المشاركات

كانزايا

صورة
قصيدة : كانزايا  تأليف : رامي عبده قاسم علي نسيتك مع اول كانزايا نزلت ع نار قلبي .. فـ رطبت وحسيتها طالبة معايا ابدأ اشوف لي واحدة .. وارتبط ودول كتير  .. ع افى مين يشيل شوف في كام واحد مجروح وهتلقى قصاده واحدة في حقة قصرت حاجة بقت تقرف وما فيش كلمة بتقدر توصف الخاين  .. غير إنه جبان دبان ملموم ع نعمة في طبق عريان وتعمل ايه لو كوباية شاي  قدامك واصطادت حشرة  هترميها طبيعي و تقرف بس ساعتها هتعرف ازاي تنضف ..   م الخاينين وتبطل تعرض قلبك  ع فرشة يقلب فيها المارين وكلنا عارفين  ان مافيش حاجة  اسمها صح في وقت غلط الصح صح  ..  والعيب ع الزلط اللي في قلبك كان فين عقلي وانا مسحول نحوك متساق بدلالك وشقاوتك  وخفة دمك المصتنعة  اتاري الكدب شغلانتك  وواخداها كمان صنعة ويارب تكوني سمعتي كلامي وفعلا فهماه انا بعلنها واضحة صريحة بعدك كان حاجة مريحة كانزايا في ايد واحد بعد ما خلصت رماها عشان مش لازماه قصيدة : كانزايا  تأليف : رامي عبده قاسم علي

رمادي

انا ليا الجنة معاكي  يا اول واحدة تغلبني  في جنوني وعنادي لا منك سلمتي لهواكي ولا قابلة حتى ببعادي عيزاني في حياتك وجود وحضور عيزاني حواليكي الف وادور لا عجبك ابيض ولا اسود مش لايقة الا في رمادي مش شايف في الجاي ليكي حضور ولا راضية تدخلي الماضي وانا راضي مدام العينك مطمنة وشيفاكي مدام راحتي وعذابي اتجمعوا معاكي فا انا مرتاح على راحتك اجري والعبي وخدي مساحتك لحد اليوم ما يجي اليوم الموعود يوم ما تفكي الاسر  وتحليني من اي وعود وتقولي طريقي خلاص  في واحد جي هيمشيه ف افضيله السكة ولوحدي اعود

حلوها ما كٔمِلش

صورة
قصيدة : حلوها ما كٔمِلش تأليف : رامي عبده قاسم علي  عاقلة في زمن فيه الجنون بقى موضة حنينة في وقت القسوى بقت حاجة مفروضة بس يا خسارة .. حلوها ما كملش عصفورتي محبوسة بين اربع حيطان متشعبطة في امل خسران وانا الحيران بينها وبين ماضيها ملعون قلبي اللي مال ليها وخلاني اروح اسد وارجع من عندها قطة و دلوقتي انا في ورطة لا عارف اكمل كما صاحب ولا ابطل اكون حابب قربها مني يارت كل الرائع فيها مكنش يشغلني لكن لقا بنصيب  سهم وانكتب له يصيب  ..  وانا راضي الحمد لله على لساني وعوض ربنا قصادي  بكرة تروق وتتظبط  ولو ع الحلم ف ربنا يعوض واديني مكمل معاها طريق لا انا حابب ولا محبوب معدتش عندها محسوب  غير اني رفيق يعني ياربي يوم ما اوصل لطريق  يوم ما القى الباب مفتاحه يضيع يوم ما انوي اتوب م الوحدة يجمعني نصيبي بوحدة خايفة من الحب بشكل فظيع زي غزالة بترمح هروبا من ديب الخوف عامي عنيها بشكل غريب من كتر الخوف بتسيب  بينها وبين الحب مسافة مرتاحة بكونها العاقلة الخوافة وجبانة ساعات لكن ما يضرش حلفت ما تسيب القلب يأمن اختارت م الوحدة مكانها الأمن عشان الاع...

