جبارة و شقية

قصيدة : جبارة وشقية
تأليف : رامي عبده قاسم علي

ماشية ف وقت متأخر ... لوحدك ليه
مش خايفة حد يدايقك او يزعجك

قالتلي عادي يعني ... هيحصل ايه
من غير متخاف ولا توتر ..او حتى ترتبك

طب بالنسبة لمشيتك . لبسك مكياجك وهيئتك
مش اوفر شوية . ولا انتي شايفة ايه

قالتلي انت مالك .. ماتخليك ف حالك 
بدل ما الم الخلق عليك وقابل اللي هيجرالك

طلع يتخاف منها . ميتخافش عليها

عنيها واسعة ومكشوفة . بتبجح ومش مكسوفة
وانا من طبتي خفت اسيبها يكون مصرها مغمى عليها او مخطوفة

بصراحة كنت خايف عليها . بس قلت بردو اسيبها 
لما خطر ف بالي سؤال . هما فين اللي مربينها
وقلت لنفسي ياواد خليك ف حالك . وانت مالك
هو انت هتخاف عليها اكتر من اللي جايبنها

المهم مشيت . ورمتها ورا ضهري
متأخر ع شغلي ويدوب اطلع اجري
وقبل ما ابعد . سمعت صويط
مالك يا حيوان . انت اهبل ياض . ولا عبيط
لفيت اشوف الصوت جي منين 
لقيتها واقفة بتترعش مابين اتنين 
واحد بيطوح . والتاني سكران طين

الحقوني ياخلق . الحقوني يا ناس
والناس واقفين . م الزحمة مش شايفين

دخل فجأة راجل كبير . مالك ياض منك له 
عملوا ايه العيال دي يابنتي
واحد منهم رد وقال . خليك فحالك انت يا خال
البت دي تخصني وبتعتي

رخصت نفسها الخايبة . غلطانة وعندهم حق
كل حتة فيها بقت دايبة . وعرتها عيون الخلق

اللي يقولك
ماشية ليه وحدها  
بص شوف لبسها
عاملة فرح ف وشها . وقفت تسمع وهي مصدومة

الغلط كله عندها 
ليه مبينة جسمها
هي دي فين اهلها . بقت ظالمة مش مظلومة

الستر يابنتي عفة و بركة . وبا ين عليكي بنت ناس 
مش عروسة مولد للفرجة . ولا مليكان ورا ازاز

قال الكلمتين وايده ع كتفها
بصت تشوف مين . طلع عمها 
رمت فحضنه نفسها . وبدأت تعيط بإنهيار
هو اولى بلحمها . و ربك حليم ستار

خلصت وعدت ع خير . موقف وعلمها كتير
غلطانة والذنب كبير . ملوش حجج ولا اعذار

بعد كام يوم كدا نزلت ف نفس الوقت ونفس الطريق
قلت اعدي. على عم وجدي. اشتري حاجة تبل الريق

شوية ولقتها داخلة عليا 
بصراحة ف الاول معرفتهاش
كل ما فيها متغير ... مفيش ديق ولا قصير 
حتى الوش من غير مكياج 
وعنيها ف الارض ... ما تشفهاش

بس مش وقفة واحدة مكسورة لأ
دي وقفة اميرة وسط رعاياها
ف ايدها كتاب ربنا وف ايدها التانية
واخدة صاحبتها تصلي معاها

والحرة شريفة عفيفة نظيفة وقوية 
مش فارقة بجنز ولا عباية أو جلبية
 ابوكي وجوزك واخوكي دي سمعة ناس ربوكي 
ابوكي وجوزك واخوكي . شقيوا عليكي وربوكي
يشوفوا الناس فيكي البر . مش واحدة جبارة وشقيا

تعليقات