و برغم المنطق و الـواقــع والمـــانع و المفــروض ..
توكلت على الله وأنا ثقتي في كرمه مالـها حدود ..
حطيتك في طموحي رغبة وقرار
و اتمنيـت حضنـك مــأوى .. ودار
و دعيتك دعـوة حق في كـل سجود ..
فـ شــاء سبحانـه المولـى عليا يجود ..
ويرزقني بحبك فضل و منة ..
و نعمـة وخيــر مـالـه حــدود ..
قُـربـك منــي .. أصبـح سُـنة .. 
وحُبك جوايا اركـان وفروض ..

يا زاينة حياتي بوجودك
انا ليكي .. وبدوب فيكي 
وفدى عنيكي و محسوبك
وحشاني وقت حضورك  
وفي بعدك قلبي ايوبك
على وعده معاكي وفدى عيونك
ايامي واحلامي و ورايا وقدامي 
وكل ما املك تحت امر جنابك السامي
يا واحدة في عنيها لمحت الهنا قدامي
يا خطاوي داخلة حياتي تزودها هنا و بركة
يا واحدة مابنها وبين السعادة علاقة مشتركة
حتى اختلافك معايا طعمه لذيذ
دايما تقنعيني بمنتهى الحكمة
واحس اني قصاد عقلك يادوب تلميذ
ولو ع الطيبة ف انتي بطلة العالم في الاحاسيس
عمرك ما سمحتي في يوم لأبليس يفوت بينا
كنت دايما في عز زعلنا 
اتعجب منك واقول اكيد في إنة
هو انا بغضب زي باقي الناس
ولا انتي يابنت الناس اللي مش منا
هدوئك وقت الغضب زاينك كما حنة
او منة من ربك سكون الرضا في قلبك
يخزي الشيطان عنا
شباكك اللي جابت قلبي كان طرفها في عقلك
جنان و حنان مضروبين في امان يساع ضعفهم قلبك
وعهد الله انا بحبك .. ومش محتاج في عشقي يمين
يكفي ان انا اقولك .. حبك مجرى دمي في الشراين
 


بصوم العشق في غيابك
وافطر وقت طلوع نورك

تعليقات