المشاركات

عرض المشاركات من نوفمبر, 2022
نتغركيش  ضحكة في صورة اخدتها يمكن افتكرتك وقتها بحاجة بينا بحبها ف رجعت اعيش
انا مش وحيد  بالعكس دا حساس الوحدة  ارحم ياما م اللي بحسه في بعدك كل يوم انا صول اليوم صاحي لكن نايم نايم ولدنيا بدونك رافض اقوم
عندها حق ما تصدقش اذا كنت انا نفسي مش مصدقني لاول مرة اصاظف بنت  جمالها رغم كونه بسيط لكن بيسرقني ام ضحكة بترسم بين خدودها باب للفرح ام نظرة عين بتحكي قصة زوال الجرح. اللي حكايتي معاها لا ليها اسباب ولا شرح 

فرق كبير

متبعدش وتطلب مني ارتاح متهدش حيلي ببعدك  وتقول ما فرقش كتير دا الفرق حقيقي كبير مابين روح بلا جسد  عشمانة في انتظارها تعيش وبين جسد بلا روح  ميت ونبضه مافيش حتى و لو قولت اني اقدر  اعرف اني كدبت مش اكتر من امتى المحروم بيستخسر في نفسه الخير شعور بعدك يشبه الفرق الكبير مابين الممكن والمستحيل مابين الراحة و سهر الليل مابين اللي تملي قلقان و متعصب وبين اللي بصبره  بيصلب حيل الفرق مابين عندك وقبولك زي كفيف شاف سكة احلامه في كحلك والتاني مفتح لكن ضل طريقه في نورك زي الفرق مابين سيء وجميل

صوتك

ياللي انتي جمال صوتك حدوتة من كتر ما حبه القلب كتبه في نوتة علم النغم بذاته تاهت في نغمتك كل الاته وما لقتش لعزفك ياحبيبتي احسن من قلبي ودقاته عزفتك مقسوم يانصيب مرسوم  على ورقة حظي  

