المشاركات

عرض المشاركات من سبتمبر, 2022
اكتر شيء من نفسي .. تعبني ان انا فوت نفسي .. لنفسه تعذبني ما قال مش حابب  طب ليه قلبي الخايب ..  ساحب كرامتي وراه وتاعبني مش قادر ينهي حكايته لا حب .. ولا هيحب كل ما في الموضوع إني عجبته حاولت ابعد لكن مقدرتش جرب يبعد بي استخسرني على ايه يخسرني ..  ويحصد ثمر الخداع قبل اوانه هيلاقي فين مغفل زي   حاجة و بيها يسلي زمانه وفي عز ماكان بيخدرني  كنت انا بحفر في الصخر عشانه عارف ومتأكد انه مهما 

اعراض انسحاب

حسيت وانا بمحيكي مني بروحي خارجة تألمني عقلي رافض وجودك وقلبي مش طايق فراق افكاري ومشاعري ليل نهار في خناق وبتقطع حقيقي وأتوجع  كل ما اسرح في حالي معاكي و نسيج روحي بيتمزع مابين ممكن وصعب انساكي  وهي إجابة واحدة قادرة تريح وتفض الإشتباك انا يوم ما قابلتك صدفة كان ايه وداني هناك و لقتني مهما بحاول هفضل فاكر مهما عافرت وفضيت روحي  برجع ملقاش غيرك اول عن اخر اعراض انسحابك مش بالساهل نسيانك مش هين مش تقضية واجب وانا بحاول انساكي بحس  إني بجاهد واتشاهد و بحارب بحارب حرماني ويكسب بعادك بحارب ذكراكي وتكسب ايامك ويحارب صبري في عنادك  و ليه تسأليني سؤال  و معاكي جواب هو أنا مش لججل انساكي محتاج اسباب ما هو لو قلت نسيتك كدا فجأة معناها إن أنا م الاول كنت في حبك كداب لكني مسيطر زي ما طلبتي انما رفقا ع قلبي ياحبيبتي اصلها مش شكة دبوس دي اعراض انسحاب شايف قدامي من غيرك أيامي في أحزان بتروح .. و حـاجـات مـنك .. بتغـادر روحـي بخـلع الــروح .. ومش مسموح قدامك  أظهر ضعف ولا أبين صوت .. واقـف عاجــز بتفــرج  تايه م الصدمة و مخضوض .. جوايا حنين ليك .. وهو بيخرج مني ...
وانا داخل في رحاب غيرك وقعت مني صورة وذكرى وحبت كلام منك سمعت القلب بيبكي و عنيا بتشكي وانا بمسح صورتك

دليل

اديني سبب شافع عنك يدافع لوبعتي اديني حل يحل معاكي لو ضعفتي او سلمتي اديني امارة او وعد ومكتوب برموش عينك ع قلبي وخلي الختم بصوتك باين لو قلتي مين قالك عيب تقوليها ليه كتماها ولو قلتيها  من كل معانيها بتجرديها بحبك صاحب .. لأنك صاحب تتحب هو ناقص شغل جنان دا انا اصلا بتعالج بالحب 

ست البنات

انا قولت فيكي ما رأيت هوصفت حسنك ما وفيت ياوحدة منهم لكن في عيني ستهم جمالك في عيني مختلف قلبي يشوفك يتخطف هتفضلي وحدك .. تحيدا و بالذات في قلبي وعيني .. ست البنات وتضل مابينا حاجات  في السر ماتتقال هتفضل لسنين .. دايما ع البال وافضل فاكرك و لاخر عمري  بكلام جوايا قلناه لساعات فرحة وجمعتنا .. دمعة و هزتنا ادين اتمدت تواسي الزعلان لحظية حنية .. صبرك عليا وطولة بالك مهما كان صوت اغنية .. فيلم في مسرحية لحد ما يخلص يومنا برفع اذان كله اللي ما بينا .. ضد النسيان لازمن يقدر .. ولا بعد كمان نبضك في الروح ياروح الروح .. حاجز له مكان تعبني العند لكن مش ندمان سبتك ع راحتك وفهمت كمان مش كل المرغوب .. في قدر الامكان من امتى الدنيا ياغالية بتدي العشمان وان كنت انا طمعان بعدك  في الراحة فـ أكيد غلطان هتجيلي الراحة منين دا عذاب بعدك سارح كما لبلاب وقلبي حيطان نهر فراقك نار و مجراه شرايني كان نجم و معتم يوم مافرقتيني وفتي سنيني يتيمة واهدافي بلا قيمة سيبتيني لدنيا لئيمة..  تطلع عيني حتى دموعي الخجلانة  مش لاقيه عيون تواسيها من يوم ما بعدتي وسبتيها  وحياتي بدونك بلا معني و...

كفر العند

يقولوا اجمد كدا وانشف وداري  الدمعات ويفتوا في حاجات عايزني انام عادي  و اصحى م النوم هادي اغسل وشي وقول خفيت ياعالم دي كسرة قلب مش رزعة دماغ في الحيط لوسهل انساها.. مكنش ليليها سهرني ولا كان الحزن قاتلني واخد روحي رهينة انا من غيرها صحيح باين .. ورد جنابن بس مجرد زينة ودي بنت لزينة بنت معلم طالع باللحم .. جرحها و معلم وانا بتعلم  .. من اسلوبها  رميت حسناتي .. وعجباني ذنوبها عاجبني نظرتها للموضوع اقولها حبيتك ..  افعالها تقول حبيتك اكتر اقولها نقرب ..  تقولي طب  بالعقل نفكر اقول مش قادر ع بعدك ..  تقولي لاا اهدى كدا وسيطر اتاريني م الاول كنت ضحية لعبة وتسلية وقت بيملى فراغها مش اكتر سحلتني من قلبي وعقلي في ديلها مجرجر شيطانها فكر وخطط ودبر لحد ما دمر احلامي  فرجتني على خيبتي بترقص قدامي وضحكت عليا الخلق في الاخر طالعة برئة وانا ظالم ومليش حق قالتهالي وش في وش انت الغلطان معلش انت اللي قلت بحبك وانا من ذوقي ما قلتش لأ  كنت مفكر ان انا حاجة وباقي الناس شيء تاني اتاريني عايم في بحر سذاجة وشارب منه لحد كيعاني اكيد كنت بهزر وازاي عشت مفكر...

حباني

شايفك شيفاني بتعذب وبعاني شاريكي و بيعاني وف الاخر فيتاني واخر كلمة قولتيها في بعدك  انك حباني

