ياقلبك الجامد .. ياقمة الجبروت
بتقولي روح سيبني
يا انت اللي تبعدني
طب ازاي تخيرني .. ما بين وفاة او موت

وتغصبني اعيش دونك
و دونك كمان عايزني اعيش مبسوط
كما روح بلا جسد هيمانة في الملكوت
او جسد بلا روح تمثال بشر منحوت
من غيرك انا .. مش تايه ولا مفقود
من غيرك انا مش حي
كما عيون وقادرة تشوف 
لكن ناقصها وجود الضي
ياللي انت مش زيك زي
انا باقي بعمري عليك .. 
ومنايا انك تبقى علي

يامفارق وفارق فراقك معايا
وانت ولا همك ونازل في اللي بنا حرق
من امتى تعبك كان سبب شقايا
عشان تعمل مابني وبينك فرق  
امتى اشتكيت منك 
وقولت عن حاجة فيك تعباني
انا  بجد حبيتك
والوحشة منك قبل الحلوة لازماني

فـ متقوليش ان بعدك حل 
وانك بكدا بتضحي عشاني
لو فعلا همك راحتي
تعالى حط نفسك مكاني
وتتخيل مخنوق بلا هوا
عليل بيموت من نقص الدوا .. 
دوق الدنيا في بعدي
وقولي طعمها ايه واحنا مش سوا

قولي صورنا شكلها ايه وانا مش جانبك فيها
قولي ايام بردك بعدي مين غيري يقدر يدفيها
في سنين بينا مهما حاولنا نمحيها ما بنعرفش

فـ ما تهزرش .. انا فعلا ماقدرش
يعدي عليك يوم من غير  ما اسأل
وما تفكرش لانك مهما حاولت
بفكرة بعدك مش هقبل
ياسر صبري على العيشة وان انا مكمل

قولي يعدي عليا ازاي يوم
ما اسمعش فيه صوتك
بأمارة ايه هفتح عيني 
واستقبل شمس بدونك
ازاي هعترف إن اليوم دا حضور
لو جالي وناقصه وجودك

وان كنت مفكر 
انك فايتني لناس حوليا
هيخدوا باديا وينسوني
تبقى اكيد بتهزر 
لانه اصلا الناس ديا
لجل وجودك حبوني
انا قبلك كنت في حالي وقافل كوني
لحد ما شفتك فـ احلو العالم في عيوني
يعني رحيلك شقى في ضياع
واحد خسران نف

ي

قبلك كنت انا تايه
مفيش غير اهلي اللي طاقوني



بين حياة او موت
يعدي ازاي عليا يوم
ما اسمعلكيش فيه صوت

ماتهزريش .. ما اقدرش اعيش
من غير عليكي ما أسأل
ما تفكريش .. أمل مفيش
بالبعد مش هقبل

ومين اصلا قالك اني ممكن اقبل

تعليقات