذاكرة
مكنش حد علمهولي زيك من اوله لاخره
البركة فيكي ياميس . لخصتي العذاب تلخيص
علمتيني درس كبير هعيش وموت فاكره
اللي يجي سهلل يضيع
وشاري بدون حب هيبيع
و لوهعاشر حتى رضيع
هعمل بردو حساب غدره
اخر كلامنا لسة بفتكره
روح وهنكمل كلام بكرى
وبكرى انتهى خلاص امره
قلبي طول عمره كان مستني . جالي قلبك ليه وهو مستغني . بقيت ذكرى
قصيدة ✍🏻 بعنوان : الحب في أبشع صوره
تأليف وإلقاء : رامي عبده قاسم على
تعليقات
إرسال تعليق