هو سؤال واحد بس
عاوزك تجوبيني عليه
ليه
ليه فوتي الصمت وراكي
يعلن رسميا انك خايفة
كنتي تقولي مش عاوزة اكمل صريحة
قولي علاقة تعتبني و ماعدتش مريحة
وانك مليتي بصراحة
مكنتش هستغرب منك
اصل انا عارف انك
معجونة بجاحة
وارجع اقول حالك وانتي الادرى به
وياستي مسامحك ع كل اللي اتصابه
قلبي ووقتي وثقتي
و مسامحك ع كل الغلطات
الا سؤالي المدفوع نحوك
مستني رجوعه بإجبات
ولو كنتي نسيتي سألتك ايه
هعيده عليكي من تاني
من واحد تفكيره بيعاني
وبيسأل صورك ف اديه
ليه
بسأل وانا عارفك انك مش مهتمة
غذابي مبالغ فية بالنسبة لك
وملوش ٣٠ لازمة
بتقولي سبتك عادي وفين الازمة
انا اللي اتسبت ومن حقي اسأل
سحرك سفلي ولازم يبطل
عملك اسود و مربوط ف الرد
وأنا لا رفضت
ولا اعترضت
وما عنديش مانع احفر
في الأرض بنفسي واتاويكي
وعندي كفائة افك دماغي
وانقعها ف ندمي فامحيكي
ردي عليا الله يهديكي
بعدك مش دافع
مش هو الازمة
انا عاوز افهم
زي ما تحبي انتي الادري بصالحك
زي ما
ليه
ليه ما اتكلمتيش
ليه ما بررتيش
ليه ما عبرتيش و استخدمتي معايا
اسلوب التطنيش
مش عاملة حساب زعلي وماله
عادي مختلفناش
ما دام قابلة ان رصيد حبك جوايا
يضيع ف بلاش
مختلفناش
عارفك مش مهتمة
وزعلي ملوش لازمة
لكن فعلا مش دي الازمة
انا مشكلتي معاكي مش ف قرارك
ولا عاوزك
انا عاوز افهم ليه
تعليقات
إرسال تعليق