النداء الأخير

النداء الاخير .. من قلب مسافر وخلاص مش راجع بعد خطاوي كتير ..  بطل سعي في سكة مشيها مش نافع هيقعد ليه .. و يستنى ف مين و دقات قلبه الموجوعة  ازاي تتحمل و تدافع  في وش كلام زي مدافع كسر مقديفه ومزع في شراعه والحبة الفاضلين من عقله اديهم ضاعوا واتعلم م الدنيا ان طباعوا .. لازم تتغير مش اي ملوش لازمة معدي ينفع يتقدر في ناس لو شافت منك اكتر ترفص في النعمة وتتبتر بس خسارة درس وجه متأخر بعد ما اثر في الروح فات الشاطر من وقعته يتعلم لكنه هيفضل مجروح تفسي يحكي لكنه اضعف من انه يبوح صوته بسرخ والكلام منبوح مش واصل سمع قلوب أ صمة و عقول ظلمة مهما نيقيدلها نورنا مش بتشوف شماعة ومالت من كتر شالت   في حجج وظروف وقلوب ماتت في حروب كانت بدون دم ولا سيوف صدقتي ياغالية .. ظا اللي يعيش يا ما يشوف رفض غير مبرر ..  مع صمت بيتكرر ومكابرة وعند   وكدب وخوف بلا دافع حجج لمجرد الرفض يطير احلام في سماه وتنزل فجأة تدوب في الارض حاول و ناور  حدد و شاور وطاف في الاقناع بالطول والعرض لحد ما خلص العرض .. و نفذت منه الكمية ولو على الرسالة بدال المرة .. وصلتها ١٠٠ فضلت ابعت ...
ازاي بتطلي في نص اليل فـ تضوي سمايا بلون الشمس وازاي ماشي في عز الظهر و بنسمه بردك في القلب بحس مفعولك سحر ..  و عيونك بساتين ورد ممدودة مساحة مجرد اني اسمع صوتك  دي المادة الخام للراحة نفسي اقولهالك بصراحة .. لكن خايف وأنا شايف قدامي ملاك بلا جناحين وانا روحت او جيت فيكي هروح فين يامو الطلة جنان ياعود مسك ونسيمه ريحان انا بحسد عينيا عشان  طالت من النعيم صورتك ............................ نفسي اقولك بحبك و طمعان من قلبك في بداية نفسي بدون ما اقولك تقرأي في عيني  الحكاية نفسي ابطل كسوفي وابص ف عينك تشوفي يمكن يرحم ظروفي  قلبك ويحس بيا نفسي ابطل اداري معقولة لسة مش داري قلبك ما حسش ناري  ولا بلوعة هوايا نفسي اقولك بحبك و ردودك عنها منعاني نفسي اتجرأ و اقولها كل يوم بشكل تاني  نفسي افتح عنيا  والقاكي بين اديا زي ما اتمنت عنيا  بدر وحاضن سماه نفسب اقولك بحبك واهرب مني و اروحلك فـ احس براحتي قربك ..  و أحمد عليكي الله الكلام عليكي وحدك يا واخدة من كل شيء احلاه دايب فيكي عشقا .. وااااهن .. آاااه نفسي اقولك بحبك .. فتردي عليا بآاااه غريبة في غي...

بغير من نومك

مع اني ع علم تام  بأسباب بعدك وعارف انك دلوقتي على سريرك نايمة وقلبي واخده في حضنك لكني بردو بغير من نومك ومن حلمك لو يخدك مني نايمة صحيح ودا من حقك ..  لكن غصب عني بغير نامي ياحبي وخدي راحتك ..  بس اوعي تغيبي كتير اعملي خاطر وحساب لحبيب دونك متساب  وحده في سما بعدك بيطير  والدنيا بلاكي كنكة قهوة   على نار هادية ما بتفورش و عنيه في بعدك  بتذق في ساعة  عقاربها كسولة ما بتدورش والساعة تجر في ساعة وانا ناقص اقوم انده في اذاعة حد يصحيها يا ناس قولولها كفاية خلاص حبيبك حاول يصبر ع بعدك انما ما قدرش قولها كفاية .. دا اليوم بوخ والشوق فرهد قلبي من كتر مافيه دوخ  والعقل خلاص من طول صبره صاحي مدروخ  مفيش تركيز غير في غايبك و عنايا سهرانة بتتأمل شاتك في انتظار وصول الرسالة الموعودة تقيدي حياتي بطلة نورك فرمي بخيراتي على حضورك واقولك فينك وحشاني والله بعودة   

نعي ايامها

ليلي لسة برد من غيرها مهما اتقلبوا فصوله واتبدلوا التواريخ .. لسة قلبي بيسأل عنها و اقوله إتعود من غيرها يبدأ نواح وصريخ .. فـ انزل تعذيب فيه لحد ما احس انه انتهى .. واسمع اخر دقة منه خارجة بتلفظ اسمها .. ويعلن عقلي لحظة وفاة قلبي مات و البقاء لله .. خلصنا منها .. ويبدأ نعيي أيامها ينزل في اخباري .. فراقها تعبني صحيح مع انه بخطري و قراري .. هقفل بابي في وش الريح وافتح شباكي لنهاري .. معدش ليلها يلزمني ولو ع البرد عادي يفوت  وانشف م الوحدة لحد ما أموت احسن من دفا زايف مليت اعيش خايف وادارى في حيطانها القرب خلاني ادبل ولقتني واقف بعطلها اتنين محلك سر ما عادتش تصلح بر و من حر وحدتها ..  ما عرفتش استرها ايام مكتوبة عشناها وكتر خيرنا وعودنا مقسومة ويا ناس غيرنا اكيد الفراف افضل حل مهما فضلنا نقاوح فيه و يارتني كنت بعدت قبل  ما اسمع منها قابلتك ليه ؟

سورة قرآن

كان الاقرب .. كان حضنه المهرب  كان بالنسبالي الكل  كان الظل .. واضل لوغاب عني شوية مابان كان الحل .. لكل مشاكلي  و حضنه المؤى كل ما احس ان انا قلقان  كان .. وكان  فعل ماضي ملعون ياما فرق حبايب وبكى عيون و قلبي المسجون في حضوره  رغم بعاده مش قادر يقنع ايامي ازاي ع بعده هيعتادوا واهرب منه ومني و من الشوق و الحنين  فـ اجري ادارى وسط الساجدين واقوله يارب قويني انساه  فـ يرجع يفتكرة القلب في دعواته كان .. جوة القلب واقرب مني لدقاته ايوة لسة بحن .. وكل الاوقات اوقاته لانه ملكني وعلم جوايا كمان وانا مش مخبول ..  ولا درويش واقع على بوزه وهيمان ولا كل المتفات سهل وقوعه في خبر كان تخيل معايا يامؤمن تجمعك علاقة بإنسان كان يوم يزعل منك .. لجل تصالحه تسمعوا سوا سورة قرآن اخدتك في غضبي لسجادة صلايا كنتي معايا وانا ساجد قدام ربي كنتي واحدة شملها دعاية زي قرايبي كنتي قريبة .. بقيتي غريبة ودنيا عجببة .. لما بتضرب ع القلب وفين يوجع اصعب شيء انك تتكلم  ولا تلاقي حد لكلامك يسمع انفضوا الايادي من حواليك  وفاتوا العيون وحدها تدمع رافضين يحضروا حزنك اعلن ...

هنا أنا

هنا ابتدى وصف الكلام والشرح هنا رميت تقاوي مشاعري وفت لضميركم يقرأ الطرح هنا حاسبت نفسي كتير وهلكت روحي م التفسير  وحسبها عقلي كتير وقضاها جمع وطرح هنا  التقى نهاري ويا الجرح هنا في حضن الليل  و في نفس المعاد دايما ونسنا ولمتنا  ..  أنا وحدتي والفرح هنا ضمير شاعر بيتكلم هنا قلب من كتر ما عانى بيتألم هنا صابر  بيتعلم م الدنيا حال الناس هنا جاني ع نفسه عايش بكوم احساس هنا خلاص واحد ادمن المعناة واحد في عينه كل شيء وليه معناه هنا .. أنا .. وانتوا 

رسالة صلح

رسالة لوحدة دلوقتي انا معرفهاش خرجت برايا ومني واصبحت ذكريات حقك راجع اضعاف مردود الحزن اللي انا رميتك بيه معشش دلوقتي في قلبي بيوت ما هو اللي انا فيه دا كله اكيد مش ببلاش اكيد دي دعوة حد رافع ايده لسما ربه ما نزلهاش اكيد جنيت وبقسوى اذيت وكسرت بخاطر  قلب كان شاري وناوي يخاطر لكني عملت الشاطر وبكل دناوة رميت واديني من الوجع بجني وقلبي اللي كان ع ايامك جاني في ايام غيرك اصبح عليه مجني بصرخ ياربي سماح تعبان وعشمي ارتاح و مليش غيره وانا غلطان الجأله طمعان في عفوه ورضاه  وقابل طوعا حكمه وقضاه  وعدله بت في حضن غروري ايام وانا ظالم و جه الوقت اللي انا لازم ارضى بأمره ياللي انتي حتى ندمي مش فاكرك  ولا عارف لرضاكي سبيل بقدم اسفي المحقوق لجل كرامتك بنية سليمة من قلب قتيل ذنبوبه بتتأسف عنه وحاله بيشع قدامك لو ينفع يرجع بينا العمر كنت اوهب ندمي لاحساسك

