كل اما افتكرك اضحك على نفسي في سري ازاي خلتني اكدب كل شكوكي وظني وسوء فكري ازاي كنت بشوفني في عينك محبوب وانت يا دوب واقف تتفرج ع سمك جوا عروقي وهو بيسري طب ليه م الاول اصلا قربت مدام ناوي تورد في مشاعرك بالفرط ما خطرش في بالك مرة وفكرت في غيرك عموما كتر الف مليون خيرك من بدعيلك من عبطي تكون اتبسطت
المشاركات
عرض المشاركات من أكتوبر, 2022
عقرب ساعتي
- الحصول على الرابط
- X
- بريد إلكتروني
- التطبيقات الأخرى
وقفت ساعتي واتلغبط وقتي من يوم مابعدتي وطولتي الغيبة في تفكيرك مستني قرارك هتعودي لدارك ولا امحي خيارك واظبط توقيتي على رحيلك وان كان توقتي مش ماشي معاكي فغيرك مستني مش كبر ولا غرور مني دا حقيقي لاني بحب بكل كياني فلو م عقرب ساعتي واقف مستني يمكن يتحرك تفكيرك هنكمل سوا باقي المشوار ولا خلاص اختارتي البعد قرار و اظبط توقيتي على رحيلك
حبيت بنت الجوزاء
- الحصول على الرابط
- X
- بريد إلكتروني
- التطبيقات الأخرى
قالولي ابعد و بلاش بنت الجوزاء الطالع بينكم مايبشرش بأي وفاق لكني خلاص طبيت بصيت في عنيها وحبيت وسبق السيف العزل بقيت متعلق كما طير شبكت رجليه في الغزل وبدون ازاي وامتى وهل خطفت روحي وحبتها اول مرة أشوف طفلة تظهر وقت الجد بكامل انوثتها ايوة انا حبيت بنت الجوزاء ست العقلاء الهادية المروشة الرغاية الصامتة النكدية الفرفوشة اللي تملي بشوفها بعيني .. قمر حتى ان قامت م النوم منكوشة اول مرة اقابل حد وقت الجد ممكن تقلب وياه بهزار اول مرة اسمع صوت بنت يدخل قلبي يصاحب دقاته من كتر التكرار ومن غير مقدمات او اسباب وحج واعذار وبدون مافكر ولا ارتب ولا اخد اي قرار لكني هويتها خطفت قلبي في لقطة و شغلت عيني بحلوتها
كرسي الظل
- الحصول على الرابط
- X
- بريد إلكتروني
- التطبيقات الأخرى
مهما تداري حضورك بغياب وقفلتي مابين قلبي وودك باب مش بعنيا بشوفك زي الاغراب انا بملك قلب و شايفك بيه الركن الظل اللي انتي اخترتية والجنب اللي مشاعرك مني نامت وارتاحت فيه لايقين ع الوضع اللي وصلنا له الايام الحلوة اللي مابنا كان لازم يوم تخلص منا ولو قرب القلوب فرض نصيب فٕ بعدهم بردو في الحياة سنة كان بعدك فعلا اسلم قرار قبل ما املك وتملي قبل ماشمسك تحرق ظلي قبل ما يجي اليوم واندم اني جريت ع قلبك مشوار اني بذلت في مسافات القرب أمتار وانتي تجاهي ما تحركش احساسك ولا ملي واصح قرار انتي اخدتيه وفي بعدك عمالة تراقبي الاخبار ايه قبل ما املك وتملي قبل ماشمسك تحرق ظلي قبل ما يجي اليوم واندم اني جريت ع قلبك مشوار اني بذلت في مسافات القرب أمتار وانتي تجاهي ما تحركش احساسك ولا ملي اول مرة حس انك لايقة ع النسيان وانتي في بعدك
- الحصول على الرابط
- X
- بريد إلكتروني
- التطبيقات الأخرى
لو قاصدة فعلا تجننيني فأنا حرفيا بين شكي ويقيني انتي بتتسلي ام بتحبيني كلامك حق .. وافعالك زور واقفة في عقلي كما لقمة في زور سكينتك سرقاني ومعزور متشعبط في منايا بتخيل ساعة انك حباني و شيطان بيوسس مش عيزاني وانا تايهة بين عايزة ومش عايزة عمال بخسر روحي وانتي الفايزة وبقيت حاسس من غير لمؤاخزة ان انا ملك أو شرياني والفكرة مهينة ومش عجباني انا طول عمري معزز تفسي وليا كياني يا استنتاج باطل تأكيده متاهة ياغموض بيكسر في يقيني توهتي مابين نفسي وبيني خطة خبيثة بإيدك رسماها ركبتيلي خيوط على المسرح و عمالة تحرك فيا صوابعك من فوق نصي الفاهم عمال يزغد نصي الواهم ويقول فوق شوفت سواد قلبك بعنيا وازاي طمعان منك في شروق اقنعتيني ازاي ان المر طعمه هيتغير سكر بعد ما ادوق
