المشاركات

ن انتي دليل على إن الإنسان خلق عجولا تاريخ علاقاتك غريب بصورة مش معقولة تستهلي بجد مكان في الصفحه الاولي ومانشيت كبير علاقات غير مكتملة ومجهولة ألبوم حكاياتك لوحده موسوعة دايما ورا نزواتك مندفعه ومدفوعة مشاعر الإخلاص من قلبك منزوعة ومشاعر غيرك بالنسبالك مباحة ومشروعة شايفة نفسك ف حتة لوحدك محدش قبلك  وصلها ولا جابها قادرة تحبي وجاهزة تنسحبي وبطولك تحاربي ف ١٠٠ جبهة موتك وسمك يتقال عليكي فلان سابها لا فاضل بتبقي عليه ولا راحل بتبكي عليه لعندك غالي ولا ليكي عزيز مهما اندفع في رضاكي بردوا رخيص معجونة بمية عفاريت يا نسل ابليس نازلة دعك وتفعيص في قلوب الغلابة يتمنولك الرضا وانتي رضاكي خبث ديابة لماهم حواليكي وفرحانة اللي في ايد غيرك فيه طمعانة ولا تكونيش عشمانة
م ما اعرفش قاصدة بكدا لفت انتباهي ولا دا حالك وانتي بتتباهي صرخة جمالك فزعت هدوئي وإذ بيكي داخلة بهداوة لمنطقة اعجابي واخدتي جوايا يدوب لفة وأنا وإن كنت بتعامل بتقل ف ليا اسبابي ودا مش غرور نيوتن لو كان شافك كان عاد حساباته في قوانين الجاذبية كان هيعرف قوام ان بين نظرات عنيكي والوقوع في الغرام علاقة طردية والمتنبي لو كان قابلك كان كتب شعره في وصفك وزاد بإجلال ثنائه في مدحك جمالك رغم كونه بسيط طال في جيتي وجبتي الفرحة معاكي وكان الدنيا قاصدة تصالحني بلقاكي وندمانة ع تأخيرها التقيتك كما السما ينزل مطر يعلن خبر وصول خيرها
ش ياخينة يافكرة انه صعب نسيانك ياهملة ياسيبة عليا سم لسانك شطان الغرور اوحالك انك تخوضي في سيرتي اديكي اهو وقعتي في شر أعمالك البادي أظلم العين بالعين والكلمة بالكلمة ما كنت حايش عنك كلام ملوش لازمة لكن دلوقت جه وقته منك طفح كيلي خلاص بطلت اني اسمع واسيبك انتي تحكيلي قلبتي الآية و عكستي زودتي العيار وبوختي حالا وضروري دلوقتي تسيبي المسرح وتنزليلي قوليلي مين فينا صان ومين باع مين عنده دقة نقص وسوء طباع مين اتربص لضعف التاني زي الضباع هنا ودلوقت وع المشاع هخلي اللي مايشتري يتفرج هفضح كدبك واحرق دمك واسخط عندك في قمم ملهوش مخرج وارميكي في بحر الظلمات واقف من بعيد اتفرج على اخر نسخة منك وهي بتختفي وتنقرض ربي بلاني بيكي في يوم ومليش حق اعترض انا مش راجع علشانك انا جي اكفر عن ذنوبي وابرء ساحتي واغسل توبي من أقوالك ولاخر مرة هقولهالك مؤذية يا شطانة في هيئة انسية منسية كان نفسي تقولي اسبابك ف اديكي اعذارك واقتنع بالظرف شكلت حروف حكايتك بان لي المعني والمضمون بفتحة ابتدى حبك بكسرة اتأذيت منك بضمة احتويت جرحك وانتهى اللي بينا بسكون انسفها في ن...
س مش فارقة  ف بوكس صغير ولا كبير مش شرط تجيب فيلا وعربية او سولتير كيس شبسي من ابو خمسة مع ضحكة جميلة ونظرة و همسة صدقني هتفرق معاها كتير أصلها بالقيمة مش بالكم حسسها انك دايما مهتم هن حيث الشبع ساكن عنيهم مليانة لكن لا بيحبوا بخيل ولا تقيل الدم افرد وشك ما تبوزش اسمع منها وما تقفش لو مش ليك تحكي  في وقت الزعلة سيب الباب متوارب وما تقفلش خلي ف بالك اخر زعلة لجل ما تتكررش عيب ع الراجل