ما وجعنيش الفراق
قصيدة : ما وجعنيش الفراق
تأليف : رامي عبده قاسم علي
ما وجعنيش الفراق
قد ما وجعني كلامك وظلمه
قلبي لسة جديد ف الداء
وبدال ما تداوي بتزودي ف همه
وان كنتي شايفة انك خسرانة بقربك
ف انا ببعدك خسارتي اكيد اكبر
انت يادوب خسرتي يومين
مع واحد كنتي يوم حباه
لكني خسرت كل أسبابي ف الحياة
خسرت الحضن اللي كنت معاه
على اي شيء بقدر
غصب عنا هو النصيب قدر
وقبل ما تبعدي عني
احب اعرفك اني
وغلاوة ما كان بينا من ود وعشرة ومحبة
عملت كل اللي كان ممكن وازيد كمان حبة
ولجل ماتسامحي .. وتنسيني ..
اعتريني واحد مات والرحمة عليه واجبة
انا سفاحك البريء .. من ذنب معملهوش
قلبك وإن كان مات .. قلبي ما قتلهوش
انا وانتي اتعشمنى ف الدنيا
حلم و طلع مغشوش
ف ملهوش لازمة نقول كلام بعد الفراق بايخ
ف سعي لجل الحل مشيت ف السكك دايخ
لقتني بدونك واقف بحارب وهم
واكتشفت ان الحب بيتولد ويموت بنفس السهم
لقى بنصيب ..... وفراق بنصيب
انا وانتي سطرين ف علم الغيب
وشمس عنيكي لجل ما تشرق
كان لازم قمرها يغيب
و منتهى التعذيب .. اني اعيش مجبور ع رحيلك
واتحمل لوم من عينك .. يهد جبال
واشوفك جاية بتتهميني
وبتلعني يوم ما عرفتيني
وأشوف كرهك نازل ضرب ف حبي كأنه حلال
ياريتني ما عشت لحد ما اشوفني ف عينك غلطة
و عارفة بجد حقيقي ايه هي الورطة
اني اتحولت في ودنك لمجرد غنوة بدون صوت
صورة اتخدت ع سهوة مهزوزة وكدرها مش مظبوط
بقيت وانا سامعك حاسس بالخضة
لقيت قلبك مقفول ومعلق يافطة
اللي يفوت من هنا بيموت
بتلوميني على ايه
بتلوميني عشان دبحت نفسي بفراقك
يا غبائك
فكراني نسيتك .. ورميتك ورا ضهري وسبتك
دا انتي اكتر واحدة عارفة ف قلبي ايه قيمتك
وازاي شيفاني ف روايتك بطل من ورق
شيفاني ليه سبب الخوف والندم والقلق
و بتقولي ياساتر كان هم وغار
الكداب الغشاش المؤذي الغدار ..
اللي عمره ف يوم ما صدق
لكن عادي مادام تجريحي بيريح اعصابك
اعتبريني ترابك .. وانفضي نفسك مني
وقولي كمان عني
كان ف نعمة ما استاهلهاش
وانك دفعتي الغالي ف ابو بلاش
وأنا هسكت خالص مش هتكلم
هسمع منك لجل اتعلم
ازاي اقدر اقسى
ربا ضرك يكون نافع
و يديني الحافز والدافع
عشان اتحمل و انسى
قصيدة : ما وجعنيش الفراق
تأليف : رامي عبده قاسم علي
تعليقات
إرسال تعليق