قصيدة ✍🏻 بفتكرك
قصيدة : بفتكرك
ماعدش عندي طاقة للنسيان ولا رغبة ولا قدرى
فشلت كل محولاتي بفتكرك دايما ف كل اوقاتي
افتكرتك امبارح وبفتكرك النهاردة وهفتكرك بكرى
عاصي ع القلب نسيانك ورافضة تدخلي الذكرى
بفتكرك ف كل تفصيلة مهمة كانت او تافهة
بفتكرك بنكتة بلعبة بضحكة بريئة من طفلة
بفتكرك ولسة وحشاني
وعنك بس حيشاني حبة ظروف سافلة
بفتكرك . كل ما روح نفس المطعم واطلب نفس الاوردر . زيك
كانز وبطاطس وشاورما . نفس الطربيزة و نفس اللقمة . بس الطعم متغير
وانا صغير ع الحزن اللي فتيه
قوليلي اعمل ايه ف عقلي اللي متحير
و مهما اتغير بردو لسة فاكرك
غيرت نظامي وبقيت بعمل زيك
ببدأ يومي بشاي بحليب
واسيب قوضتي بدون توضيب
ورثت منك طبع غريب
بنام ف نهاري واسهر فجرك
وبشتاقلك . بلون فستانك . بتسريحة شعرك
وع جبينك قصة
بفتكرك . بمسلسل تركي . وانت بتحكي
ومستمتع بالقصة
بفتكرك ومفيش امل اني انساكي
عارفك ناسية وحياتي مش شغلاكي
بقول اكيد ف ظروف
و مستني لحد ما أشوف اخرتها ايه معاكي
حاولت اشيلك من جوايا بالقوة
لقيتك ساكنة ف قلبي من جوة
اسحبك منه يمسكك هو
بقيتي بتجري ف شرايني وفصيلة دمي شيلاكي
ولو فاكرة . إن ف بكرة . هيجي واقدر انساكي
ف هكتبلك . وها ابصملك . وهاتي اتنين يشهدوا معاكي . عشان كدبك يكون عبرة
يشهد عليا الشتا اللي كل مابرده يقرصني افتكر عنيكي ف ادفا
ويشهد عليا وزني اللي من كتر تفكيري فيكي نزل للنص واتصفا
قوليلي انساكي بس ازاي وانا الدنيا كلها عندي قصاد منك على كفى
قصيدة ✍🏻 بعنوان : بفتكرك
تأليف : رامي عبده قاسم على
القاء شعري : رامي عبده قاسم على
تعليقات
إرسال تعليق