يقول ويرجع فيها ولو زنقت خالص قول اسف وما تفكرش اوعى يفاجأك منها سؤال وتبلم ونصيحة فكر 100 مرة قبل ما تتكلم اوعى تحاول تكدب دول ف الكدب أساتذة ربنا يكفيك شر الحاسة السادسة عارفين معنى الكدب فاهمين الجد م اللعب حل اللغز له طريقة وكلمة السر هي الأسلوب البنت بطبعها رقيقة عمرك شفت وردة بتتحدف بالطوب كون لها بلسم هتكون لالمك أقوى مسكن ولو ف بينكم جايز هيصبح ممكن اسمع نصيحتي واعمل بيها اضمنلك زفة وكوشة ومأذون 
ت فرصة سعيدة ع حطة ايدك زي ما سبتيني مستني اللحظة اللي تحني وتحت جناحك تخديني واديني اتأدبت فهمت و اتعلمت ان بعدك ورطة وبأدب نفسي بقسوة  ع الغلطة وزي ما ف البعد ايدك فرطة فكيها شوية وسامحيني دا انا كلي ملكك ورهن اشارة من صابعك كلمة حاضر ردي الثابت ع امرك متشعبط أملي ف ديل ظلك وغلاوة امك رديني مش دول الكلمتين اللي غرورك بيحارب لجل ما يسمعهم اديني هرد عليكي بأسلوبك ومشاعري ماعدتش همنعهم مضطر و مع بالغ اسفي اقولهالك بالمعنى الحرفي صوابعي الخمسة اللي في كفي  انا بحني لغرورك اوسطهم دا اللي يليق بيكي وتستهليه لكن هقول ايه البعيدة باردة شوكة ف وردة رويتها بحب و جرحت إيدي كنتي السم اللي بيكوي وريدي فكرتك عيدي اتاريكي النكسة حسبتك نصرة طلعتي الوكسة رميت طوبتك اتردت ف ازازي وازاي شوفتك طموحي وانجازي وفكرتك حل لاسألتي اتاريكي اصعب الغازي براكي بيحاول يستر جواكي تباني لوحدك بس شيطانك مداري وراكي محترفة كدب عديمة اب وابليس رباكي ياخاينة  يا فاكرة اني ضعت ف غيابك عندي أخبار وحشة علشانك بالنسبة لنسيانك دي أسهل مرحلة عدتها اللي تعبني بجد وأنا ...
ه بعقل طفل صغير بيدور على شيء بيحبه ضايع منه وعمال بيزن باستهتار عيل طايش كنت مقضيها وعايش كل يومين مشهد من فيلم يوم احب ويوم اجرح واربي حمام مش حبا فيه عشان ناوي ادبح كطفل مدلل عشت اغلط واعمل كل الأخطاء ياما خسرت وكسرت قلوب حبتني بكل غباء مفيش لعبة ملعبتهاش ما فيش غلطة معملتهاش مشيت بطيشي ما بحسبهاش لا عمري فهمت ولا مرة ندمت على خسارتي اشمعني انتي اللي فرقتي معايا وغيرتي مع انك عادية ... وابسط كمان م العادي الغلطة معاكي المرادي كانت بحساب بعدت وفاكر اني السايب اتاريني لندمي ف بعدك متساب انا وليلي وندمي عليكي بقينا أصحاب بعدك أصبح حالي يحير قلبي الطايش عقل واتغير كبر الطفل اللي عرفته صغير حالة اتبدل ووصلت أحلامه لسكة سراب فتيني خراب وبدال ماتربي غروري  اختارتي السكة السهلة وفتيني بتقولي طلعت غير ما حسبتيني انا ما كدبتش وما قلتش اني ملاك بجناح انتي ساعتها عرفتيني زي الطير بتنقل من غصن ليمون لشجرة تفاح وان كنت زي ما بتقولي مليتي من عيني الزايغة ونسيتي ايام مافضلتي تحومي وتلفي سمايا تايهة ودايخة و بعد مابحبالك علقتيني خلصت حكايتنا في ز...
ب لملمتك مكسورة ومركونة فارشة الأحزان ع كرتونة بتبيعي ومش لاقية الشاري مدتلك ايدي فرشت القلب ومددتك غطيتك برموشي ونيمتك ع الريش كل دا ع الفاضي كل دا ع مافيش انا ما استاهلكيش
