عنها أتحدث
عنهـا أتحدث .. عنها وبس
دي اللي فاتت في قلبي كما سهم ..
و بدون أي محاولة دفـاع او فهم ..
حكمت على روحي أعيش أثير روحـها ..
منعني عنها ماضيها القاسي وجروحـها ..
ما تعبتش من رفضها ليا
قد ما تعبني ظلمها لحبي .. و لـروحـها ..
لكني آمنت
او بمعنى أصح إستسلمت
قدام رغبـاتـهــا وطموحــها ..
رضيت أعيش حرمان
او يمكن قِبلت عشـان
ما لـقتش حـتة امــان
ليا أنا وقلبي بعدها نروحها ..
أنا النجمة المتعلقة فـي سمـا روحها ..
بـَطُل عليها لـيلاتي لحد مـا المحـها ..
فـ يهدا ضي الحنين جوايا
و أفـوت سماها وانا قلقان
وبرجع يصيبني أمان
أول مـا تـهـل عليــا ... بصباحـــهـا ..
أنا ونسهـا وبيتهـا ومطرحهـا ..
واهب قلبي لجل مشاعرهـا
ونادر ضحكتي لجل تفرحها ..
الدنيا بتحلى في عنيا بطعم أرواحها ..
والنَفس غاوية تعيش لجـل أفراحـها ..
وزعلها ولو حتى كونه خفيف
قادر يخلي الدنيا في عنيا
مقلوبة حوليا .. ومش في مطرحــها ..
دي اللي رأيي جاي تملي في صالحها ..
ولا يجـوز ابـدأ .. لأي حـد ينصحـــها ..
دي اللي العقل يطمن
والقلب يفتح ببانه بمجرد ما يلمحها ..
دي اللي غلط منها ساعات وارد
وكتير منها يكون الصواب شارد
وفجأة بمنتهى الحكمة
تـدخل بـرقة .. على الغلطة تصلحـها ..
دي الوحيدة .. اللي بحب ازعلها
شـوقأ لدلعـها عليـا في خصامـها
فـ جري عليها بحنيني لجل اصالحها ..
دي اللي عنيا عشقاها
وعقلي سكنها كمتاهة
وقلبي .. بحبها اتباها
دي اللي حابب أخسر في لعبي معـاها
ما دام خسارتي هتكون دايما لصالحها ..
عنها أتحدث .. عنها وبس
ولو حتى الكلام واصل .. ولا بيتحس
ماعدش عندي حاجة ممكن اشرحها
يكفيني .. قربهـا مني
وسؤالها بإهتمام عني
يكفيني أعيش زهرة ترويها بندى روحها ..
تعليقات
إرسال تعليق