آخر لأ
- الحصول على الرابط
- X
- بريد إلكتروني
- التطبيقات الأخرى
نص جديد : آخر لأ الباب مفتوح وأنا شاكك فاتح أم قافل .. الصورة في منتهى الوضوح وأنا متعمد ، أعمل غافل .. روح بتغادر روح و حلم بيودع صدري .. و ناس عمـالة بتجري .. نفسها تلحق جوايا مكان وأنا مستني مكاني وعشمان عمال أصرف في رصيد فكري .. وهل فعلا تفتكري ، إن أنا كدا مش فاهم لا وربي فهمتك لكن مستني الآخر .. مش مستعجل على قفلة مسرح بيجسد وضعي الساخر .. كل بداية ، وليها أول مرة وكل مُرة .. بتحلى أكيد في الآخر .. ولو ناسية فـ أنا زيك هعمل مش فاكر ولو مش فاهمة في حلول ياما لمشكلتك ممكن تنسي إنـي سعيت لك أو جيت لك قولي زنقني في أمري الواقع وفي وش هجوهه كان من حقي أدافع قولي حاولت كتير مش نافع في حياتي وجوده .. سيبي ولو مرة مشاعرك بالـحق يجودوا .. قولي أتاني في موجة حر وانا مشتاقة لـ ( winter ) وبروده .. قولي فجأني واتعدى حدوده و إنك من ذوقـك فـوتـيه رُصي في اعذارك صحيه خليه يفتح عينه يفوق قولي حاولتي كتير بالـذوق .. لكن ما فهمش .. قولي اتاني بيجري وقلبي تجاهه ما اتقدمش .. قولي غبي ما بيتعلمش قولي انه في بحر اللعبة كان سمكة غشيمة .. و بتواجه قرش .. قولي اللي ف...
الأول يا إما بلاش
- الحصول على الرابط
- X
- بريد إلكتروني
- التطبيقات الأخرى
طبيعي ازعل وادايق مع ان الزعل منك وبعدي عنك عليا مش لايق لكن ما اخابيش عليك أنا مدايق ماهو مايصحش تكونلي الكل وتفوتني كورد صناعي ومركون في الظل وقولي بالله عليك هل لو صدر مني نفس الفعل كنت هتعدي و تفوت لا والانقح من كل دا انك جيت تكحلها عمتها جبت طين وقولت تزود كبرك وعنادك دول ع راسي وانا كرامتي راس مالي وتاج راسي ودي مش اول مرة بس انت بتعمل ناسي احساسي بكوني بديل بالنسبالك امر مهين وايه يغصبني اكون في حياتك نمرة إتنين وانا الأوحد في حياة ناس تانين قولتهالك زمان ومفهمتهاش انا الاول يا إما بلاش لاني متأكد وكلي يقين ان التاني هو اول الخسرانين
ما تحوليش
- الحصول على الرابط
- X
- بريد إلكتروني
- التطبيقات الأخرى
ما تحوليش دخول منطقة الحرام جوايا ماتجربيش فتح باب مقفول على حكايا و ماتقوليش انك معجبة وحابة معجبة بيا ام انك يادوب حابة حبة حاجات حسيتيها معايا كل اللي عجبك فيا دا من فضل عشقها هي عقلي وهدوئي وذوقي ماتدخليش في رهان خسران ز ما تقربيش من نص انسان نصه التاني .. بقى ملك لواحدة مابيتنسيش ما تقاوحيش روحك بالكدب وتعاندي لانك و مهما عملتي هيفضل تمامك عندي واحدة زي كتير غيرها .. عنها مايشغلونيش دا انا بتنفس هوا غيابها واموت ان قلبي يوم سابها دي اللي مصدق كل اعذارها وحججها واسبابها وكل العيوب فيها .. ما تفرقليش دي واحدة وهي خارجة من قلبي ردت باب فلا عاد في روحي مكان لعشق او احباب كل المتاح ان وجد .. بالعافية يادوب اصحاب واحد مكتوبله بجرحه يموت والميت مهما عملتي ياحلوة عمره ما هيرجع تاني يعيش فـ ماتحوليش و ما تجازفيش وتداوي جروح املا انه يطيب وياكي ماتقربيش من نار مجروح عشما انه يدفي شتاكي يجوز نوره اللي زغلل عيناكي يطلع نار تحرق ماتدفيش فـ ماتحوليش ماتقربيش من واحد فرش الغام اليأس في طريقه قفل على قلبه بضبة ومفتاح واختار فنجان قه...
