حب اليومين دول

قصيدة : حب اليومين دول
تأليف وإلقاء : رامي عبده قاسم علي

انا مكاني مش هنا
انا في زمن غلط موجود
كان مفروض اني اتولد
قبل كدا بعقود

ومكنش المفروض تكوني اكبر مني
لان كلك قريب قوي مني

وايه معنى اني لما اقول جملة . تسبقيني وتكمليها
ولما احاول اشرحلك اي حاجة . بسرعة تفهميها
معناه انك فهماني . منسباني 
لزماني في حياة تكوني معايا فيها

ولحد امتى هيفضل يجيلي المناسب . في غير زمنه
واللي مش شبهي وعكس طموحي مفيش اكتر منه
زهقت م الاطفال . مليت من لعب العيال
وكأن الحب صار . لغز وماحدش معاه حله
سطور العشق منسية في كتاب محدش سمع عنه

حب اليومين دول كالاتي قرد بيتنطط بيلعبة قلاتي
لاهي قده ولا قده هو ........... هي خاينة وهو فلاتي

البنت من دول دلوقتي . تقولك لما الحق الافلف
قبل ما اتجوز وادبس . شغالة ف بيت اروق وانضف
يبقى اسمى بردو حبيت
سمعت كلمتين حلوين واتهنيت
هدوق الحب واستلذ
هجربه مع عيل مز
تبقى نطاله هي من الشباك 
 وعايزاه يدخل من باب البيت

وياريت تعمل حساب لقلب المز
جرح مشاعره واحساسه عندها طظ
المهم تكون مبسوطة . تبدأ هي الحدوتة
تشبع تبعد من غير حتى ما وراها تبص

والواد من دول قاعد فاضي فاشل عاطل
داخل ع الفيس باسم بنت وعامل راجل

يدخل على بنات الناس . يعشم ويلعب بيهم
ومن احلى كلام الحب . يسمعهم وينفخ فيهم
ومحادثة تجيب التانية 
فجأة وهب في ثانية
يجري الندل وراه سايب جرح و حزن ماليهم

هودا حب اليومين دول . الا من رحم ربي
كلة بيشتغل كله باسم الحب
الحب هو الشعور الوحيد . اللي ربنا خلقه وليد

في اتنين حافظوا على وليدهم
فأخد ربنا بإيدهم 
واتلموا على بعض في بيت

واتنين خافوا من المسؤولية 
فكانوا للفراق ضحية
ندموا وقالوا ياريت

نصيحة مني لجل الحب مايكمل
محتاج راجل وبنت اصول

ساعتها بس اضمنلك ان الفراق
صعب من الحب ينول

راجل جد يقدر يوفي الدين
واحدة مش ناوية تسيب بعدين

يحافظ عليها . وتحافظ عليه . يعني الاتنين حافظوا
واللي ضميره خير . وباقي على الغير .حبيبه من حظه

حب اليومين دول . وهم ساري المفعول
جواز صالونات ........ وقول زي ما تقول
اعرض بنات . اختاروا يا ولاد . هات المأذون
حب مافيش . خلافات ما تنتهيش . ثم طلاق ع طول

قصيدة : حب اليومين دول
تأليف وإلقاء : رامي عبده قاسم علي

تعليقات