اوان الهجر

حان الان موعد اوان الهجر حسب التوقيت المحلي لمدن الغدر رفع الانين بصوت قلب حزين  دقاته بتصرخ و تنعي سنين  وتعلن نهاية محتومة للقصة انا اللي في عيون كل البشر ميت وبعند مع حالي وبقول لسة انا الواهم .. انا الفاهم  لكني عامل فيها تايهة ومتلغبط رسالة الفراق مكتوبة بضمير واضح  واكدب عيني واستعبط كما عيل في مورجيحة وهمه متشعبط و مهما حاولت ارسم واخطط دايما للفراق خطط اخرى يمين شمال هيكون للحوار اخرى وتنتهي القصة رغم رفضي وعنادي و يحكم علينا النصيب بنسيانها وبعادي واكبر كدبة بكدبها  وقت فراقي و رحيلها بكابر واعند واقول عادي حكاية مش مستهلة  هينة قوي وسهلة وانا ومن اول وهلة  خايف موت م اللحظة دى فراقها مصير محتوم ورميني ع الهموم زق عقلي مصدق و مقتنع جدا   وقلبي بعند وجنون بيصرخ يقول لأ شايف فراقها بعيني حق  و مع ذلك بادعي وانكر بلعن حظي واستنكر واعلن على الدنيا غضبي وعصياني و بأي منطق هقبل افوتها وتنساني تحوشتي معاها مش سهلة دي اللي اتعودت ابص في عنيها ف اتولد تاني زهدت بيها عن الدنيا وما فيها وحسيت معاها اني بعيش بيها  ملك طول ما هي ملكاني...
سمعت آخر نكتة بيقولوا إن النصيب  جمعني أنا وأنت  بيقولوا بعد ماحزني غلبني ممكن في الاخر اطلع فايز بيقولوا رجوعك تاني لحضني طبعا سهل وشيء جايز بيقولوا كلام فعلا ضحكني  وانا نفسي اضحك لكن مش قادر بيقولوا انك عايز ترجعلي تدي الفرصة لقلبي وتسمعلي وتخلي لمشوار بعدك اخر مش عارفين انك قاسي وقادر وان قرارك كان حكم نهائي ومفهوش طعن مش فاهمين ان الشمش ويا الليل ممكن عادي يتلاقوا ببعض   بيقولوا انك راجع تديني الفرصة وتسمعلي انك مشتاق للحب و عايز عايز اضحك بجد و  مش قادر ياخلق ياهو دا نسيني ومش فاكر انا وان جيت اصلا على باله حلمت انك هنا جانبي ورجعلي قلبك بعد ماسبني مكنش حلم  ماطلعش اكتر من كونه كبوس قومت منه وريقي ناشف وقلبي صوت نبضه واقف مش قادر اصلب طولي  كأني على الجمر ماشي بدوس قدامي مش شايف ايه مصيري مش عارف  قلقان حزين خايف تايهة ومن غيرك في صمتي الوجع محسوس
حبيتك لدرجة اني  اجرت القلب مفروش للحزن سكني   ومشيت في طريق مشاوير  غصب عني بتجبرني  اكمل في سرابك للاخر يا اوصل مهدود مش قادر يا اما اسلم نفسي لعندك يقتلني وليه قاصد قلبك يحرمني من 
حبك اسم و ممنوع م الصرف حبك حال عاجز عنه الوصف حبك كلمة مرادفها الحيرة حاضر جانبك في زمان ومكان  وانتي حضورك في حكم الظرف  مضاد كلامك يعني صراحة  جمع مشاعرك مفهوش راحة في حياتي صحيح واخدة مساحة  لكنك زي ضمير مبني على الهجر اخلاصك و وعودك ليا  مجرد استعارة مكنية عن معنى الغدر تعريفك في معاجم العشق  انك علة وصابت قلبي المعلول جملة اعتراضية واعرابها ملوش اي حلول حبك نظرية لغوية  جوهرها جحود واذية  و تكتب بطريقة الموصول اما المقطوع كان عهدي بحبك ملعونة واو الوصل اللي ربطت اسمي باسمك ملعونة كل معاني الصبر لو اخرتها يفوز غدرك و ملعونة يالغتي الام  ياللي بحورك قادرة تضم  معاني كتيرة لنفس الحروف عطف يعطف عليه معطوف  وصف يوصف يليه موصوف فهم غرضك معدش خروف خذف حبك فصار محذوف وشيء معروف قفلة الجملة لازم تنتهي بنقطة مفرد سنينك ذنوب كاملة و حكايتك جمع للغلطة

حابب اعترف لك

ولاني واثق جدا انك  متابعة كلامي كالعادة  وقارءة المكتوب حابب ياحبيبتي اعترف لك اني حاولت ومقدرتش عن حبك اتوب ولو سألوني عن نصيبي في الدنيا م الفرحة يكفيني اوريهم صورتك جنبي بالطرحة

صرخة أخيرة

نص جديد : صرخة آخيرة  لابس صيفي !! في عز شتايا .. ماسك فاسـي و بعزق وسط البحر .. ومهما أضعف !! أو تتهد قوايا .. مش عـارف أهـدى .. وأبطـل حـفر .. أملا إني ، هلاقي الرغبات المفقودة عمال أشقى رغم عزيمتي المهدودة بيزق في حيـلي صوت جوايا طالب مني أكمل في شقايا  واتحمل وجعي ان شا الله لآخر العمر .. ماشي لبكرة بوعـي أصم ..  لابس عقلي في رجلي  وعمـال قلبـي بينـزف دم .. شايف كحل الدنيا في عيني ومصدق إن الشمعة  نورها هيقدر يضوي الهم .. بني آدم جاهل.. بلا فهم .. شايف الحق قصاد عيني مجرد ظن وبقول الكــدب علـيا أصـدق و أحن  مريح بالي و مخدر وعيي في بينج الوهم .. شايف نفس الخيّْة ومع ذلك  مصمم أسيب العِـدلة .. وأجـري عليها  كيفي افوت السـرب السالك وأمشي في زحمة افكاري و أتوه فيها والدنيا أحـب ماعليها تشوفني دايمـا تـايه و بعـاني عنيا صبحت من كتر ظلام قلبي ضعيفة و وجعاني سايب نفسي عرضة لسوق  سلعة ومعروضة بصنعة وذوق و العرض عليا مازال ساري بقيت سلعة ومش لاقية الشاري  و حوليا قلوب لو تمني بربع بلاش  بردو هتفضل مش عوزاني انا الطيب الموصوف ظلما إني ...