- الحصول على الرابط
- X
- بريد إلكتروني
- التطبيقات الأخرى
اني خيرتك ف اختاري ما بين الموت ع صدري او بين دفاتر اشعاري وانتي اخترتي ..وانا بطلت احاول اصل الحب عمره مكان اجباري واديني معاكي مكمل مش داري بحاول امثل دور الباقي و بزورك دلوقتي بواقي فاضلين من وقتي مع ناس غيرك معادش غيابك يفرقلي و بدور على حاجة تخليني احن ومش لاقي معدتيش زي الاول جوايا دلوقتي بشوفني في عينك وانا واقف قدام كسر مرايا ومهما بقرب منك في حاجات رافضاكي و منعاكي و قلبي اللي في يوم اداكي كل التورتة بقى شايفك ورطة و مش حابب نفسي معاكي مش شايفك في الجاي
البنت الحيلة
- الحصول على الرابط
- X
- بريد إلكتروني
- التطبيقات الأخرى
نص البنت الحيلة تأليف :رامي عبده قاسم علي البيت سهران قلقان والكل مهموم لسة لحد الان البنت الحيلة مارجعتش .. بعد مالفوا ع كعوبهم طول اليوم راجعين من غيرها مش لاقينها والحال مايطمنش البيت لو لمست ارضه الابرة ترن ضرب الاخماس في اسداس جوا الراس عمال بيزن الوضع العام مش تمام .. النايم قام .. والصاحي من قلقه وخوفه خصمت عينه النوم تفوت مواعيد .. الحيرة تزيد لحد مايكسر صمت البيت رنة تليفون مشؤوم يرد ابوها بصوت مرعوش مكتوم بتقول إيه.. أيوة انا بيقولوا تعالى بسرعة الحق بنتك محجوزة هنا موجودة من بدري عندنا في عنبر طوارئ مستشفى السموم وهب يطب الاب يقع من طوله والام بتبكي ومش لاقية كلام لأخواتها تقوله يسكت حبة ويبدأ يتخيل والوضع خطير والوقت قليل وشغله الشاغل دلوقتي ازاي يلحق قضى قبل حصوله ينزل يجري ودقات قلبه على هناك سبقاه عايز يلحق بنته بسرعة واخد من الخضة ٢٠٠ جرعة مش شايف خطوة لقدامه يا حول الله وفي الاخر يوصل بعد ما يسأل خلق كتير يدخل ويلاقي ضناه قدامه مفرودة وخلصانة ع سرير و كل ما ييسأل بلطو معدي يقوله ادعيله...