ت انا صومت العشق ف غيابك وفطرت وقت غروب الوحدة بحضورك صليت ركعتين شكر ف رحابك بعدها سميت وكسرت صيامي ع نورك وكأن حضورك  دعوة مجابة من قلب ما فهوش ولا ذرة إثم دعالي بخير فتردت بيكي واشوف النعمة ع اديكي بتحصل وتم انتي تجلي الوعد ف كلام ربي ان بعد العسر  بيسرك يزول كربي وتصفالي الدنيا من تاني كأنك عليها مصلحاني والاقي كل اللي قاطعوني بيحنوا ورجعوا يودوني واحس بنفسي وكياني وفجأة بقيت حبيب الكل ودنيتي رجعت من تاني فتحالي درعها و عوزاني حياتي ما كان لهاش  قومة لولاكي انتي انتي في زمن ال لا معجزات آيتي و معجزتي كنتي سفينة نوح اللي نجتني من طوفان مصيره مخيف كنتي الرؤية اللي نقلتني من كرب يوسف لعز  يوزرسيف وكأني بيكي بتحول .. أو بتولد م الاول ع اديكي كما عيل  .. بريئ وخام ونضيف عليكي ابتسامة بتغسل ذنوب الارض خلتني ف عشقك كما الناسك ماسك توبك بفرده واصلي الفرض بصلي وادعيلك في حياتي ربنا يديمك يا فتح مبين .. ياحلم سنين يا حق قلبي اللي كان ضايع وبيكي اترد يو ما قابلتك هليتي ونورتي وبالخير بشرتي من وعي خطفتيني وفيا اثرتي كتير سلبتيني...
ا ١٥ سنة اشغال شاقة عشت انا فيهم على إتبقى حاجات قلبك سكنها الماضي بس معايا ما زالت فارقة حاجات ملقتهاش مع غيرك سر الخلطة ف تكوينك حكمة ربي ف تلوينك لون مافيش درجة تشابه وكأن عنيكي مع قلبي اتفقوا لا اشوف ولا احس بغيرك بعدتي وفاضل تأثيرك مش مدية الفرصة لغيرك تقرب مني وتشغلني بقعد مع غيرك وانا خايف تزعلي مني
هو سؤال واحد بس عاوزك تجوبيني عليه ليه ليه فوتي الصمت وراكي يعلن رسميا انك خايفة كنتي تقولي مش عاوزة اكمل صريحة قولي علاقة تعتبني و ماعدتش مريحة وانك مليتي بصراحة مكنتش هستغرب منك اصل انا عارف انك معجونة بجاحة وارجع اقول حالك وانتي الادرى به وياستي مسامحك ع كل اللي اتصابه قلبي ووقتي وثقتي و مسامحك ع كل الغلطات الا سؤالي المدفوع نحوك مستني رجوعه بإجبات ولو كنتي نسيتي سألتك ايه هعيده عليكي من تاني من واحد تفكيره بيعاني وبيسأل صورك ف اديه ليه بسأل وانا عارفك انك مش مهتمة غذابي مبالغ فية بالنسبة لك وملوش ٣٠ لازمة بتقولي سبتك عادي وفين الازمة انا اللي اتسبت ومن حقي اسأل سحرك سفلي ولازم يبطل عملك اسود و مربوط ف الرد وأنا لا رفضت ولا اعترضت وما عنديش مانع احفر في الأرض بنفسي واتاويكي وعندي كفائة افك دماغي وانقعها ف ندمي فامحيكي ردي عليا الله يهديكي بعدك مش دافع مش هو الازمة انا عاوز افهم   زي ما تحبي انتي الادري بصالحك زي ما ليه ليه ما اتكلمتيش ليه ما بررتيش ليه ما عبرتيش و استخدمتي معايا اسلوب التطنيش مش عاملة حساب زعلي وماله عادي ...
نتغركيش  ضحكة في صورة اخدتها يمكن افتكرتك وقتها بحاجة بينا بحبها ف رجعت اعيش
انا مش وحيد  بالعكس دا حساس الوحدة  ارحم ياما م اللي بحسه في بعدك كل يوم انا صول اليوم صاحي لكن نايم نايم ولدنيا بدونك رافض اقوم
عندها حق ما تصدقش اذا كنت انا نفسي مش مصدقني لاول مرة اصاظف بنت  جمالها رغم كونه بسيط لكن بيسرقني ام ضحكة بترسم بين خدودها باب للفرح ام نظرة عين بتحكي قصة زوال الجرح. اللي حكايتي معاها لا ليها اسباب ولا شرح 