عشم

مكنش غباء مني قد ما كانت طيبة بغشم كان حبي بالنسبة لك  عشم ابليس في الجنة كان حبك بالنسبالي جمر الملاك بالنار زن المرتاح ع خراب الدار حلم اللي صالب طوله  انه يتهد و يقع و ينهار ايوة كنت اسوء قرار في حق نفسي اخدته قطر الشر اللي فاتتي وانا اللي جريت وراه ولحقته
اقرأ آخر خبر إنهزم حبي .. وخوفها إنتصر مكتوبلي افضل تايه جوا إحساسها محبوس مابين رغبتها في بعدي وإني افضل كدا احرسها لا أنا طايل سماها  ولا هاين عليها تمرمغ حبي في ترابها شايفة وجودي ضروري و مهم في حياتها  و تمن عليا بجزء بسيط من اوقاتها انما مش من حقي  اطمع تفضل جانبي تشاركني ليالي ونسهرها  و مطلوب مني ابطل غيرة و اسلي نفسي بالفكر والحيرة وانا قاعد وحدي في انتظارها مطلوب مني افضل متاح مطلوب مني اداري جراح مطلوب مني وقت ماتسألني اضحك بصوت عالي واقول مرتاح كله تمام لا تقلقي .. انا زي الفل انا صنم ما بيحسش ياست الكل انا طفلك المطيع للكلام سامع انا الكداب وكدبي في العيون لامع انا اللي مش نافع معاه الكلام انا اللي بكدب وبقول تمام وانا ولا تمام ولا نيلة وضعي عمال بيسوء  بكابر واعند وفيها بسوق وبنكر المي بكدب و زيف بداري الدمعة بضحكة واتهرب م الحقيقة بنكتة ورد سخيف بعمل قادر وبان جامد وانا واحد من جواه اضف من ضعيف واحد من غيرك ملهوش بيت متشرد قلبه ع رصيف  مستني معاد وصولك محوش كلام يقولهولك ويسمع منك رد لطيف قلبي المسكين اتعود يكون قدامك طوع واليف بيخايف قوي من ب...

قبل الفراق بساعات

قبل الفراق بساعات حبيت اكتبلك نص يليق بست البنات مشكورة ع الايام الحلوة  ع الاحساس الدافي وقبل رحيلك احب اقولك ان صوابعك لسة علامها ع كتافي وان انا حاسس دلوقتي بقلبي  ع نار بعدك ماشي وحافي وانك بعد ما مني سلبتي تصبح ع خير ازاي ممكن تاني ابات دافي وكلامي ان بان لك عتاب او لوم فـ بحق الله دا اقراري واعترافي بأنك نورتي وشرفتي واهلا و بإن مرورك كان فعلا وفى وكان اكتر من كافي فاكرة زمان يوم قولت انا حبيتك دلوقتي انا جاي لك قبل رحيلك بستأذن منك اسحب كافي لجل ما ترجع انا حبيتك  للمعنى الاصلي الوافي انا حبيت  وحسيت في حاجات طلعت اصلا مش فيكي اتمنيتك حضن وبيت  وما دوقتش طعم الغربة غير في عنيكي  شوفتك نعمة وحبيت التوبة امنت اني حبيبك وانك محبوبة اتاري مذاهب حبك كات معيوبة وبعلن كفري انا بالحب على اديكي
الحلوة خلاص ملت زهوة البدايات في عنيها قلت الرغبة خلصت  والمشاعر من قلة المراعيا ماتت جواها ودبلت فيا واكمن الطيبة شر البلية كان طبيعي اشوفها بعنيا بتنهي الحكاية وتقول خلصت ملت من اللعب بيا بعد ما جابت اخري سبتني متكتف في عمود ندمي وقفت تشاور وتنده المي وتقول عادي لجل ما تنسى هتتعب شوية  
مسافرة لبكرة هربانة من وجع إمبارح مشوارها طويل والتفكير بيها سارح  مشيت لحد ماوقفت أيامها في إشارة مابين ترجع وبين تطلع واقفة محتارة مناها تكمل طريقها وتجيب الاخر عمالة تعافر و تناور وتقاوح بس الطريق اشارته حمرة مش سامح متعلقة في زحمة افكار  مش عارفة توصل بكرة ولا قادرة تنسى الذكرى ولا عارفة في يومها تاخد قرار جواها زحمة بكدب قلبها شغال وخايفة تحب ودا إحساس فعلا صعب  تكون خايف من شيء نفسك فيه يبقى معاك تمنه وخوفك منعك تهوب يمه  أوتوصل ليه  