الموضوع ياسادة

الموضوع ياسادة ابسط من البساطة بمرتين تلاتة نفس القصة الفاشلة المتعادة اتنين بالصدفة اتلاقوا  فـ حبوا يلعبوا حبة واد طايش  و بنت عندها نقص اهتمام ومحبة اتنين في السكة اتقابلوا ف طاشوا استسلموا لمشاعر اطفالي و ادوا العقل طناشوا وبعيد عن اي نية خير غمزت له برمش خطير قام رد عليها الطايش رد شياطيني انتي حبيبتي ونور عيني بتاعتي ولزماني وهي ياعيني  محرومة م الحنية وبتعاني قالها مزة عمري قالتله تعالى في احضاني يا حبيبي وجاني نفس القصة الفاشلة بتتعاد تاني بنت شقية و لعبية  مع عيل طايش واناني والناتج جرح و مشاعر موجوعة مهما يجيلها اللي يداوي  هيلقى سككها ظلمة و مقطوعة ويفوت عيل طايش  قلب البنت من الخوف كاشش دبلان دمعته مش مسموعة مهما يجيلها اللي يطيب هتسد في وشه وأمله تخيب فتني لحالي يا عم الطيب آسفة خلاص الثقة ممنوعة   النمرة اللي انت طالبها غلط فكك من الحنية المصنوعة ويزيدوا المجروحين تالت وتموت كلمة حب بصدق اتقالت ويتاخد في الرجلين قلب بدون ذنب كان ماسك احلامه في ايده وماتت وتتكر نفس القصة يوماتي قلوب طاش خانت و قلوب اتخانت ماتت و قلوب حبت في قلوب مجروحة فها...

ادلعي براحتك

ولـو كان حتى الغلط عَندِك .. صعب يطولنـي زعـل مـِنك .. مكانك في قلبي مش توبه زعل وخصام زعلنا ولو دام ثانية في شرع قلبي حرام ويؤسفني وقت ضاع في كلام كان اولى بيه قلبي .. يصرفه في حبك .. ما فيش بينا أسف او لـوم عتاب الأحبة عشم مهزوم و هكسب ايه لو يوم .. فُت الـزعـل بينـا يبــات حُضنـك .. عاهدت نفسي اكون لك سَند  واهون عليكي الصعب لو عاندِك .. عيني عليكي يسهروا الحراس وقلقـي وخـوفي .. دول جـُندك .. يا حبيبتي ناوي اخفف حمل  مش غرضـي .. ازيــد حِـمـلك .. ودلعك ومهمن زاد  بـدأت عليه أعتـاد على قلبي زي الشهد فـ تدلعي براحتك .. #شِعر_في_صورة #Ramy_kassem

ملكة بنات العالم

يا ست بنات العالم  و حرم قلبي المصون بحبك وربي العالم  نادر هواكي اصون يا لطف ربنا بيا .. بحسن الدعوة والنية  وبسر بركة كن ف يكون  يهديكي ربنا ليا .. و اشوفك تملكي عنيا فـ يبدأ بينا غرام بجنون وتبدأت أحوالي في قربك تتغير وارجع اشد الحيل ع الدنيا  بعد ما كان نفسي قصير نظرة عينك حلفت لتنور ايامي الجاية يوم ما قابلتك قلبي اتاخد وبدون تفكير قال هي هي اللي معاها وبس هلعب وأغلب بكرة كل مافيكي بيسند ظهري ويديني القدرة مطمن بيكي وانا مستني الجاي و برتاح جنبك من تقل الذكرى انتي اللي معاها بحس بعزوة و كترة وبيت مرسوم نظرة عينك غنوة قادرة ترقص قلبي على المقسوم  انتي اللي معاها الخير بيدوم والجاي عمار  امان وهدوء راحة بال و استقرار مشوار همشيه وياكي وانا مطمن  في حضورك كله اكيد مفيش جايز او ممكن انا جانبك متأمن من مكر الدنيا وشر اذاها يا سلام لو دقات قلبي بتنطق  وياريت لو روحك سمعاها ملكة جمال الكون بالنسبة ليكي وصيفة حبك في قلبي قانون و عشقك لروحي وظيفة فداكي كله يهون  

أنا مغرور ؟!!!

اأنا مغرور ؟!!! طب قول بأمارة إيه شفت إيه يخليك تحكم ع العتمة  إنهـا نــور ؟!!! ليه عينك شايفة العزلة اللي أنا فيها  قصر أمير زاهد ناسه  ومعلي الصور ليه ما يكنش صنع بعده  اكمنه مشفش في خضرتهم أي قبول .. مش جايز عايز حد يحس  ويسـأل عن حــاله بـدون مـا يقــول .. مش يمكن حاول لكن ما اقدرش  فحس بإحباط منهم أو جاله خمـول .. مش وارد اكون انسان عادي  هـادي وراضـي وهو دا فعلا طبعـي مش جايز اكون حابب أريح سمعي من كتر كلام ع الفاضي و بدون مفعول .. وأنا مش مسـؤول ابــدا   عـن ســوء ظــنك فيـا .. تشوفني الخيرات  تشوفني السوءات ما يفرقش كلامك عندي  ولا نسبة ربع في المية .. انا ادرى بحالي  ونصيحتك ليا   اكيد مقبولة و متشالة فـوق الراس أنا مش قاطع  ولا مقطــــوع   ..  ولا كــاره نــاس انما جايز ما املكش كلام  يصلح موضوع نفتحه بينا .. انا حابب أبعد حالي  عن قالـوا  وقولنا وفيه إنة .. بسمع وانا قاعد وحدي هناك بعيد عن ظن وشك وأذية .. بتأمل كباية شاي في إديا .. بخارها بيهرب م الشباك   ومعاه ا...

بحبك عافية

مجنونك قيس ..  بيمسي عليكي ياست الكل ياليلى ياللي في حبك .. ما نفعش لا عند أو ذوق ولاحتى محايلة  دايما عن سعي لقلبك منعاني وفي خانة صاحبك ع طول كشاني ما تحطي نفسك مكاني وقوليلي اعمل ايه انا موافق حالا اني اسيبك واكسر رجلي في وسط طريقك  بس جبيلي الاول عيب واحد فيكي وشوري عليه ليه شيفاني مناسب لكن منفعش وازاي شيفاني محارب انما مكسبش وانا شيفك حلم مايتسابش ودا وجه الخلاف بينا وسبب الخناق دايما مع بعض لكن اللي حط صوابعه العشرة في برد مش زي اللي حدف جسمه كله في نار واللي شاف من بعيد لبعيد الورد مش زي اللي عمال يشمه ليل نهار وانا وانتي لابينا وعد ولا عهد ولا اتفاق او حتى قرار يجبرني اختار  اني اكون صاحبك لاني بحبك وهفضل احبك عافية يا اول واحدة اقابلها وابصم بالعشرة انها كافية ياهادية ونادية وراضية وصافية ياللي نزلتي عليا ف برد الوحدة  كالمطرة الدافية يااللي اكلتي دماغي وحليتي بقلبي بصحة وعافية يا حب ما يتكررش ياصدفة ما بتحصلش في العمر غير مرة دقيت على بابك اكتر من مرة لكن ما فتحش
انا ليه كل ما احاول وصفك بمجرد ما أبدأ اكتب عنك بلاقي كلامي اقل كتير منك م اللي مشاعري تجاهك حساه  وازاي واحد شاعر زي بسهولة بيقدر يصوف  والناس تشهد له و تهتف دايما عاجز قدام حسنك واقف شارد وحكايته ع الله و تلاقي عنيه بتهرب  منك  كعيل وفـ مولد عشقك تاه الكلام دايما عارف صاحبه ولكل كلام وقته و معناه وانا مش لاقي كلام يوفيكي اللي انا حاسه والعين شيفاه انا ويا الكل بكون اسطى كلام  وف حضرة عينك بقلب فرد حمام بتحول واحد خام اول مرة بيسمع بنت بخشع قدام نبرة صوتك والاقيني سكت مستمتع بحروفك  جدك وهزارك وروعة اسلوبك و محسوبك واقف قدامك مسحول مستغرب ع متكهرب ع مزهول قدام روعاتك  ويصيبني جنان اول ما الضحكة ترن واتحول جن كل طموحه ينفذ طلباتك   في وصفك وحدها معاناه تخيلي كدا واحد شاعر زي شغلته يكتب في كلام  ويجي قدام حسنك و بيبقى ع الله لو بص فعينك بيتحول فجأة لعيل تاه فهماه  .. معاناه انا ليه كل ما احاول وصفك بخاف من قلمي ليكتب عنك معنى اقل كتير منك ..  وازاي شاعر زي بيعرف يختار الكلمة وقادر يصوف  والناس بكلامه بتحاكى وتحلف دايما عاجز...

