حبيتك ليه ؟

ياواخدة من كل شيء احلاه
يا اللي انتي زيك ف عيني
مش زي خلق الله
وتسأليني ايه عن غيري يفرقني

شفت بعنيكي كل حاجة جديدة

 سؤال اجابته جدا بسيطة
انتي اللي شفتك بعنيا فريدة




سبحانه ربي في علاه
كما بحلم .. جعلك و سواكي

كل ما اشوفك بذكر في سري الله
واخاف من عيني تقوم حسداكي

ياوخدة من كل شيء احلاه
ياسحرة قلبي وبرضا ملكاه
نظرة عنيكي ف عيني بتزود الدقات
صوتك ميكس رهيب لمادة ويا نجاة
وايدكي لمستها قادرة تمد حياة

انا في حبك بقى اسمي 
العاشق بأمر الله
 درويش في رحابك ناسك
عاصي في غرامك ماسك
تنامي انتي واسهر انا و حيرتي
وتصحي تلاقيني فوق راسك

كأني لشمسك ظل
واضل لو بعيد عنك
كأن قلبي بقى ارضك
وسامح للغرام يحتل
كأنك حل لنقص العشق في عروقي
دوايا وراحتي وجنوني وهدوئي
انتي الدليل ع ذوقي 
وحسن اختياري
انتي الملجأ لأسراري 
وانتي كل الحلول
احساس صعب اوصفه بكلام 
مهما فضلت اقول 
يكيفيني ابصلك فـ ترجع كل حاجة جديدة
واشوف الدنيا بعنيكي طفلة بلعبها سعيدة
وتساليني بحبك ليه ؟
والاجابة واضحة بسيطة
حبيتك يا بنت الناس 
لأنك بكل بساطة فريدة

ظلماني في حبك اها وربي
واحد قبلك عمره ماشاف جنة
قوليلي ازاي منها هيملك وصف
اوصفك ازاي بحروفي ياحبي  
وهما يدوب ٢٨ حرف
ياحبيتي عشان اوصف فيكي
ورق الدنيا دا كله ولا يكفيكي
وبحور العالم اجمع لو قلبت حبر
هيخلص وانا لسة في اول سطر
مسحول ..  بتغزل في عنيكي

كل التفاصيل في حياتي احلوت
واللي انا كنت بشوفه زمان عادي وافوت
بعنيكي لاول مرة بشوفه جميل
دورت لحبك على معنى 
اتأكدت انك فضل ونعمة 
ورجوع الفرحة ع اديكي كان اقوى دليل

اخيرا دنيتي صالحتني
ورضيت عني ونصفتني 
و اختارت حضنك يؤويني ويكون للراحة سبيل

تعليقات