أغلى هدية في حياتي
قصيدة : أغلى هدية في حياتي
تإليف : رامي عبده قاسم على
معقول افتح قلبي لحضورك بعد ما كان مقفول
واكتب ع باب الوحدة خلاص بعدك مغلق على طول
ممكن يطلع احساسي المرادي بجد صحيح
وانك نسمة بتكنس ف الماضي زي الريح
وبعد سنين عاشها قلبي جريح يصبر وينول
لو كنت اعرف اني اخرة صبري كدا
كنت شلت لوحدي من الجروح اطنان
كنت بنيت في مدن الوجع اوطان
كنت زرعت ليالي الوحدة والحزن بالرضا
ع قد ما انا ندمان على سنين ضاعت بدونك
لكن بردو فرحان ان العوض جالي بلونك
لون اول مرة في حياتي عيني تشوفه
احساس عجز كلامي عن وصف حروفه
حاولت كتير اكتب عنك خلص ورقي ونبض قلمي جف
واحد عمره ما شاف جنة بعينه هملك منها ازاي وصف
محيت اسمي من قايمة الانتظار . دخلت الجنة هفكر ليه تاني في نار
كفاية اتملى في عينك واتأكد اني انا عايش
بحلم وبحب و بكتب اشعار
قلبي صعب يكون لغيرك . غيرك صعب يكونله قلبي
حبي سر كتمته ليكي . ليكي بحت بس قلبي
حبك كان قرار صعب ماجاش بالساهل
كان لازم اتأكد ان قلبك فعلا يستاهل
عشان مغلطش زي زمان
وادخل حكاية وارجع ندمان
وف عز خوفي وانا قلقان
بعتي ضحكة خلتني اتفائل
وسبحان الله من غير ما اتكلم حستيني
وقبل حتى ما افكر اشك لحقتي وفهمتيني
وقبل ما اقول اي كلام بصيتي في عيني وطمنتيني
قولتيلي لو عاشق قراط فانا عشقاك فداديني
عوضه جميل . كنتي رد جميل . دعوة من حد اصيل
حس بعذابي وصعب عليه حالي
انتي تحويشة ليالي من صبر ودعا واماني
كانت مجرد احلام بالنسبالي
انتي مسكن لاي الم ومهدأ لاي توتر جالي
عارفة انتي ايه بالنسبالي انتي سنابل سنيني العجاف
طرح ثمر حبي وحان بلئاكي وقت القطاف
انتي اجمل من كل اللي اتقال وابدع من اي وصف اتشاف
انجازي الوحيد في حياتي . إنك نهاية سعيدة لحكياتي . انتي الحاضر وانتي الاتي
مكافئة نهاية الخدمة . حبك ستر زي الهدمة
نصيبي انتي واجمل قسمة
اكبر نعمة واغلى هدية في حياتي
قصيدة : أغلى هدية في حياتي
تإليف : رامي عبده قاسم على
تإليف : رامي عبده قاسم على
معقول افتح قلبي لحضورك بعد ما كان مقفول
واكتب ع باب الوحدة خلاص بعدك مغلق على طول
ممكن يطلع احساسي المرادي بجد صحيح
وانك نسمة بتكنس ف الماضي زي الريح
وبعد سنين عاشها قلبي جريح يصبر وينول
لو كنت اعرف اني اخرة صبري كدا
كنت شلت لوحدي من الجروح اطنان
كنت بنيت في مدن الوجع اوطان
كنت زرعت ليالي الوحدة والحزن بالرضا
ع قد ما انا ندمان على سنين ضاعت بدونك
لكن بردو فرحان ان العوض جالي بلونك
لون اول مرة في حياتي عيني تشوفه
احساس عجز كلامي عن وصف حروفه
حاولت كتير اكتب عنك خلص ورقي ونبض قلمي جف
واحد عمره ما شاف جنة بعينه هملك منها ازاي وصف
محيت اسمي من قايمة الانتظار . دخلت الجنة هفكر ليه تاني في نار
كفاية اتملى في عينك واتأكد اني انا عايش
بحلم وبحب و بكتب اشعار
قلبي صعب يكون لغيرك . غيرك صعب يكونله قلبي
حبي سر كتمته ليكي . ليكي بحت بس قلبي
حبك كان قرار صعب ماجاش بالساهل
كان لازم اتأكد ان قلبك فعلا يستاهل
عشان مغلطش زي زمان
وادخل حكاية وارجع ندمان
وف عز خوفي وانا قلقان
بعتي ضحكة خلتني اتفائل
وسبحان الله من غير ما اتكلم حستيني
وقبل حتى ما افكر اشك لحقتي وفهمتيني
وقبل ما اقول اي كلام بصيتي في عيني وطمنتيني
قولتيلي لو عاشق قراط فانا عشقاك فداديني
عوضه جميل . كنتي رد جميل . دعوة من حد اصيل
حس بعذابي وصعب عليه حالي
انتي تحويشة ليالي من صبر ودعا واماني
كانت مجرد احلام بالنسبالي
انتي مسكن لاي الم ومهدأ لاي توتر جالي
عارفة انتي ايه بالنسبالي انتي سنابل سنيني العجاف
طرح ثمر حبي وحان بلئاكي وقت القطاف
انتي اجمل من كل اللي اتقال وابدع من اي وصف اتشاف
انجازي الوحيد في حياتي . إنك نهاية سعيدة لحكياتي . انتي الحاضر وانتي الاتي
مكافئة نهاية الخدمة . حبك ستر زي الهدمة
نصيبي انتي واجمل قسمة
اكبر نعمة واغلى هدية في حياتي
قصيدة : أغلى هدية في حياتي
تإليف : رامي عبده قاسم على
تعليقات
إرسال تعليق