فكرت ف الدنيا

عمرك فكرت في الدنيا صح سألت نفسك ليه مش كلها فرح وليه الجرح ومهما قل مكتوبلك منه صيب وليه في ناس داخلة حياتك قاصدة تعلم بتسيب مش طبع الدنيا كلها مكسب طبيعي عشان ناس تكسب  ناس غيرها تبات مغلوبة مهي الدنيا غزية لعوبة بتشاغل عين الطمعان وديما ساحبة في ديلها الغلبان ومرمطة فيه مش سيباه للغلب مكفيه جاية عليه بزيادة يطلبها بسكر تنزله سيادة فقرة غلابة بيخدموا سادة م الاوباش تبص ف اصل الغلبان تلاقيه غالي وتبص في معدن الباشا  تلقاه ببلاش و بقدرة قادر تلقى اللي معاه ومزكاش هو عمره وهمه وكل مليه ف الانعاش وتلقى الطيب م الستر قريب بيحمد ربه ع اللي معاه  وبيراجع نفسه صلى عشاه ولا مصلاش

عن عمري

تسألني عن عمري ؟؟..  وأقولك عشت سنين ضاع منهم ٢٥ بفعل فاعل و ١٥ و انا عن حالي غافل اما العشـرة الباقيـن فكنا يدوب عيال صغيرين  لاعرفنا شمال ولا روحنا يمين يادوب ملايكة و عايشين و في غمضة عين ابتدت الدنيا تشيّـل في ذنوب .. و ورتني الـواقع مليـان بعيــوب .. والناس شايفين قلبي ازاز و مع ذلك نـازلين فيـه تحديف بالـطوب .. وانا ..... مش آيوب .. ومهمـا يبــان .. صبـري قناعـة فطاقتي اكيد و ليها حدود  من كتر ما شفت اخدت مناعة و بقيت خبرة في هدم سدود و أهي ماشية الدنيا ولا فيهـا جـديد .. برايا عايش يتعامل وتشوفني حديد .. لكن جوايا نفس العيل قايم بدري عشان مدرسته بعيد .. في الشنطة فطوره و واقف في طبوره  بيسمع ويا اخواته اخبار الدنيا في اذاعة مدرسة الشهيد ..
ياما دقت ع الراس طبول وطبلك ما سمعش 

أنا السقا

أنا السقا .. أنا العازق في أرضها الشـاقة أنا معافرة .. أنا مكابرة  وانا الـزقة .......... فـي امـل خسـران .. فت كل القلوب فاضية  ومـن خبتي رحت افضي فـي المليـان .. انا اللي عمره ما داس في رهان .. و يوم ما حب يرمي الزهر قبـل مـا يرمي .. طلـع خســران .. انا الغافل و انأ الغلطان انا اللي جبتك م الارض و رفعتك ع حطان وجعلتك تلالي في براويزي يا موطن العلة في تميزي ودليل على طيشي تعيشي و تعلمي فيا ياخبرة برخصة دولية ونعومة باريسي ياسبب في اني ناسبت ابليسي يامعجونة بمية عفاريت وسحر خطير عملت كتير .. وقولت كـلام كفيـل .. يهز الطوب .. ولو على الصبر أخدت المركز التاني .. ورا ايوب .. حبيتك حب ..  لـو كـنت حـبيته لـصنم .. كان حس صخره وفهم .. وفاق من ضلاله ونـدم ..  وقال خدني في حضنك اتوب  لكن بينا مفيش نصيب مكتوب لا يشفع حب ولا تجدي حروب انتي وقلبك ومشاعرك بالنسبة لشمسي غروب لقيتك داخلة حياتي زي سجين وحلمه هروب وانا مش جاني ولا قلبي اناني و مدام بيعاني روحي لحالك وكفاني ذنوب
حبيت قبلك ايوا اكيد حبيت  لكن عمري ما ارتحت عرفت وفارقت وسمحت ومنعت لكن زيك ماصادفتش يوم ياسهل من كتر بساطته مش مفهوم لا فرحة معاكي باقية ولا زعل بيدوم ياطريق ملوش آخر ياحلوة ونوعها فواخر ياللي بتفاخر بحلو فيكي ما املكهوش ياحظ من سوءه جمعني بقلب ما اعجبهوش ياسعي اللي اخره فشوش  يا هزيمة قبل الحرب انا الغاوي يعذب روحه  وبوهمه مستني شروقك عليه من الغرب شايف فيكي المستحيل واجب ورغم الحقيقة في عينب بكابر لسة وبحارب انا اللي نصحت غيري كتير وسبت لغلطي الحبل ع الغارب انا قارب الممكن في بحرك الممنوع انا التايهة فيكي بلا رجوع انا عكسك في شكل وطبع وفكر ونوع شايف نهايتي معاكي م الاول بتحمل ومكمل عذابي لو طول ومجز المناديل نهارك الكحلي في عنيا  مليان بكى ومواويل مسيرنا نتفارق معاكي مش فارق اهو واحد و فات باليل وبكرا يهل صباحك تنسيه وتنسي ايه معناه ويهون حجم الماناة اول ماتلاقي بديل
اللي انا فعلا بستغرب له اني كلامي سمعه الحجر ذاته فطاب له كل الناس فهموا المعنى وحسوا المصود منه و بعده وقبله لا انتي .. وعادتك اللي بجد تعباني تشوفي كلامي وتعديه كأني بقوله  في مجال تاني وعدم ردك .. من اكتر الحاجات اللي تعباني وارجع اكلمك عادي جوايا نار قايدة .. وبرايا الكلام هادي واكمل معاكي في اللعبة ونفضل نرمي في كلام ارميلك كلمة وانتي تتلقي قصادي

