ظل شعاع نور

قصيدة : ظل شعاع نور 

 تأليف : رامي عبده قاسم علي

مكنتش مستني تقدملي السبت ..
كان يكفيني يدوب  .. تشاورلي عليه
صدقني قسما بالله أنا ما هربت ..
لكن قربك ما لقتش لبكرة ..  نصيب فيه

كنت اعمل إيه ..
وأنا مطلوب مني ابعد عنك
طب قولي ازاي اهرب منك
وانا اصلا مداري ف خضنك
اعملها ازاي  .. قولي بأمارة ايه ..
مين قالك اني جماد خالي  .. من أي شعور
حاولت اداوي الشرخ كتير .. وبيرجع مكسور
لقتني عمال الف في سواقي الوهم .. زي الطور
لا انا عارف إمتى هبطل لف
ولا عارف على إيه مجبور ..
مقضيها لف  .. في لف .. في لف
عشان طواحين القسوة 
تهرس فيا و عليا تدور ..

تعرف لو كنت لمحت منك .. ضل شعاع نور
كنت فضلت لاخر العمر
كنت قبلت بوجع الجرح وطعم المر
في سبيل الحصول ..
واديني قدفت في موجك لحد الاخر
ولقيت في الاخر ..
بٓرك سكة ماليها وصول ..

قصيدة : ظل شعاع نور 

تأليف : رامي عبده قاسم علي

#شِعر_في_صورة
#Ramy_kassem

تعليقات