عنوان الدرس

قصيدة : عنوان الدرس
تأليف وإلقاء : رامي عبده قاسم علي

نقطة ومن اول السطر
النهاردة عنوان الدرس . كيف تتخطى الجروح

انا جاي النهاردة افضي قلبي وبالسر ابوح
جاي افضفض . جاي انفض سنيني من تراب الجرح
هبني بيني وبين الهموم صرح
جاي وناوي انكش ع الفرح . ولازمه منين ما يروح

كدا كدا الخير جاي
كل حاجة بتيجي بسعي
الا الحب . 
 مهما عملت بيجي ف وقته
موضوعه مش محل نقاش كدبته اوصدقته
وجوده حقيقة . وجوبه فرض . دا حتى قبل آدم نفسه موجود ع الارض 

الحب اتفاق محطوط عقد مليان ببنود مفهوش ولا شرط

ومش لازم تكون فنان او شاعر لانة نضيف وبسيط
مش زي الشئط

سهل ممتنع . ومهما كنت جدع . مهما حاولت تمتنع
ما تقدرش . مابيتقاومش سلس مفترس واحترس 
من قلبته . قادر ينور دنيتك وسهل يدوقك عتمته
حلم كل القلوب حلمته . و مفيش منه مفر

كل القلوب بتجربه سواء فاد اوضر
غرق اللي نفسه قصير . وطويل البال وصل للبر
ودي حكمة ربنا في خلقه 
كله بياخد فرصته وحقه
كل قلب ونيته 
في اللي خسر دنيته
 وف اللي دخل جنته . وفيه المستني بصبر

مستني بشوق . ايده لفوق . بيدعي يقول يارب
انا نفسي احب . نفسي اتحب .يارب ارزقني بقلب
يكون صافي حنين
شفاف جواه مبين 
زعلى عنده مش هين . يخاف عليا ويصوني

لو مرة غلطت يعذرني . لوطال بعدي عنه يزورني
ميهنش عليه يكسرني . ولا توريني يوم فيه شر

بشر كل يوم بتفوت ف حياة بشر تانين
محدش عارف مين فاضل ومين مفارق مين

كله مسلم لساعة ايده مربوطين بحبل ف عقربين
سرقانة سكينة الدنيا ولهيانا عن ناس غالين
في مفارق بلده واهله وناسه 
عود اخضر مطر يبني اساسه
وف حاضر لكن مات احساسه . ومش حاسس بالتانين
طبيعي وهو دا حال الدنيا . 
ناس تفضل في قلوبنا وناس فانية
كله بيختار جوانا مكانه 
ف حد نضحي بروحنا عشانه
وحد بيمشي وننساه ف ثانية

قصيدة : عنوان الدرس
تأليف وإلقاء : رامي عبده قاسم علي

تعليقات