خلي بالك مني
- الحصول على الرابط
- X
- بريد إلكتروني
- التطبيقات الأخرى
ياحبيبي خلي بالك مني قبل الفراق ما يدوم شايفك عمال بتبعد عني يوم بعد يوم اهمالك ليا اوفر احساسك قفل مسوجر فضلت شاري ودك لحد ما هد بعدك في صبري زي اللودر فضلت كتير اقولك وتقولي ملوش لزوم قصدت اني اضيع منك واديني هفوتك محروم غلطتي ان انا حسستك اني متاح او مضمون فضلت اتحمل منك واشوفني بعيني بهون فكرت ان انا مستني مهما في يوم تبعد عني هترجع تلاقيني مركون فضلت كتير اقولك وتقولي ملوش لزوم قصدت اني اضيع منك واديني هفوتك محروم الود مابيطلبش .. والحب ما بيتشحتش وان كنت انت مستغني .. فأنا قلبي مابيتحوجش ابعد و خليني اروق واخلص منك بذوق خلاص فضينا السوق والبايع ما بيضمنش فضلت كتير اقولك تقولي ملوش لزوم قصدت اني اضيع منك واديني هفوتك محروم هسمع في البعد عتابك لنفسك كل يوم دلوقتي اقربلك مني انك تطول النجوم
- الحصول على الرابط
- X
- بريد إلكتروني
- التطبيقات الأخرى
للمرة اللي انا نفسي ما عدتش عارف كام كل ما احاول اكتب عنك مش بلقى كلام يافرحي الخام يا نصيبي الطيب م الايام دا انا مهما عملت و قولت و مهما فكرت و حاولت عمري في مرة ما وصلت لمعنى يوفيكي المقام دورت في كل لغات الارض ملقتش المعنى اللي يليق بالظبط ويوصف روعاتك بإحكام ولو على الكلام فياما شعراء قبلي بالالوف قالوا كلام من كتر ما اتكرر بقى معروف وبحس في وصفك اني بقاوح وبعافر ومهما كتبت بيطلع في الآخر مجرد حشو كلام و رص حروف فكرت ان العيب فيا وان الازمة في ضعف الكلمة اتاري الحكمة في قوة الموصوف ياعود انثى وملفوف في الحسن الخام انا بدي اكتب لك احلى كلام ماخطرش في بال انسان قبلي وقاله قلبي قليل الحيلة في وصفك جاي لعندك يشكي لحسنك حاله ويشهد إنك وحدك .. آخر حلم جميل إتبقى له يا ام عيون نظرتها بتجبر خاطر وتسر احب اقولك واعلنها في نهاية الأمر إن مشاعري الحقيقية تجاهك مكبوتة ولسة ما خرجتش في كلام احلى كتير علشانك متشال جوايا و ما تقالش و كل اللي انا قولته في حبك دا اقل كتير اوي من حقك بالنسبة لقيمتك وغلاوتك مهما عقول مابينص...
- الحصول على الرابط
- X
- بريد إلكتروني
- التطبيقات الأخرى
مراكب الود في بحور الخصام تاهت والغربة بصحيح .. إنك تجاور حبيب طول الزعل ساكت وكلام العيون مهما كان واضح يضل صوته جوا العقول خافت والعند وقت الزعل زي المرض بالظبط اوقات سهوا نقول كلمة بدون قصد قادرة تنسي افعال كتير حلوة في قلوب تصفى و تعديلك وقلوب ما بتصدق تاخدها على جوة والعشم ملوش خاطر مع ناس بايعة بالفطرة م البداية في حياتك حاجزين لهم فترة والعبرة بالاخرة واخرتها فايتينك ف م الاولى اولى تفوت اللي بايعينك الكلمة مش سهلة .. دي الكلمة ذات قوة و اللي ابتدى بكلام صعب ينتهي بسكوت ونظرة لوم من قلب جريح قادرة تعلن موت وتنهي زمن قصة عتاب الأحبة معناه في امل لسة لوموا بعضكوا وعاتبوا وفضوا القلوب وجنبوا الاحبة حدف الازاز بالطوب خصام الحبيب واجتنابه بيجني ذنوب والذنب لو تركته هتعتاده مين فادة كبره وعناده ترك الحبيب في غياب بيقتل الاسباب لرجوعه والقلب موضوعه في الفراق مش سهل ياما العند خسرنا ناس كانوا في معزة اهل والندم عمره مكان حل حل الغياب في عتاب من قلب لقلب كلمة بما يرضي الله مش عيب نقول عشرة زمان شرياه والرفض بعد الود بيريح القلب وتعرف...
