طعم الليل

طـعم الليل مايع من غيرها
ناقصه الونس اللـي محليـه ..

و الوقت اللي انا بقضيه بدونها
وقـت حـرام هتجازى عليـه ..

ياشمس يوماتي بتبعد بينـي وبينهـا
اشمعنى اللـيلة مكسلـة ليـه ..

ياليـل فرحه بدونهـا هزايـم
فهمني عشان انا مش فاهم
مـا دام قمري و قمرك نايم 
يبـقـى لـــزوم سـهــرك ايـــه ؟!!

نص صاحي
ونـص نـايم
نص سهران
ونص حالـم
سهران ونفسه يعرف ينام ..
ونـايم بيحلم بنهـار تمــام ..
ومابين دا نايم وده قيــام ..
ليـل يعدي وحدة وسكوت 
شمس تحضر و قمر يفوت
و صاحبنا لسة صاحي بيحلم 
بنصه اللي سابه و راح ينـــام

تعليقات