طعم الليل

طـعم الليل مايع من غيرها ناقصه الونس اللـي محليـه .. و الوقت اللي انا بقضيه بدونها وقـت حـرام هتجازى عليـه .. ياشمس يوماتي بتبعد بينـي وبينهـا اشمعنى اللـيلة مكسلـة ليـه .. ياليـل فرحه بدونهـا هزايـم فهمني عشان انا مش فاهم مـا دام قمري و قمرك نايم  يبـقـى لـــزوم سـهــرك ايـــه ؟!! نص صاحي ونـص نـايم نص سهران ونص حالـم سهران ونفسه يعرف ينام .. ونـايم بيحلم بنهـار تمــام .. ومابين دا نايم وده قيــام .. ليـل يعدي وحدة وسكوت  شمس تحضر و قمر يفوت و صاحبنا لسة صاحي بيحلم  بنصه اللي سابه و راح ينـــام
و برغم المنطق و الـواقــع والمـــانع و المفــروض .. توكلت على الله وأنا ثقتي في كرمه مالـها حدود .. حطيتك في طموحي رغبة وقرار و اتمنيـت حضنـك مــأوى .. ودار و دعيتك دعـوة حق في كـل سجود .. فـ شــاء سبحانـه المولـى عليا يجود .. ويرزقني بحبك فضل و منة .. و نعمـة وخيــر مـالـه حــدود .. قُـربـك منــي .. أصبـح سُـنة ..  وحُبك جوايا اركـان وفروض .. يا زاينة حياتي بوجودك انا ليكي .. وبدوب فيكي  وفدى عنيكي و محسوبك وحشاني وقت حضورك   وفي بعدك قلبي ايوبك على وعده معاكي وفدى عيونك ايامي واحلامي و ورايا وقدامي  وكل ما املك تحت امر جنابك السامي يا واحدة في عنيها لمحت الهنا قدامي يا خطاوي داخلة حياتي تزودها هنا و بركة يا واحدة مابنها وبين السعادة علاقة مشتركة حتى اختلافك معايا طعمه لذيذ دايما تقنعيني بمنتهى الحكمة واحس اني قصاد عقلك يادوب تلميذ ولو ع الطيبة ف انتي بطلة العالم في الاحاسيس عمرك ما سمحتي في يوم لأبليس يفوت بينا كنت دايما في عز زعلنا  اتعجب منك واقول اكيد في إنة هو انا بغضب زي باقي الناس ولا انتي يابنت الناس اللي مش منا هدوئك وقت الغضب زاينك كما حنة او منة...
حبيتتي يا سيباني وحدي ونايمة وانتي في احلامك .. خليني في بالك في حاجات جوايا سيباني وجيالك حاجات في صدري عيزاكي انتي وبس اصعب وقت عليا وانتي نايمة بحس اني خارج نطاق الكوووون حتى وانتي ابعد ما يكون حتى وهي مش شيفاكي العيون شاغلة بالي ليل نهار حياتي في الوضع الانظار و لجل عنيكي اي شيء يهون

لحالي

خلاص بعدك كدا جبرت  و انا وقلبي جبنا ضلفها كنت في عمري اخر فرصة واخر لقطة من الفرح بشوفها كل الجاي وانا محروم منك مجرد وقت وضايع قلبي في غربته عن حضنك  هايم في الوحدة و صايع مش لاقي القلب اللي يلمه ..  مستبيع و معدش في شيء بيهمه مات جواه الاحساس بالرغبة  مسلم امره و مش راضي يدافع مش فارقة معاه منين الضربة وان كان للحزن بقية مفيش مانع حتى عذابه وحرقة دمه مع برد جراحه مهوش نافع سامع قلبه بيبكي ع امبارح وشايف عمره بيرحل مش راجع لحالي احلالي بخيري وعيوبي بحسناتي وذنوبي بحرامي وحلالي بدنيا نويالي ع الوجع وانا جدع ومتحمل بقوم من السحلة وارجع اكمل عاللي باقي من روحي وواخد بالي ومراعي جروحي انا متحمل ف ياريت يعنيا بدموعك اوعي تبوحي خلاص بعدك .. كدا جبرت و انا وقلبـي جبنـا ضلفهـا .. كنت في عمري اخر فرصة واخر لقطة للفرح بشوفها .. كل الجاي .. وأنا محروم منـك محسوب بالـكدب عليـا و ضايع .. و قلبي فـي غربته عن حضنك هايم بعدك في الوحدة و صايع .. شارد مش لاقـي القلب اللـي يـلمه مستبيع و معدش في شيء بيهمه مات جوايا الاحسـاس بالـرغبة مسلم امري و مش ناوي ادافع مش فارقة منين...
كان حبك جوايا مودة ورحمة وانتي وقلبك عن الحب لا تفقهون اداكي قلبي من الحنان نفحات نزلتي عليه بقسوة كما ايد الهون طحنتي العظم بالحسرة و بليتي القلب بالكسرة بقيت انا وعقلي كما اسرى في ادين محتل فضلت بعشمي .. تابع ليكي زي الضل وكنت بغشمي .. باقي عليكي دون الكل لحد مافوقت  فهمت وقلت .. كدا زي الفل يا ليلى .. يامن صبتيني في هدوئي بالخيلة ياعمارة للسقوط قايلة  ما ناب سكانها الا الذعر يدينا ويديكي طولة العمر تعيشي وتعلميني دروس علمتيني اول ما المح جرح ادوس واكون في. ضهر المسنود حيطة مايلة يا ليلى لقيتك جالسة جوا الروح كما بيتك لقتني متساق نحوك  ورغم عني حبيتك مليتك من روحي و أحساسي  و شربت لحد ما ارتويت ورجعت من فرط حلاكي  فضيت من روحي ومنك عبيت لحد ما نملت راسي ولقتني متساق خلفك  دونما وعي واحساسي سلمتك المفاتيح وشاورت ع الابواب مريتي زي الريح بحر حقيته سراب عشم العطشان بالمي حلم الاعمى بلمس الضي منى الميت برجوعه للدنيا عشان يصرخ ويقول انا حي وحي ع بعادك .. حي ع عنادك و خسارة ع اللي ادالك فوق حجمك احجام وفاتك تلفي اذاكي حوالين روحه بإحكام وارتكب بيكي فعل حرام خلا...

عمرك ماكنتي غبية

عمرك ماكنتي غبية انتي الخير والبركة في توب جلابية احلى صبية و عنيه لو شافت فعلا حلو ف يوم ف دا اليوم اللي هنايا فيه جابك لبا وانكتب السعد ع ايدك كل اللي انا برجوه منك ع قد العقل خديني و عامليني حبيبك سايسيني وديني لعندك وجبيني احبطيني وارجعي من تاني عشميني ابديني وانهيني واحيني وموتيني بدال المرة الف انا واحد من دائك مش مكتوبله يخف فـ على ايه بتنصحيني سبيني في ضلال وهمي بدال ما تتعبي نفسك ع الفاضي وتتعبيني انا اللي زي لقاكي الحل  للاسألته العاصية ع العقل وفهمك كان انجازي وبدون ما اشعر والله حبك جوا الروح كان محتل و غازي حليتي الغازي وفورتي اقفال قلبي دلوقتي لا انا عارف اسيب ولا قادر اخبي وقمري في ليلك مش ناوي رحيل كل الناس طالوا من الحظ نهار وانا عاشق قضبان سجنك طول الليل الغبي صحيح دا قلبي الجاحد اللي زاققني احب في واحد عمره مكان لحظة شاريني يا ما نفسي اطلع قلبي بإدي وامزع شرايني وافرقها ع وروح راحتي و لو ع الغلط ف عمرك ماغلطتي الغلط منابي لوحدي
ما تخديش كل كلامي جد  انا اتفاقي معاكي فاكره .. ماتقلقيش ما تداريشط انا عارف انه اتكتبلي ف قلبك انك .. ما تحبنيش لحظة لقى مكتوبة تتعثر خطوتي في طوبة واقع وتتبعتر احلامي ع ارضك وارضك ماتت من زرع الدمع وتربتها بلا خصوبة ودي اخر الخطوة لو كانت هاملة ومش محسوبة
قلبي ف حبك زي الموج شغال فيا مد وجزر زارع في غيطان حيرة جوا البال ونازل بيع في محصول الفكر  رايح جاي عتمة وضي امان وشرود ناي مع عود وساعات مزيكا وزيطة في اوسع حي اوقات بحس اني جواك و بتنفس من ربيع الورد وساعات بكون وياك واحد ميت من كتر البرد غلبت قلبي في هواك  وحيرت العقل معاك  من حالو للتاني و من رد لرد  ارسابي ع بر في دي بالذات منتاش حر في قلب واقف ع بابك ف بعد اذن جنابك يا اما تفتحله ياما ترده وتقله معندناش حد قوله معجبنيش سبتك ف خسارة فيك الاحد