متفكريش
- الحصول على الرابط
- X
- بريد إلكتروني
- التطبيقات الأخرى
متفكريش .. ردي بابي وراكي وامشي ماتبصليش قلبي اللي عاش قبلك امير بعدك هيرجع ملك يعيش ومتقلقيش على قلب فاهم قد ايه حجم الهزايم من امتى كان في جرح دايم على حد مايساويش وريني شطارتك في القساوة ودوسي على قلبي بغباوة خلي اخر حبة غلاوة في قلبي ليكي يختفوا خليكي عنيكي يوصفوا لعنيا ايه معنى الخيانة قولي مرة الحق بأمانة قولي شبعت ماعدتش جعانة و نزواتي منك اكتفوا قولي كان قصدك تسالي عمر قلبك ما كان له غالي شدي ظني من خيالي وريني اصلك يطلع ايه زيدي شكي وايديه واقنعيني ازاي افوق امحي مني اي شوق مدي ايدك خليني ادوق طعن غدرك وجعه ايه
- الحصول على الرابط
- X
- بريد إلكتروني
- التطبيقات الأخرى
بتقول الست قبل ما تشوفك عنيا في دخلة عمري وروح قلبي عليا بتناول ايدي اطعم كوباية شاي وانا باصص في عنيها وما معرفش ازاي عمالة بترقص م الفرحة ايديا وتقعد جانبي فتحلو السهرة الشعر ستاير ليل وعيونها القمرة وتعزف ملامحها في عيني لحن جميل ولاقي دماغي شمال ويمين عمالة تميل زي ما اكون سكران وعيونها الخمرة وانا وعيونك قمرة ونورك وحده مالي عنيا قمرها في سماه غيران وانا سايب نوره جج
من يوم ما عرفتك
- الحصول على الرابط
- X
- بريد إلكتروني
- التطبيقات الأخرى
من يوم ما عرفتك و انا مغرم بيكي ولهان غلاوتك عمالة تزيد جوايا و بدون استأذان ودا شيء فعلا خلاني اقلق تفكيري فيكي بقى شبه دايم مشغول بيكي صاحي او نايم وانتي اول واحدة لازم بيها خير الصباح يبدأ واخر واحدة بمسي على ليلها وادعي لأحلامي تتحقق بقيت شايفك قدامي في كل مكان والقلب بغيرك مش راضي يصدق وكأنك ساكنة في قلبي لوحدك و لوحدك جوايا بقيتي الكل و عنيا منين ما تروحي ملاحقة ملامحك زي الضل وظلك ساحب ورا منه فضولي و اعجابي اسألي بابا وماما لو واحد نفسه في زيك يقول له انتي منين تتجابي ياللي انتي مافيش اتنين منك هو انا ضامن تاني اشوف زيك علشان تتسابي ياللي انتي مفيش منك واحدة كمان ايوة من يوم ماقبلتك واناوقلقان قوليلي ازاي ممكن ابعد عنك
- الحصول على الرابط
- X
- بريد إلكتروني
- التطبيقات الأخرى
حب وخد راحتك ع الاخر اعشق واتعشم وشوف الاسود بعنيك الوان عشم نفسك انك غالي وقضي ايام و ليالي ع روحك هيمان فوت حذرك في بحور وهمك غرقان لكن خليك دايما فاكر انها في الاول والاخر حبة وعود اتخدت اصلا علشان تتخان مش كل اللي بيوعد قادر يوفي والموعود مش دايما اخرة صبره جميلة في بيكدب لجل ويخفي وفي عشمان مضطر يصدق ضعف وقلة حيلة والوعود في الحب دايما يلزمها الصبر والصبر تملي بحوره طويلة بلا نيلة ع قلوب حبت ووثقت عمياني كان فين عقلي لما هوايا على وهمك وداني
بنوتة عادية
- الحصول على الرابط
- X
- بريد إلكتروني
- التطبيقات الأخرى
أحـلامـي جـداً بسيطـة .. وعـلى قـد الأيـد .. و عارفة يقيناً إن الدنيا بتإذي اكتر ما تفيد .. وإكـمن الـدم السـاري .. في عروقـي عنيـد .. إختارت بطولي أكمل و أعافر جوايا بيصرخ ويقول أنا قـادر انا واحدة قوية .. و من الآخر مش مخلوقة عشان أتكن وأدارى في حيط .. عايشاها ثبـات .. وساعـات تنطيط وحاطة نظام .. بس بدون تخطيط هدفي محدد .. وطموحي بسيييط كل المطـلووب .. ( نـاس تفهم ) املي المرغوب .. في قلوب بتراعي .. انا مش مولودة وحيدة كئيبة ولا كـره النـاس ورثـاه في طبــاعي .. بالعكس .. دا حلمي وصبري هما صداعي .. بشغل بالي بدون داعي واعمل للعشرة مابينا حساب .. هما يسدوا في وشي وانا لرجـوعـهم فايتة البــاب .. وقول صبرا .. معلشي رصيدهم باقي وما خلصشي واديهم في الاول والاخر بردو اصحاب .. و فضلت اعـدي وأفـوت وأكتم جوايا الغل وازود و كتر الضغط دا بيموت .. احلى ما في الـروح .. وما فيش اصعب من عين ساترة الدمعة بضحكة سخيفة .. ورافضة تبوح .. ولو مسموح للماضي يعود طـفولتي هتشهد .. و يطـول الشرح .. عن بنت بتتشاقى في خضن الفـرح .. لحد ما جابوا الجرح لعندي وروني ان الدنيا مش بابا نويل ...
