فيسبوك
نص جديد : الفيسبوك
الفيسبوك .. وما أدراك ما الفيسبوك
شبكـة تـواصل إجتمـاعية ..
منشورات و تعليقات
تفاعلات و مشاركات
بث مباشر و غرف صوتية ..
دا الشكل المعلن للفيسبوك
انما في الحقيقة وظيفتة الفعلية ..
مجرد مصيدة للعلاقات العاطفية ..
ومن هنا تبدأ قصة هو مع هي
هو مقضيها طول اليوم ع الفون
عمال يبعت اكتر من ١٠٠ آد ..
وهي كل ماتفتح يوصلها
ما يقرب من ١٥٠ ريكويست ..
منهم ( ٩٠ % ) بس ولااااد ..
تبدا تعمل سيرش وفرْز
لحد ما تلمح بعنيها المُز
فتجري قـوام تعمل إكسبت ..
فيدخل بسلامته و يشكرها ع قبول الآد ..
و رسايل رايحة وجاية في شات
ما بين الواد والبنت
مساء الخير .. ممكن سوا نتعرف ..
مساء النور .. طبعا دا أنت تشرف ..
و شوية شوية تُفُك البنت
و يبدأ هو يحلو و يعـطف ويلطف ..
سهراية في شات
ضحـك وقفشـات
و كلام بليل لساعات
يتحول لـعلاقة حُـب في شاشة ..
وتبدأ تظهر بينهم
مشاعر سخنة وعواطف جياشة ..
وزي مراية الحب ماهي عامية
فشاشة الفون .. ضالة وغشاشة ..
يفضل يحكيلها ويشرح
عن واحد غيره .. ومش هوا
وهي بتوصف له الرائع من برا
وعمالة تداري في عيب جوا
يفضل هو .. يِضِل في هي
وتفضل هي بتضحك على هو
اتتين بيعوموا في عز النوة
وفاكرين البحر سداااااح ..
بصين ع الحظة الحلوة
ونسيوا ان الوضع سماح ..
كدبوا الكدبة وطوعوها
مشيوا السكة ووصلوها
جـابوا أخـرها و لقيـوها
بتوصل في الاخر لجراح ..
هو خلاص مل .. و مش عـايز هي
وهي كمان عرفت واحد يخلف هو
فٕـ يبدأ يقل كلامهم
ويفضى الشات منهم لساعات
صباح الخير متأخر بتجيب خلافات
و تلكيكـة في خطة في حجة في توريطة
و براحتك وإخبط راسك في اقرب حيطة
لحد مايزهق واحد فيهم
فـ يدخل متحمس ناوي يسك ..
وقبل ما يبدأ أي كلام
يفتح و يلاقي في وشه بلـوك ..
وتوتة توتة ..
فرغت الحدوتة ..
نهـايتها ملتـوتة ..
ما بين شاب وبنوتة ..
منشورة ومحطوطة على الفيسبوك ..
#شِعر_في_صورة
#Ramy_kassem
تعليقات
إرسال تعليق