بَحِبَك

صورة
قصيدة : بحبك تأليف : رامي عبده قاسم علي الكلمة اللي انا عايش لجل اسمعها و بحلم بيها شوفتها على طرف لسانك بتخبيها و غلاوتك عندي تلايميها و عليا وعلى نفسك فكيها بحبك .. هيحصل ايه لو فتيها تخرج منك توصلني تريح قلبك وتطمني سبيها على الله ياحبيبتي  و سمي الله ويلا قوليها خلي حياتي تنور بيها خليها تعدي على الاحزان تمحيها و تصحي الاحلام النعسانة وتحيها واكون شاكر جدا افضالك يجزيكي الخير عني ويصلح حالك لو حنيتي عليا وعدتيها لو عارفة بحبك منك بتعمل ايه فيا وقوع نغمتها على وداني اجمل من صوت الست في ١٠٠ اغنية احلى من اي كلام يتقال سرا او علانية بحبك منك .. دي مش ابدا كلمة عادية بحبك منك .. دي حياة  بتنتهي على طرف لسانك وتبدأ فيا هفضل اقولك عاشقك وبحبك لحد ما تملي وعن اصراري في حبك عمري ما احيد ملي والكامل من غير ناقص في عنيا مهما كملي ياشمسي ونوري وظلي ..  يا عمري وداري وخلي قوليها و خلي الدنيا في عيني تلالي يادعوة بخير ربنا نولهالي ياحلم العمر اللي اتحقق لي وتيجي قدامي وتحوشيها

حبيتك ليه ؟

ياواخدة من كل شيء احلاه يا اللي انتي زيك ف عيني مش زي خلق الله وتسأليني ايه عن غيري يفرقني شفت بعنيكي كل حاجة جديدة  سؤال اجابته جدا بسيطة انتي اللي شفتك بعنيا فريدة سبحانه ربي في علاه كما بحلم .. جعلك و سواكي كل ما اشوفك بذكر في سري الله واخاف من عيني تقوم حسداكي ياوخدة من كل شيء احلاه ياسحرة قلبي وبرضا ملكاه نظرة عنيكي ف عيني بتزود الدقات صوتك ميكس رهيب لمادة ويا نجاة وايدكي لمستها قادرة تمد حياة انا في حبك بقى اسمي  العاشق بأمر الله  درويش في رحابك ناسك عاصي في غرامك ماسك تنامي انتي واسهر انا و حيرتي وتصحي تلاقيني فوق راسك كأني لشمسك ظل واضل لو بعيد عنك كأن قلبي بقى ارضك وسامح للغرام يحتل كأنك حل لنقص العشق في عروقي دوايا وراحتي وجنوني وهدوئي انتي الدليل ع ذوقي  وحسن اختياري انتي الملجأ لأسراري  وانتي كل الحلول احساس صعب اوصفه بكلام  مهما فضلت اقول  يكيفيني ابصلك فـ ترجع كل حاجة جديدة واشوف الدنيا بعنيكي طفلة بلعبها سعيدة وتساليني بحبك ليه ؟ والاجابة واضحة بسيطة حبيتك يا بنت الناس  لأنك بكل بساطة فريدة ظلماني في حبك اها وربي واحد قبلك عمر...
تلميذك النابغ طالب العلم من قلبك علميه ازاي يكون حبك واقنعية ازاي يكون عشقك زي باقي الناس وهل فعلا يجوز عادي لانسي يعشق ملاك وريله طريق الحب فين شوريله ع الجنة منين تلميذك قلبه الصغير مابين احتمالين  ما لمهش تالت يا احلى كلمة بحبك خارجة من قلبه  ولجل عنيكي وحدك اتقالت ياحبك .. يا اما ياحبك واي شيء

صباح الخير

صباح الخير على عنيكي خير موصول على اديكي ماله حصر ولا نهاية يا احلى بداية ليوم هالل على دنيايا يا جالبة الرزق من بابه يا وجه الخير واسبابه يا صورة لكرم ربي في مرايا ............  وبرغم كل النزاعات ما بقدرش على زعلك انتي بالذات ومهما دار بينا من حورات و خلافات ومناوشات بفوت لك واعديلك  واغفر لك وابقيلك كل الحلو جوايا وامحي من قلبي جميع السؤات طمعا في النفحات انتي  و بالذات دونا عن غيرك يومي ما يبدأش الا بنورك وشمسي قبل ما تطل عليا  لازم تستأذن من حضورك انتي اللي بعيش يومي كأنه فضلة خير يومك يطاغية ع الجمال نفسه في حضورك و في غيابك يا معلقة عيني ع حبالك يا واخدة البال اثير عندك مجرد م اعرف مكانك كما المسحور بسير نحوك بالا وعي ودون إرادة يا فرحة المحروم م السكر بـ معقلتين زيادة يا فرحة العيل بلبس العيد يا فرحة اللي رجعله حبيب من بعيد يا فرحة الغلطان لو اتحسبت له الغلطة صواب يا فرحة المهموم  يا نصرة المهزوم انتي الخير لما يدوم ويعم على الاحباب صباح الخير ع حضورك صباح لونه بلون نورك صباح البركة وانا بفتح عيني على جمال صوتك وافتح شباك الخير واملى صدري بندى عطورك صباح ...

شهريارك مل

صورة
قصيدة  : شهريارك مل تأليف : رامي عبده قاسم علي  حكيتك للوجود قصة  وزدتك من الثناء عطايا ومدح عشت في حبك كما فارس و شفتك بعيني غنايم فتح ويعلم ربي اني ما قصرتش وفضلت في حبك اعافر واجاهد حاربت بكل سطوتي فيكي بقلبي وعقلي في نفس واحد ولا عمره كان وارد انك تبيعيني واديكي سبتيني وعريتي شكي قصاد ستر يقيني اتاريكي وانتي بتقولي بحبك  كنتي بتجربيني بالحق طمنيني  طلعت اصلح ولا ما نفعتش وف عز الخطة المجنونة وبرغم النية الملعونة  وقت الطعنة كنتي حنونة لدرجة قلبي ما حسش حاولت امسكلك عذر إنما ما قدرتش  اعذارك كلها في دماغي اترفضت و حدوتة قبل النوم خلصت  شهريارك مل خلاص من حكاويكي واجاز لسيف الفراق يفوت فيكي وحكم عقله يمحيكي من قلبه ومن ذاته كتبك بندمه اخر سطر في روياته مل الكلام منك   وبوخ من كتر ما اتكرر واللي كان حلو فيكي زمان ماعدش الان يفرق ولا يأثر طعمك جوا العروق مرر و ما عدش الكلام نافع  ولا املك سبب ولا دافع  يخليني اتحملك واصبر و ليه اتركك في حياتي قصة نهايتها مفتوحة ما هي واضحة زي الشمس  من اول كان ياما كان والنية م...
شوفته في بحور الهم غريق خدتني شاهمتي وجريت عليه شوفته قصادي في ديق وانا متعود لو في شيء في اديا عمري ما هبخل بيه مديت الكف يساعد رد اديا وقام باعد بيقاتل نفسه وبيعاند خوفه تعبان من فكره وجوده في حياة ناس مش قادره تشوفه مل الوحدة فقرر بكل بساطة يفتح ع الاخرة حدوده دخلت اطمن لقيته مسلم ومدد  وملوم حوليه كذا بلطو ابيض ندهت ماله طمنوني عليه ردو عليا .. صاحبك زي الفل  لكن بصراحة بيستعبط صاحبك رافض يسلم ويأمن بالحاصل بيعاند نفسه ونزيف روحه متواصل عقله اتكلم وياه  ..  وقوله ان الروح اغلى كتير  وان اللي خلقه بحاله بصير ولو حس انه في يوم متساب قله ربك رحيم تواب ولو شايل هم الظالم  ف اكيد متعان له حساب وربك يمهل ولا يهمل قوله يمشي ويكمل  طريق الصبر للناهية ويفوت الفكر في ستين داهية قوله يبطل يتشعبط ف حجج واهية وان طبيعي الدنيا تكون لاهية  اعز الناس عنه ولو من لحمه ودمه كله مربوط في الساقية بيدور ع لقمة عيشه ومتحمل همه محدش فاضي يدادي ويراضي في شقيان عايش بقاله زمان نفسة في مرة يقول لعياله انا فاضي تعالوا في حضني وحشاني الضمة بيت مفهوش لمة طبلية عمران بقلوب ...

