فكرت ف الدنيا

عمرك فكرت في الدنيا صح
سألت نفسك ليه مش كلها فرح
وليه الجرح ومهما قل مكتوبلك منه صيب
وليه في ناس داخلة حياتك قاصدة تعلم بتسيب
مش طبع الدنيا كلها مكسب
طبيعي عشان ناس تكسب 
ناس غيرها تبات مغلوبة
مهي الدنيا غزية لعوبة
بتشاغل عين الطمعان
وديما ساحبة في ديلها الغلبان
ومرمطة فيه
مش سيباه للغلب مكفيه
جاية عليه بزيادة
يطلبها بسكر تنزله سيادة
فقرة غلابة بيخدموا سادة م الاوباش
تبص ف اصل الغلبان تلاقيه غالي
وتبص في معدن الباشا  تلقاه ببلاش
و بقدرة قادر تلقى اللي معاه ومزكاش
هو عمره وهمه وكل مليه ف الانعاش
وتلقى الطيب م الستر قريب
بيحمد ربه ع اللي معاه 
وبيراجع نفسه صلى عشاه ولا مصلاش

تعليقات