يامعين

يامعين .. عينا يارب واكفينا شر البني ادمين
فاضل مين لسة ما خانش
على مين قلبي بسهولة ماهنش
وما تفهمش العيب في مين
في الطيب ابو قلب ابيض
ولا في نية قلوب اسود م الطين
كان يوم غامق مدهون نحس
يوم من كتر ضبابه فرد بحجابه ع الشمس
يوم ما انتكتب لاملي يخيب
يوم ما هزار الدنيا اتغاشم 
ورماك في طريقي خبث نصيب
وحلاك الشيطان في عنيا وبالجمال زانك
خلاني شفت فيكي ملاك ودارى عني اوزارك
واقنعني اترمي ف نارك واقول الله
هغرف من نعيمك واتاري الجحيم دارك

وانا اللي كنت فاكرني محل ثقتك وخزنة لاسرارك
كنت فاكرني في ليلك ستر
وضل يحميك في نهارك
كنت في عز دقيتي بفضالك
وف عز غلطك كنت بحن واصفالك
كل طلباتك كات مجابة قبل ماتقولي انا عايز
في اي خلاف دار يوم بينا كنت بخليك تطلع فايز
بالنسبالك كان حبي اللعبة .. وطيبة قلبي جوايز

بعد دا كله ومش عايز تتنطط وتسوق
يخي ملعون ابو طيبة قلبي معاك
نفعني بإيه دلوقتي الذوق 

اديني بقيت بهرب م الضحكة الصفرة 
ع وش اللايمين
وبسببك بسمع واسكت .. هبرر إيه 
واضحك ع مين
ما الكل طلعوا عارفين الايا
في وقت ماكانوا بيستغفروا منك
انا كنت بشوفك اية
كانوا بيحولوا يسحبوا من ايدي السكين
وانا اللي صممت على غرزك جوايا

ياصورة في مرايا م الشيطان تبيكل
انا قلبي ع ربه توكل ف اراد ينجيني
وراني خينتك قدام عيني
وراني وطوك ودناوتك
و جحود قلبك وقسوتك
والفرق الشاسع مابينك وبيني

بحبك وخلي ف علمك
ولاتقدر عيني تزوغ عنك شمال ولا يمين
قولتي بحبك والحلم اكون وياك
قولتي في بعدك انا هستناك
قلتيلي بحبك وف بعدك هستناك
في بعدك هستناك
نفذتي الكلمة بحذفيرها معادا السين
طلعتي فعل مشين
العن من شيطان رجيم
والعيب ع الغشيم اللي تساق 
اللي فات الاصل والجوهر
وساب عينه تفكر وتقرر في مصيره
العيب ع قلبي اللي اتمادة معاكي ف تقصيره

تعليقات