اني خيرتك

اني خيرتكي فختاري مابين الموت ع صدر  او بين دفاتر اشعاري  وانتي اختارتي  وانا بالنسبالي قرارك كان عادي لا سألت ازاي ولا ليه ولا صوطت ولا كسرت ولا قلت انا بعدك هعمل ايه حالك سبته لربك اعلم بيه احترمت قرارك ومرحب بيه وراضي ولسوء حظك دورت ومالقتش  ولا سنتي ف روحي لوجعك فاضي انا فيا اللي مكفيني انا اصلا جايلك طالع عيني وبدال ما توفيني وتكفيني حنان غرام في مرار طافح عيشتيني وطيرتي النوم من عيني في سماكي حمام لحد ماقلت لنفسي حرام انا جتلك فايت ورا مني تل هموم ليه دايما نسياني ف فرحك وف همك ع طول معزوم   وانا مش ملزوم اقعد احل في عقدك كفايا الحب اللي دفعته في كرهك وشفتك وانتي بترميه قصادي انتي اختارتي وبالنسبالي قرارك كان عادي  واخر مرة المرادي هيصيبك مني ولو حرف قدام حالتك عجز الوصف يا ارض بعد ما كانت في العين جنة ذ دبلت ع الغصن المايل  ودبلت قبل القطف يا ارض خصبتها بإدي وهي مصممة ع الجرف باعت لك ظرف بدون عنوان  لامم فيه كل حاجاتك ضحك صوتك حتى انفعالاتك وكاتبلك من براا تعيشي وتقسي كمان سبحان الله ع الانسان يوم مايجيله اللي يحبه تلقيه قلقان اكمنه اتعود ...

عنها أتحدث

عنهـا أتحدث .. عنها وبس دي اللي فاتت في قلبي كما سهم .. و بدون أي محاولة دفـاع او فهم .. حكمت على روحي أعيش أثير روحـها .. منعني عنها ماضيها القاسي وجروحـها .. ما تعبتش من رفضها ليا  قد ما تعبني ظلمها لحبي .. و لـروحـها .. لكني آمنت  او بمعنى أصح إستسلمت  قدام رغبـاتـهــا وطموحــها .. رضيت أعيش حرمان او يمكن قِبلت عشـان  ما لـقتش حـتة امــان ليا أنا وقلبي بعدها نروحها .. أنا النجمة المتعلقة فـي سمـا روحها .. بـَطُل عليها لـيلاتي لحد مـا المحـها .. فـ يهدا ضي الحنين جوايا و أفـوت سماها وانا قلقان  وبرجع يصيبني أمان  أول مـا تـهـل عليــا ... بصباحـــهـا .. أنا ونسهـا وبيتهـا ومطرحهـا .. واهب قلبي لجل مشاعرهـا ونادر ضحكتي لجل تفرحها .. الدنيا بتحلى في عنيا بطعم أرواحها .. والنَفس غاوية تعيش لجـل أفراحـها .. وزعلها ولو حتى كونه خفيف قادر يخلي الدنيا في عنيا  مقلوبة حوليا .. ومش في مطرحــها .. دي اللي رأيي جاي تملي في صالحها .. ولا يجـوز ابـدأ .. لأي حـد ينصحـــها .. دي اللي العقل يطمن والقلب يفتح ببانه بمجرد ما يلمحها .. دي اللي غلط منها ساعات وارد وك...

ستر الفجر

انا والفكر .. في ستر الفجر  والسهرة صبـااااااااااااحي .. يناموا القرب والغرب وانا في جدال  مابين صح وغلط صاحي .. مش جايلي نوم قــاعد بعد فـي جــراحي .. وارتب الناس في دماغي .. مين بـاقي ؟  ومين في حياته أصبحت شيء لاغي ؟!! .. مين صان لي ..  لقمة عيش ؟! ومين أمنته .. فسهاني بقلم ع سداغي ؟  .. مين لسة ما نستهوش .. ومين راحت سنيني معاه على فشوش .. بقيت مروووش .. بدور بيـن الوشوش .. ع حد يكون شاري !!! حـد يكـون حـاسس بحـــالي وداري .. حد وقت زعلـي يصبر عليـا ويداري .. متفات وحدي .. و وشي للحيطة مليت من صحاب الزفة والزيطة وقت الفرح عمران بيهم و وقـت الشـدَة بلاقيهـم بعدوا عني .. وغيروا المسار اجباري .. أنا بحلم بحد يكونلي  كـيف بالظبط ما بكـون لـه .. وقـت الفـرح اجـــــامل فيـه ووقت الشدة أحتاجه الاقيه ما أعرفش انا حظي مايل ليه  مـع اي حـد  ..  بأمـــن لـه ..  

يامعين

يامعين .. عينا يارب واكفينا شر البني ادمين فاضل مين لسة ما خانش على مين قلبي بسهولة ماهنش وما تفهمش العيب في مين في الطيب ابو قلب ابيض ولا في نية قلوب اسود م الطين كان يوم غامق مدهون نحس يوم من كتر ضبابه فرد بحجابه ع الشمس يوم ما انتكتب لاملي يخيب يوم ما هزار الدنيا اتغاشم  ورماك في طريقي خبث نصيب وحلاك الشيطان في عنيا وبالجمال زانك خلاني شفت فيكي ملاك ودارى عني اوزارك واقنعني اترمي ف نارك واقول الله هغرف من نعيمك واتاري الجحيم دارك وانا اللي كنت فاكرني محل ثقتك وخزنة لاسرارك كنت فاكرني في ليلك ستر وضل يحميك في نهارك كنت في عز دقيتي بفضالك وف عز غلطك كنت بحن واصفالك كل طلباتك كات مجابة قبل ماتقولي انا عايز في اي خلاف دار يوم بينا كنت بخليك تطلع فايز بالنسبالك كان حبي اللعبة .. وطيبة قلبي جوايز بعد دا كله ومش عايز تتنطط وتسوق يخي ملعون ابو طيبة قلبي معاك نفعني بإيه دلوقتي الذوق  اديني بقيت بهرب م الضحكة الصفرة  ع وش اللايمين وبسببك بسمع واسكت .. هبرر إيه  واضحك ع مين ما الكل طلعوا عارفين الايا في وقت ماكانوا بيستغفروا منك انا كنت بشوفك اية كانوا بيحولوا يسحبوا من ايدي...