- الحصول على الرابط
- X
- بريد إلكتروني
- التطبيقات الأخرى
وتسأليني هل (صحيح) حبيتك وأرد (حصل) (فعلا) واسألك هل حسيتي تجاوبيني .. شكله كدا (أيون) لكن خايفة وشايفة ان اللي بينا وهم مستعجل و عارفة ان الغرام في في القلوب ياما بيبهدل وانتي قافلة عليكي سنين سديتي بابك في وش الحنين و إخترتي تعيشي انتي وقلبك آمنين بعيد عن الحب و أهله واعتزلتي العشق بمشاكله وفوتي الغرام ووجع القلب للفاضين عايشة مرتاحة و راضية بحالك دنيا الوحدة أمتع و احلالك من حب يعالم هيوصل بيكي لفين اخدتي قرارك .. وركبتي دماغك ( سحقا ) لعنادك .. وخوف زادك من الرفض كوم اسباب في واحد جالك .. مكنش في بالك و قولتي له خلينا اصحاب (مظبوط) النصيب جمع .. بس الفراق بقرار لو عليه مازال شاري وانتي و مهما تداري حبيتي لكن خايفة وعمالة توجدي في اعذار وشايفة اللي بينكم (تمام) شبه غرام مستعجل حبيبتي هو سؤال مين لو فرج ربنا جاله .. بيعطل فيـه وبيأجل
- الحصول على الرابط
- X
- بريد إلكتروني
- التطبيقات الأخرى
لفيت بعمري ف سوق الجمال ما بين شاري وبين بياع وشوفت ياما من الجمال انواع لحد ماشاء سبحانه اشوفها واسبح بقدرته ع الفن والابداع سبحان من صورها وفصلها وفضلها في عيني عن كل اللي انا شفته نساني جمالها كل الحلو اللي صادفته وكأني قبل منها لا شوفت ولا عرفت ولا حسيت بجمال كل اسباب الجمال قدام ورعتها إحتمال دي اللي عيونها اثرتني ودلالها في مكاني ثبتني دي اللي ضخكتها خلتني اتأكد فعلا ان الفرحة حلال دي اللي طلتها زلزال رج قلبي وخلاني افوق هو انا كنت مغيب ولا ما عنديش ذوق ازاي قبل ما اشوفها كنت بقول على شيء عادي انه جميل ازاي و جمالها بيفرق عن غيرها فرق نهار عن ليل حبيبتي منها الجمال بيغير والحسن لوصولها عايز له كتير مين شافها ومحسش انه اتشد لها و اتاخد ومين ياخد باله منها و ينساها بنت واخدة من كل الطباع احلاها في الفرحة اميرة وف الشدة اصيلة وف الزعلة جميلة وفي ظهرك تلقاها وقت الجد دي اللي ذوقها و اسلوبها ورقتها مش ع حد حتى في عز غضبها قادرة ليها تشد حبيبتي قلوب وقفت ع بابها تتمنى رضاها بالطوابير حبيبتي وجه الخير اميرة وتوبها امير حبيبتي مش اي أي...
