قلبي ف حبك زي الموج
شغال فيا مد وجزر
زارع في غيطان حيرة جوا البال
ونازل بيع في محصول الفكر 
رايح جاي
عتمة وضي
امان وشرود
ناي مع عود
وساعات مزيكا وزيطة في اوسع حي

اوقات بحس اني جواك و بتنفس من ربيع الورد
وساعات بكون وياك واحد ميت من كتر البرد
غلبت قلبي في هواك 
وحيرت العقل معاك 
من حالو للتاني و من رد لرد 

ارسابي ع بر
في دي بالذات منتاش حر
في قلب واقف ع بابك
ف بعد اذن جنابك يا اما تفتحله
ياما ترده وتقله معندناش حد

قوله معجبنيش سبتك
ف خسارة فيك الاحد

تعليقات