ابهرتيني

ابهرتيني .. بمجرد ما لمحت الراحة في عينك  ملكتيني .. ملكتي الخاطر .. وشغلتي البال اكدتي الواقع .. ونفيتي خيال قوَِلتي حلم العمر بالتفصيل وان كان فيه شيء ناقص قبلك كملتيه بيكي .. فتحول لجميل سواد عنيكي دعوة في ليل .. من النفحات مرورك في حياتي مكنش العادي وله علامات اثرتي عنيا بالنظرات ملكتي القلب بالدقات   مليتى الروح باغلى حاجات قادرة تداوي قلب عليل  ركزت في حكمة ربنا فيكي اكتشفت ان قلبي رزق بيكي مرورك خير وبانله دليل وكأن الدنيا بتقولي  تعالى م الفرحة عبي وشيل  

اوعدنا يارب

اوعدنا يارب القلوب باللي نحبه ويبهرنا ملينا ياربي و تعبنا ما بين القلوب تقليب قلوب شارية عننا بتغيب وقلوب بايعة تعذبنا وليه نفس السؤال دايما  اجابته تبقى نصيب  ما بين القلوب يبدلنا هو يعني الحلم عيب ولا احنا اللي طموح مبهدلنا
بالظبط كما اتمنيتك .. سبحانه من جعلك وسواكي كل اما اشوف عينك .. اداري عنيا لتقوم حسداكي يا واخدة من كل شيء احلاه انا في حبك بقيت العاشق بأمر الله ضحكتك قادرة تزود الدقات  وصوتك ميكس رهيب مادة ويا نجاة  ولمسة ايدك عندي بتسوى حياة يا اكتر حبتين من اللي بتمناه

اخرنا اصحاب

ايوة بعدت لاني اتعودت يا اما اكون يا ما كنش طول عمر اللي لونه رمادي بشوفه عليا مابيلقش ومش حاكم نفسي ما بين ابيض واسود انا زي الطير وقت اما افرد جنحاتي بملى السما الوان ايوة في بعدك تعبان وما بنكرش ايوة الحالة في بعدك ماتسرش لكني اخترت اعيش ميت ولا اني اموت وانا عايش  بنده على قلبك مايردش مليتي الروح والقلب  لكن يا خسارة قلبك بيا ما حسش والمرة الوحيدة اللي حن قلب  وقررتي تريحيني بقلب حجر صوان اصدر عقلك فرمان  وقررتي يامولاتي و من الان  عنك تبعديني ما حبتنيش .. ولا كان عمرك هتحبيني  و صممتي رغم محاولاتي ماتفهمنيش و شفتيني ابعد ما يكون عن كونا أحباب رغم اني رضيت بالامر الواقع  لقيت ايامي في حضنك وقت وضايع لحظات بتمر ع الفاضي ما بين اتنين اغراب لقتني متساق عمدا ورا رغباتك بكدب نفسي ووهم عقلي بقناعاتك وبحاول فيكي اعدل تفكيري  وأظبط ظبط مكانتك في ضميري حاولت كتير لكن وغلاوتك ما قدرتش  اقتنع نفسي ان احنا اخرنا اصحاب ولو شيفاني ضعيف فـ مايضرش شيفاني متهور ماشي ورا قلبه وراكن عقله اللي ما بيونش تفكير فيكي اعملك ايه مانا دورت في قلبي على مساحة تليق بي...

ياسكنة ماتمت

بنيناها سوى م الاول  ع الطوب الاحمر كانت رسمنا قوضها لونا حطانها و قسمناها لحد مابانت فرشناها حتة حتة  ركن ركن و تاتا تاتا اختارنا سوا لون الستاير وفردنا قصاد بعض السجادة الكبيرة اوضتنا وهناك سفرتنا وهنا قعدتنا و سهرتنا ليلاتي في وش التليفزيون قدامنا عصير وفشار  وبيك رولز بطعم زيتون وخناقة دايرة ما بينا  انا عايز اتفرج ع الماتش وانتي متابعة العشق المجنون شفتك جنبي .. و واقفين ف البلكون   وفي ايدي مشابك واقف اناولهالك  وانتي بتنشري احلامي على حبل غسيل عن قاعدتنا ع صوت الست لبعد نص الليل بحكيلك عن تقل مشاكلي وعن نقط الضعف في حلى فتشاركي معايا و نوصل لبديل

ظل شعاع نور

صورة
قصيدة : ظل شعاع نور   تأليف : رامي عبده قاسم علي مكنتش مستني تقدملي السبت .. كان يكفيني يدوب  .. تشاورلي عليه صدقني قسما بالله أنا ما هربت .. لكن قربك ما لقتش لبكرة ..  نصيب فيه كنت اعمل إيه .. وأنا مطلوب مني ابعد عنك طب قولي ازاي اهرب منك وانا اصلا مداري ف خضنك اعملها ازاي  .. قولي بأمارة ايه .. مين قالك اني جماد خالي  .. من أي شعور حاولت اداوي الشرخ كتير .. وبيرجع مكسور لقتني عمال الف في سواقي الوهم .. زي الطور لا انا عارف إمتى هبطل لف ولا عارف على إيه مجبور .. مقضيها لف  .. في لف .. في لف عشان طواحين القسوة  تهرس فيا و عليا تدور .. تعرف لو كنت لمحت منك .. ضل شعاع نور كنت فضلت لاخر العمر كنت قبلت بوجع الجرح وطعم المر في سبيل الحصول .. واديني قدفت في موجك لحد الاخر ولقيت في الاخر .. بٓرك سكة ماليها وصول .. قصيدة : ظل شعاع نور  تأليف : رامي عبده قاسم علي #شِعر_في_صورة #Ramy_kassem

ياسُكنة ما تمت

صورة
قصيدة : ياسكنة ما تمت تأليف : رامي عبده قاسم علي بنيناها سوى م الاول  ع الطوب الاحمر كانت رسمنا قوضها لونا حطانها و قسمناها سوا لحد مابانت فرشناها سوا ركن ركن وتاتة تاتة اخترنا سوا لون الستاير وفردنا قصاد بعض السجادة الكبيرة اوضتنا وهناك سفرتنا وهنا قعدتنا و سهرتنا ليلاتي في وش التليفزيون قدامنا عصير وفشار  وبيك رولز بطعم زيتون وخناقة دايرة مابينا انا عايز الماتش وانتي متابعة العشق المجنون شفتك جنبي .. واحنا واقفين ف البلكون   وفي ايدي مشابك واقف اناولهالك  وانتي بتنشري احلامي على حبل غسيل عن قاعدتنا لبعد نص الليل بحكيلك عن تقل مشاكلي وعن نقط الضعف في حلى فتشاركي معايا و نوصل لبديل  كان دايما ليكي معايا جوة التفاصيل تفاصيل  واتخيلنا سوا وانا واقف جانبك بطبخ لك ولحقنا سوا كنكة قهوة  عـلى الـنـــار بتفور .. رضيت عشانك أنام في الظلمة  علما إني بحب النور .. وف الاخر انكرتي دا كله عليا  بقسوة قلب و شـهـادة زوووووور .. ومع اول ضربة من الدنيا لميتي الاحلام ويا وعودك وفتي عليا  البيت خاوي و مهجور وع غفلة لقتني سهل في عينك وانا ش...

جوة التفاصيل

صورة
جوة التفاصيل تأليف : رامي عبده قاسم علي كل حاجة بجربها معاكي مختلفة بشكل ماله مثيل ليكي معايا جوة التفاصيل تفاصيل حتى العادي مابيني وبين غيرك مابيني وبينك إحساسه جميل في كلام بينا اتعودت اقولهولك بستحرم اني اقوله لحد بديل مابينا حاجات مشتركة وقت قليل مليان بركة وقاعدة سوا في حضن الليل مع كبايتين شاي بيهم يحلى القول على صوت الست وهي بتنشد و تقول القلب يعشق كل جميل ياللي انتي ليكي معايا جوة التفاصيل تفاصيل جوة التفاصيل تأليف : رامي عبده قاسم علي