مراكب الود في بحور الخصام تاهت
والغربة بصحيح ..
إنك تجاور حبيب طول الزعل ساكت
وكلام العيون مهما كان واضح
يضل صوته جوا العقول خافت
والعند وقت الزعل 
زي المرض بالظبط


اوقات سهوا نقول كلمة بدون قصد 
قادرة تنسي افعال كتير حلوة
في قلوب تصفى و تعديلك
وقلوب ما بتصدق  تاخدها على جوة
والعشم ملوش خاطر مع ناس بايعة بالفطرة
م البداية في حياتك حاجزين لهم فترة
والعبرة بالاخرة واخرتها فايتينك
ف م الاولى اولى تفوت اللي بايعينك


الكلمة مش سهلة .. دي الكلمة ذات قوة
و اللي ابتدى بكلام
صعب ينتهي بسكوت
ونظرة لوم من قلب جريح 
قادرة تعلن موت
وتنهي زمن قصة
عتاب الأحبة معناه في امل لسة
لوموا بعضكوا وعاتبوا وفضوا القلوب
وجنبوا الاحبة حدف الازاز بالطوب
خصام الحبيب واجتنابه بيجني ذنوب
والذنب لو تركته هتعتاده
مين فادة كبره وعناده 
ترك الحبيب في غياب 
بيقتل الاسباب لرجوعه
والقلب موضوعه في الفراق مش سهل
ياما العند خسرنا ناس كانوا في معزة اهل
والندم عمره مكان حل 
حل الغياب في عتاب
من قلب لقلب
كلمة بما يرضي الله
مش عيب نقول عشرة زمان شرياه
والرفض بعد الود بيريح القلب
 

 
وتعرف منين ان حبك ام كاره
ركز في الكلام وياه 
واستنى اول غلطى معاه
لوحده كدا تلاقاه 
ماسك في كلمة سهوا كدا اتقالت

ويكأنه مستني الغلطة من بدري
وانت ياطيب نحو رضاه تقوم تجري
كما المجري وتدوس في وشك ع العقل والمنطق
يغضب تفوتله .. ويشطح تهديله
يشك تثبتله .. يكدب تعديله  وهو ما يصدق 



وانا حدايا بنوتة لو زعلت 
ايامي تتمارض وبالي يعاني الامرين
صداع وارق وقلة نوم 
وحالي ما يعلم بيه غير رب العالمين
صوتها في الزعل مؤذي
وخصامها يومه لون الطين
ومهما بعتلها الكلام مرسل بالود والاشواق
حبيبتي في الزعل تدخل هي وعندها في سباق
لا كلمة بتفوت .. ولاوعذر بتراعي

تعليقات