آخر لأ
نص جديد : آخر لأ
الباب مفتوح
وأنا شاكك فاتح أم قافل ..
الصورة في منتهى الوضوح
وأنا متعمد ، أعمل غافل ..
روح بتغادر روح
و حلم بيودع صدري ..
و ناس عمـالة بتجري ..
نفسها تلحق جوايا مكان
وأنا مستني مكاني وعشمان
عمال أصرف في رصيد فكري ..
وهل فعلا تفتكري ، إن أنا كدا مش فاهم
لا وربي فهمتك
لكن مستني الآخر ..
مش مستعجل على قفلة مسرح
بيجسد وضعي الساخر ..
كل بداية ، وليها أول مرة
وكل مُرة .. بتحلى أكيد في الآخر ..
ولو ناسية فـ أنا زيك هعمل مش فاكر
ولو مش فاهمة في حلول ياما لمشكلتك
ممكن تنسي إنـي سعيت لك أو جيت لك
قولي زنقني في أمري الواقع
وفي وش هجوهه كان من حقي أدافع
قولي حاولت كتير مش نافع
في حياتي وجوده ..
سيبي ولو مرة مشاعرك
بالـحق يجودوا ..
قولي أتاني في موجة حر
وانا مشتاقة لـ ( winter ) وبروده ..
قولي فجأني واتعدى حدوده
و إنك من ذوقـك فـوتـيه
رُصي في اعذارك صحيه
خليه يفتح عينه يفوق
قولي حاولتي كتير بالـذوق .. لكن ما فهمش ..
قولي اتاني بيجري وقلبي تجاهه ما اتقدمش ..
قولي غبي ما بيتعلمش
قولي انه في بحر اللعبة
كان سمكة غشيمة .. و بتواجه قرش ..
قولي اللي في نفسك من غير معلش
و إكوي قلبي التايه بنار الحق ..
خليني أسمع منك .. آاااخر لأ
وأشوف قدامي جدار احلامي ..
من عند طموحي وهـو بيتشق ..
#شِعر_في_صورة
#Ramy_kassem
تعليقات
إرسال تعليق