حبيتك بكل ما أوتيت من احساس

حبيتك بكل ما أوتيت من إحساس  بقيتي إنتي الغايب والحاضر وكل الناس بقيت معرفش في بعدك  جايز او ممكن ولا حتى ظروف .. و معدتش شايف غيرك ولا عايز اشوف .. كل إهتمامتي إنشغلت بيكي .. كل طـمـوحي إزاي أرضيكي .. حتى نفسـي اللـي حبيتها  معدش يفرقى لي راحتها و لا عــارف أبـديهـا عليـكي .. ساعات يومي على رضاكي بوزعها دقات قلبك لو غيبتي قلبي يحن ويسمعها كإن غيابك جسم .. وحنيني الظل كأنك بقيتي الكل والكل بدونك ولا حاجة جزء منك مابيرضيش ورضايا في بعدك مايريحش وإن حبيت ارتاح من كتر التفكير قلبي المشغول مابيسمحش راحتي بدونك شيء صعب ولا يجوز كل طموحي أحقق احلامك قبل ما بالك حتى يعوز كأني فنوس في القصة إياها كل اللي عليكي إنك تتمني  فـ لبي الصعبة مدام عيزاها و إنتي الراحة اللي معاها  لأول مرة أحس أمان وإنتي الطفلة اللي بحاجي عليها ولجل عنيها ببات سهران أحرس نومك من الكوابيس وأمنع عنك وسواس إبليس  لـ يدخل بينا .. فــ يِضِلك وينسيكي الحضن اللي فِضي لِك و دونا عن غيره فِضِل لك و لَجْـلِك فــات الــدنيا وراه .. لاعايز شيء ولا ناس لزماه .. لخص كل الرغبات فيكي و قلبك أصبح داره و مأ...
قلبي صوت صفير دمه ع نار الغيرة بيفور ما تتخضيش دي ريحة دمي  عمال يغلي ع نار الغيرة و يفور مش قادر امنع نفسي اغير منا بردو في غيرتي اكيد معذور محدش شيفك زي عشان يفهم انا ليه بتعب من نظره عينهم  لو صابت فيكي بنظرة اعجاب دي حتى عنيكي مش شايفاكي زي بيعني ما شوفتك وقلبي ومهما يبان عادي بيغير من عينهم ع صورتك  بغير واكتم جوايا واداري وع الهادي بتسوى في ناري كاتم احساسي وساكت و بشوف في عنيهم 

اخترتي مين

ازاي لجلك غيرت طباعي ودي اول مرة اولك فيها بحبك واحس اني بقولها بدون داعي ازاي حطيت ايدي قصاد رفضك لحد ما باب عندك بترلي صباعي ازاي سلمت لخوفك دفة مشواري وازاي فوت رعبك من بكرا  يحدد مصيري ويلغي قراري ازاي كتمت عنك اسراري بدال ما اعلنها كنت يوماتي بغزل حروف حبك  قصادك عينك واكتبها كنتي بتفرحي بيها مش بيا كان عاجبك دور البطلة في المسرحية كنتي لي الحبيبة المؤذية والمكسب اللي عاد عليا بخسارة كان قدامك حل من اتنين يا تشوفي ايامي بتنزف حياة يا تفوتيني ارتاح وتعيشي منهارة حسيتك كل ما ليا وانتي حاولتي واقصى طموحي معاكي مكنش في هواكي ضحية خوفتي عليا من الانانية اللي سكناكي وبردو رفضتي تفوتي    
اخترناه وحبناه وقدرناه واتحملنا لجله رفض ومعاناه احسن يمكن مش مكتوبلي معاه احزن او يمكن فاتنا لقلوب احسن وفي الحالتين نفس النتيجة همسح ذكراه بأستيكة