شهريارك مل
- الحصول على الرابط
- X
- بريد إلكتروني
- التطبيقات الأخرى
حكيتك للوجود قصة وزدتك من الثناء عطايا ومدح عشت في حبك كما فارس و شوفتك بعيني غنايم فتح عزفتك غنوة على المقسوم عزفتيني مقام الصبا في نوتة جرح ويعلم ربي اني ما قصرتش و حاربت بكل سطوتي فيكي بقلبي وعقلي في نفس واحد ولا عمره كان وارد اتخدع فيكي وف عز الخطة المجنونة وبرغم النية الملعونة وقت الطعنة كنتي حنونة لدرجة قلبي ما حسش حاولت اوجدلك عذر دورت إنما ما قدرتش اعذارك كلها في دماغي اترفضت و حدوتة قبل النوم خلصت شهريارك مل خلاص من حكاويكي وفات سيف الفراق يجوز فيكي وحكم عقله يمحيكي من قلبه ومن ذاته كتبك بندمه اخر سطر في حياته فقد الكلام معناه وإثباته و بوخ من كتر ما اتكرر واللي كان حلو فيكي زمان ماعدش الان يفرق ولا يغير طعمك جوا العروق مرر و ما عدش العتاب نافع ولا املك سبب ولا دافع يخليني اتحملك واصبر و ليه اتركك في حياتي قصة نهايتها مفتوحة ما هي واضحة زي الشمس من اول كان ياما كان والنية مفضوحة خلي الحدوتة لصحابها وفوتي شهريار منك يعلن التوبة نصوحة حكاية للاعمى مشروحة موجب عندك في طموحي بالسالب بيساوي امل خايب يعني النتيجة فراق لو حتى مش عا...
- الحصول على الرابط
- X
- بريد إلكتروني
- التطبيقات الأخرى
حب مع ايقاف التنفيذ عشق كل مادى يزيد سكة كل ما اخلصها ارجع اعيدها من جديد لا وصلت مكان مااتمنيت لا من قريب ولا من بعيد متعلق من عشمي بالمقلوب طمعا في لم قلوب فراقها شيء أكيد قبلت اكون لك صاحب يتحب او حبيب يدوب اخره يتصاحب وبأكتر من كدا عقلك مش حابب ولا قابل عشانك قبلت بوضع مايقبلهوش عاقل قبلت اكون لك صاحب عمره ما هيطلع جنبك في الصورة عريس قبلت اكونلك حبيب وشريك عمر بدون تنفيذ حاولت اكون معاكي حريص في كلامي وردودي وانتي قصادي ودي اول مرة أنجرح واكون راضي يكفي انك مريتي في عمري وحليتي ايامامه يكفي انك زورتيني وعلمتيني العشق وهيامه ومش هنسى يوم ما شافك قلبي قدامه فدبت جواه الروح كان قبلك كافر بالحب وع ايدك عشقه الممنوع اتحول مسموح و بطلوع الروح قلت موافق اكون لك صاحب خوف من اني اخسر قربك وانا مش حابب على ايدك شفت في نفسي عجايب وحاجات عني كنت انا ما اعرفهاش طول عمري وانا متعود اقفل مواضيعي ومركنهاش وعندك بقيت محلك سر ومش فاهم بجد ايه السر وليه قدامك تايه ورافض اخد رد فعل ومعلق نفسي بامل خسران وعشم غلطان وتوهة وضياع وتوه...
