الركن الظلمة
كرسي الظل اللي بعيد عن نوري اخترتية
والجنب اللي مشاعرك مني ارتاحت فيه
طريق اخره البعد
الايام الحلوة اللي مابنا
كان لازم يوم تخلص منا
وان كان قربك مني فرض نصيب
فٕ بعدك عني احنا اللي وصلنا له
كان بعدك فعلا .. اسلم حل
يسلم عقلك وقراره
قبل ما امل وجودك وتملي
قبل ماشمس برودك تحرق ظلي
قبل ما يجي اليوم واندم
كان ايه خلاني اجريلك
من غير ما تهزي في طولك ولا ملي
بقيت حسك ظل وتايه ملهوش جسم
ليكي وجود في حياتي صحيح لكن بالاسم
مفعول سحرك ولى و زال
اعذارك فيلم سخيف وبدون اقبال
كنتي ازاي عايزة تبيعي حلال
وبضاعتك معروضة في سوق الغش
مليت اصبر واكتم واتحمل واقول معلش
معلش انتي بقى المرادي
قلبي للفك ولدورانك مبقاش فاضي
بقيت شايفك عادي قصادي
بدون دهشة او انبهار
كحل العتمة في عيني
مصاحب قربك ليله و نهاره
كان بعدك فعلا اسلم حل
يسلم عقلك وقراره
يسلم ذوقك
انا ممنونك وجميلك مش هنساه طول عمري
قلبي خلاص فاق من النزوة
ححرت الروح المحتلة بدون غزوة
كان يكفي في حربك
اني ابعد عنك
و اسيبك وحدك بمن غير حب وعزوة
كنت مفكر إني بحبك
وادفع اعصابي مقابل كدبك
واصبر واتحمل واقول معلش
اكيد هتحس وتفهم
واناوشاري وساكت
صابر وبقول معلس
دي بكرة تحس
رجعتي في وسطيهم ليه
مين يتنازل عن عرش الحب
ويرجع للوحدة تصفيه
كان عقلق فين وانتي بتختاري
ازاي هان على قلبك تهربي من داري
وتاخدي معاكي الراحة وبالي واسراري
وحلم فضلت سنين ياما احوش فيه
مبسوطة هناك .. كفوكي اللي معاكي
انا سايبك على راحت راحتك
من يوم ما عليا شيطانك قواكي
سيبك تمشي السكة لوحدك
عملت اللي عليا وياما نصحتك
لحد ما جالك ابليس على ذنبك صحاكي
وبضحكة سخيفة بص في دمعك
وقالك اني برئ من ذنبك
ياعاصية محدش قالك
تتبتري على النعمة بعد ما ربي اداكي
ضعفك هو اللي اذاكي
وعندك ضيع صبري معاكي
ملعون قلبي اللي هواكي
وادالك وضع و حجم
قتلت عشانك روحي بإيدي
وبقيت مذنب مستني الحكم
بقيت لحم ودم انما تمثال
اصبح ع حالي بيضربوا امثال
ويا دوب كل اللي اتقال
ان انا مصدوم فيكي ومخدوع
ومحدش نام زي بحرقة قلب وتكسير في ضلوع
ونهاية الموضوع روحي الله يسهلك
ذنبي لربي ومش عندك
هيعوض ربي اكيد فيكي
بوحدة بحب تقدر تمحيكي
وانا عن نفسي دعيت ليكي
بعد خسارتك تلقي بديل
فوتي حكايتك على مولاكي
فرجه دا درس اتعلمته معاكي
واكيد نسياني لحضنك اثبت لك
انه مفيش اصلا بعد خيانتك
شيء يتقال عليه مستحيل
وفي بعدك عمالة تراقبي الاخبار ايه
تعليقات
إرسال تعليق