فيسبوك

نص جديد : الفيسبوك الفيسبوك .. وما أدراك ما الفيسبوك  شبكـة تـواصل إجتمـاعية .. منشورات و تعليقات تفاعلات و مشاركات  بث مباشر و غرف صوتية .. دا الشكل المعلن للفيسبوك  انما في الحقيقة وظيفتة الفعلية .. مجرد مصيدة للعلاقات العاطفية .. ومن هنا تبدأ قصة هو مع هي هو مقضيها طول اليوم ع الفون  عمال يبعت اكتر من ١٠٠ آد .. وهي كل ماتفتح يوصلها ما يقرب من ١٥٠ ريكويست .. منهم ( ٩٠ %  ) بس ولااااد .. تبدا تعمل سيرش وفرْز لحد ما تلمح بعنيها المُز فتجري قـوام تعمل إكسبت .. فيدخل بسلامته و يشكرها ع قبول الآد .. و رسايل رايحة وجاية في شات ما بين الواد والبنت مساء الخير  .. ممكن سوا نتعرف .. مساء النور .. طبعا دا أنت تشرف .. و شوية شوية تُفُك البنت و يبدأ هو يحلو و يعـطف ويلطف .. سهراية في شات  ضحـك وقفشـات و كلام بليل لساعات  يتحول لـعلاقة حُـب في شاشة .. وتبدأ تظهر بينهم مشاعر سخنة وعواطف جياشة .. وزي مراية الحب ماهي عامية فشاشة الفون .. ضالة وغشاشة .. يفضل يحكيلها ويشرح  عن واحد غيره .. ومش هوا وهي بتوصف له الرائع من برا  وعمالة تداري في عيب جوا يفضل ...

حب انفرادي

وضعك غير مفهوم في حياتي هل بالنسبالي حبيبة ام شريكة لطيفة  لأوقاتي بكرة بتاعي هل ليكي مكان فيه طب هل بكرة بتاعك في وجود لحياتي

الركن الظلمة

كرسي الظل اللي بعيد عن نوري اخترتية والجنب اللي مشاعرك مني ارتاحت فيه طريق اخره البعد  الايام الحلوة اللي مابنا كان لازم يوم تخلص منا  وان كان قربك مني فرض نصيب فٕ بعدك عني احنا اللي وصلنا له كان بعدك فعلا .. اسلم حل يسلم عقلك وقراره قبل ما امل وجودك وتملي قبل ماشمس برودك تحرق ظلي قبل ما يجي اليوم واندم كان ايه خلاني اجريلك من غير ما تهزي في طولك ولا ملي بقيت  حسك ظل وتايه ملهوش جسم ليكي وجود في حياتي صحيح لكن بالاسم مفعول سحرك ولى و زال  اعذارك فيلم سخيف وبدون اقبال كنتي ازاي عايزة تبيعي حلال وبضاعتك معروضة في سوق الغش مليت اصبر واكتم واتحمل واقول معلش معلش انتي بقى المرادي قلبي للفك ولدورانك مبقاش فاضي بقيت شايفك عادي قصادي  بدون دهشة او انبهار كحل العتمة في عيني  مصاحب قربك ليله و نهاره كان بعدك فعلا اسلم حل يسلم عقلك وقراره يسلم ذوقك  انا ممنونك وجميلك مش هنساه طول عمري قلبي خلاص فاق من النزوة ححرت الروح المحتلة بدون غزوة كان يكفي في حربك  اني ابعد عنك  و اسيبك وحدك بمن غير حب وعزوة  كنت مفكر إني بحبك وادفع اعصابي مقابل كدبك  وا...