فرق كبير

متبعدش وتطلب مني ارتاح متهدش حيلي ببعدك  وتقول ما فرقش كتير دا الفرق حقيقي كبير مابين روح بلا جسد  عشمانة في انتظارها تعيش وبين جسد بلا روح  ميت ونبضه مافيش حتى و لو قولت اني اقدر  اعرف اني كدبت مش اكتر من امتى المحروم بيستخسر في نفسه الخير شعور بعدك يشبه الفرق الكبير مابين الممكن والمستحيل مابين الراحة و سهر الليل مابين اللي تملي قلقان و متعصب وبين اللي بصبره  بيصلب حيل الفرق مابين عندك وقبولك زي كفيف شاف سكة احلامه في كحلك والتاني مفتح لكن ضل طريقه في نورك زي الفرق مابين سيء وجميل

صوتك

ياللي انتي جمال صوتك حدوتة من كتر ما حبه القلب كتبه في نوتة علم النغم بذاته تاهت في نغمتك كل الاته وما لقتش لعزفك ياحبيبتي احسن من قلبي ودقاته عزفتك مقسوم يانصيب مرسوم  على ورقة حظي  

اوان الهجر

حان الان موعد اوان الهجر حسب التوقيت المحلي لمدن الغدر رفع الانين بصوت قلب حزين  دقاته بتصرخ و تنعي سنين  وتعلن نهاية محتومة للقصة انا اللي في عيون كل البشر ميت وبعند مع حالي وبقول لسة انا الواهم .. انا الفاهم  لكني عامل فيها تايهة ومتلغبط رسالة الفراق مكتوبة بضمير واضح  واكدب عيني واستعبط كما عيل في مورجيحة وهمه متشعبط و مهما حاولت ارسم واخطط دايما للفراق خطط اخرى يمين شمال هيكون للحوار اخرى وتنتهي القصة رغم رفضي وعنادي و يحكم علينا النصيب بنسيانها وبعادي واكبر كدبة بكدبها  وقت فراقي و رحيلها بكابر واعند واقول عادي حكاية مش مستهلة  هينة قوي وسهلة وانا ومن اول وهلة  خايف موت م اللحظة دى فراقها مصير محتوم ورميني ع الهموم زق عقلي مصدق و مقتنع جدا   وقلبي بعند وجنون بيصرخ يقول لأ شايف فراقها بعيني حق  و مع ذلك بادعي وانكر بلعن حظي واستنكر واعلن على الدنيا غضبي وعصياني و بأي منطق هقبل افوتها وتنساني تحوشتي معاها مش سهلة دي اللي اتعودت ابص في عنيها ف اتولد تاني زهدت بيها عن الدنيا وما فيها وحسيت معاها اني بعيش بيها  ملك طول ما هي ملكاني...
