قلل ناس
قصيدة : خسارة بجد
تأليف : رامي عبده قاسم علي
خسارة بجد
كام مرة ابني نفس العشم
واشوفه قصاد عيني بيتهد
ودي مش غلطة حد
ما حدش غلطان
الغلطة ع الساذج جواية
اللي فاتح شباكه ع شارع دوشة
ما نبنيش منه الا صداعي واذايا
واني بقيت مجروح لكل المارين
كل اللي هفه الشوق
يسرق نظرة
ياخد فكرة
ويشتري بعدين
دا اذا كان في اصلا بعدين
خلاص جبرت اشترينا واتبعنا
وفض السوق
هسحب نفسي بزوق
واتدارى من كل الناس
واول حاجة لازم اعملها
اني امسمر شباكي علية بـ ١٠٠ ترباس
وع رأي اللي قال كتر راحة وقلل ناس
قصيدة : خسارة بجد
تأليف : رامي عبده قاسم علي
#Ramy_kassem
تعليقات
إرسال تعليق