زعلت
- الحصول على الرابط
- X
- بريد إلكتروني
- التطبيقات الأخرى
زعلت يادي الواقعة ويادي اليوم وريني ازاي دلوقتي هيجي النوم هتنام ازاي وقمرك منك غضبان وفايتلك سمى ظلمة مفهاش حتى نجوم وانت وندمك وحدك سهران بتقول اللي حصل كله ماكنلوش اي لزوم هي دموعها بتنزل عمالة بتنده اديك وانت بعيد مش طايل تبعت منديلك وتفضل على الوضع دا طول ليلك هي تنام حاضنة إديها دموعها وانت تنام نوم العازب طول اليوم بتقول اللي حصل كله ماكنلوش اي لزوم وانت في بعدها من عشتك طقهان زعلها ولو حبة
- الحصول على الرابط
- X
- بريد إلكتروني
- التطبيقات الأخرى
ياقلبك الجامد .. ياقمة الجبروت بتقولي روح سيبني يا انت اللي تبعدني طب ازاي تخيرني .. ما بين وفاة او موت وتغصبني اعيش دونك و دونك كمان عايزني اعيش مبسوط كما روح بلا جسد هيمانة في الملكوت او جسد بلا روح تمثال بشر منحوت من غيرك انا .. مش تايه ولا مفقود من غيرك انا مش حي كما عيون وقادرة تشوف لكن ناقصها وجود الضي ياللي انت مش زيك زي انا باقي بعمري عليك .. ومنايا انك تبقى علي يامفارق وفارق فراقك معايا وانت ولا همك ونازل في اللي بنا حرق من امتى تعبك كان سبب شقايا عشان تعمل مابني وبينك فرق امتى اشتكيت منك وقولت عن حاجة فيك تعباني انا بجد حبيتك والوحشة منك قبل الحلوة لازماني فـ متقوليش ان بعدك حل وانك بكدا بتضحي عشاني لو فعلا همك راحتي تعالى حط نفسك مكاني وتتخيل مخنوق بلا هوا عليل بيموت من نقص الدوا .. دوق الدنيا في بعدي وقولي طعمها ايه واحنا مش سوا قولي صورنا شكلها ايه وانا مش جانبك فيها قولي ايام بردك بعدي مين غيري يقدر يدفيها في سنين بينا مهما حاولنا نمحيها ما بنعرفش فـ ما تهزرش .. انا فعلا ماقدرش يعدي عليك يوم من غير ما اسأل وما تفكرش لان...
ست البنات اجمع
- الحصول على الرابط
- X
- بريد إلكتروني
- التطبيقات الأخرى
كل ما اقول الحب فيها خلاص جاب آخره الاقي القلب يكتب عنها كلام احلى من قبله وكل مرة بشوفها بحس اني بحب جديد كأن عيونا كانوا بعيد و لأول مرة بيتقابلوا كلامها معايا بيحي البداية ويعدها و بعشق حتى في الصمت تنهيدها وادوب في كلمة قالتها ولو بدون قصد بحبها كلها على بعض بصمتها وكلامها برضاها وخصامها وضحكة ويا هزارها بتملى الارض و صوتها يسري في عروقي كما عشاق بيتغازلوا في ربيع زاهي عجزت كل المعاني جوايا عن وصف حسنها الباهي و تعب الكلام فـ سلم لصمتي فيها الامر وفات عيني تتغزل في أم العيون بني .. والجدايل حمر وكل ما انهي في الغرام سطر فجأة يتولد غيره هي اللي جمالها بيطرح فرح من رحم خيره دي اللي حضورها تأثيره عليا اكيد وحالي معاها كل يوم في جديد من فرحان لمرتاح لمبسوط و سعيد دي اللي جت لي كوقفة عيد وانا الصايم عن الفرحة بقالي دهر شبعت و رويت روحي من زادها ومليت عروقي من روحها ملو النهر لا عمري منها في مرة شبعت ولا في غرامها بحس بجوع و كل ما اقول اديني وصلت تفاجأني بشعور فريد النوع حبيبتي قصة كدا وموضوع مايخلصش في قصيدة شعر الشعر اضع...
كنتي فين
- الحصول على الرابط
- X
- بريد إلكتروني
- التطبيقات الأخرى
كنتي فين كنتي فين .. ياوش سعدي .. ياخير اتاني بالفرج كنتي فين .. ياللي جمالك لما شافه حلمي إتحرج كنتي فين ياجايزة سنيني يافرحة جاية بتراضيني يوم ماعينك شافتها عيني قلبي من ضلوعي خرج كنتي فين ياسعدي وهنايا ياخير وعم من البداية ياللي ربي جعلك معايا نعمة عليها بشكره كنتي فين يانن عين اتداريتي عن روحي فين قلبي وعيني بقالهم سنين على حضنك بيدوروا كنتي فين .. ياللي بحضورك احلى ما فيا بيظهروا كنتي فين .. ياللي جمالك حبه قلبي واقدره ياللي لقاكي جالي صدفة من غير ما ادبره ياللي حبك في قلبك اصفى من شهد مكرره انتي حبك جوة مني خير وبركة ونور ساكني احساس جميل دايما شاغلني و صعب شيء هيغيره كنتي بالنسبالي حلم سمحلي قلبك افسره ياللي كنتي بالنسبة ليا حلم وقلبك فسره