سمعت آخر نكتة بيقولوا إن النصيب  جمعني أنا وأنت  بيقولوا بعد ماحزني غلبني ممكن في الاخر اطلع فايز بيقولوا رجوعك تاني لحضني طبعا سهل وشيء جايز بيقولوا كلام فعلا ضحكني  وانا نفسي اضحك لكن مش قادر بيقولوا انك عايز ترجعلي تدي الفرصة لقلبي وتسمعلي وتخلي لمشوار بعدك اخر مش عارفين انك قاسي وقادر وان قرارك كان حكم نهائي ومفهوش طعن مش فاهمين ان الشمش ويا الليل ممكن عادي يتلاقوا ببعض   بيقولوا انك راجع تديني الفرصة وتسمعلي انك مشتاق للحب و عايز عايز اضحك بجد و  مش قادر ياخلق ياهو دا نسيني ومش فاكر انا وان جيت اصلا على باله حلمت انك هنا جانبي ورجعلي قلبك بعد ماسبني مكنش حلم  ماطلعش اكتر من كونه كبوس قومت منه وريقي ناشف وقلبي صوت نبضه واقف مش قادر اصلب طولي  كأني على الجمر ماشي بدوس قدامي مش شايف ايه مصيري مش عارف  قلقان حزين خايف تايهة ومن غيرك في صمتي الوجع محسوس
حبيتك لدرجة اني  اجرت القلب مفروش للحزن سكني   ومشيت في طريق مشاوير  غصب عني بتجبرني  اكمل في سرابك للاخر يا اوصل مهدود مش قادر يا اما اسلم نفسي لعندك يقتلني وليه قاصد قلبك يحرمني من 
حبك اسم و ممنوع م الصرف حبك حال عاجز عنه الوصف حبك كلمة مرادفها الحيرة حاضر جانبك في زمان ومكان  وانتي حضورك في حكم الظرف  مضاد كلامك يعني صراحة  جمع مشاعرك مفهوش راحة في حياتي صحيح واخدة مساحة  لكنك زي ضمير مبني على الهجر اخلاصك و وعودك ليا  مجرد استعارة مكنية عن معنى الغدر تعريفك في معاجم العشق  انك علة وصابت قلبي المعلول جملة اعتراضية واعرابها ملوش اي حلول حبك نظرية لغوية  جوهرها جحود واذية  و تكتب بطريقة الموصول اما المقطوع كان عهدي بحبك ملعونة واو الوصل اللي ربطت اسمي باسمك ملعونة كل معاني الصبر لو اخرتها يفوز غدرك و ملعونة يالغتي الام  ياللي بحورك قادرة تضم  معاني كتيرة لنفس الحروف عطف يعطف عليه معطوف  وصف يوصف يليه موصوف فهم غرضك معدش خروف خذف حبك فصار محذوف وشيء معروف قفلة الجملة لازم تنتهي بنقطة مفرد سنينك ذنوب كاملة و حكايتك جمع للغلطة

حابب اعترف لك

ولاني واثق جدا انك  متابعة كلامي كالعادة  وقارءة المكتوب حابب ياحبيبتي اعترف لك اني حاولت ومقدرتش عن حبك اتوب ولو سألوني عن نصيبي في الدنيا م الفرحة يكفيني اوريهم صورتك جنبي بالطرحة