اتشرفت بجرحك

اختصرونا ف كلمة معلش قالوا اللي بينا مجرد وهم و ما كملش طلعت ضعيف وانتي جبانة ملناش ف الحب ولا قد العشق طلعنا ع بعض مش لايقين طلعنا لمعنى الحب جهلة مش فاهمين شفونا قليلين ع الحب خلو المشوار في عنينا يبان صعب رموني بظلم ورموكي بكدب وانا بقولك .. خديها من قلب برضى حبك من واحد بعدك عرف قيمتك انا ياحبيبتي  ....   اتشرفت بجرحك انتي ودونا عن غيرك و لو مهما عملتي فـ بردو مسامحك مش ضعف ولا هزيمة ولا من نفسي بقل القيمة انما حبك عمرة ما كان نقطة ضعف ولا مكمن يتصنف كجريمة كل الموضوع ..  ياحبيبتي دنيا خبيثة لئيمة  حبت تتفرج على السيما جمعتنا اتنين عشاق ف سفينة وف عرض الفرح اتخرم القارب دنيا سخيفة و غاوية مقالب بمزاجها و كيفها بتلعب بينا عمر العيب يا حبيبتي ما كان فينا ولا عمري ندمت ف يوم اني عرفتك كان حبك فعلا نعمة ومصدر فرح ولو حتى زي ماقالوا و كان حبك جرح فانا فعلا يا حبيبتي ..... اتشرفت بجرحك انا لما اخترتك ما اخدتش على حبك م الدنيا ضمان مكنتش اعرف ان سنيني معاكي رقم ومسيره في يوم خلصان  و ف وسط اللعبة مع الدنيا ازاي كت اعرف  مين فينا هيطلع خسران ممكن اكون زعلا...

اتعلمت الدرس تمام

مش هقدر اقولك اي كلام يجرح منا لو جرحتك هبقى اذيت نفسي منا اللي نديتك وحبيتك و اخترتك وانا اللي بضعف شخصيتي معاكي  عليا غيرتك كنتي الطوع لحد ما ضعفي قواكي دلعي الزايد عن حده  بدال ما يهدي في اخلاقك عصاكي والذنب اكيد ذنبي كنت مفكر انك لما هتتحبي هتحقي و تراعي اتاري الحنية الزايدة بتتلف وطلعت طيبتي اسوء ما في طباعي و بلا داعي لقيتك مليتي و زهقتي بعد ما رميت محصول الحب بين رجلك ازاي دلوقتي هتعرفي قيمتي كان لك حق تتعوجي وتتمادي العيب ع اللي شاف ميلك  بيزيد مع الايام وقال عادي  عادي اديني بحاسب ع الطلبات مع اني معاكي ما اكلتش غير ع عيني  محدش اتعلم ببلاش  كان لازم اقابلك واغلط ف تعلميني انتي الدرس اللي اخدته م الدنيا  وطالع من عيني انتي الغلطة .. انتي الورطة انتي التوهة ف تفكيري واختياراتي انتي النسخة الخسرانة من احلامي وقراراتي انتي الخطوة اللي مكنش ليها اي لزوم انتي اول وحدة من ايدها استطعم اني انا مهزوم انتي الاحساس بالعري رغم ان دولابي معبي هدوم انتي الفايدة من الحصة وانتي العبرة من القصة وانا مش هستنى كمان لسة  وافضل انفخ ف المخروم اتعلمت اكيد م ...

طريق الكدب

صورة
قصيدة : طريق الكدب  تأليف : رامي عبده قاسم علي  طول عمري موارب بابي  .. مقفلتوش طول عمر قلبي يساع  م الحبايب ألف جدعنة وشهامة وحنية وعطف  كأن مشاعري عرض متاح مجاني دايما بختار ف الناس البايعاني الشاري عمري ما بعته والبايع كسبان بخسارته والخاين احسنله يلف ويفوتلي طريقي بدونه نظيف مليت م الوحداني المتونس بيا كا وش الضيف انا نفسي في حد  ف حياته عايزني بجد  مش واحد هيفوتني  اول قطره ما يوصل لرصيف مليت فعلا ابقى وصيف نفسي ف بني آدمين نتكلم حبة ومايضرش نضحك ونسف ونقلش وأهو ميت بيلاغي حزين بس نكون م الاول واضحين وتعرفني انك فترة عشان ما اعملش حسابك ف الذكرى اصل الذكرى ياصاحبي من حق الغالين وانت حاجزلك بس يومين ترتاح فيهم قلبك وضميرك ريحهم انا عارف م الاول ايه فيهم انا مستعبط  ..لكن حاسس  م الاول اني بديل  .. حاجة تحلي  .. حاجة تسلي الوقت  لحد خلاص الليل  .. وبكرة تمل  ..  وكلامنا يقل وبعد ما كنا كما جسم و ظل هنصبح خطين متوازيين  فكرة تقاطعهم شيء مستحيل .. كان لازم تعرف م الاول  ان طريق الكدب ا...

يوم حبيتك 💞

صورة
قصيدة : يوم حبيتك تأليف : رامي عبده قاسم علي يوم حبيتك كات طاقة قدر اتفتحت لي والدنيا بعد عداوة  رضيت عني وصفيت لي كإنك جاية تحلي  ..  ف كل مشاكلي وتقعدي لجلي   مع الدنيا في قاعدة صلح كإن جناين صبري المرادي  ناوية اخيرا ع ايدك تطرح فرح وكأن الجرح استسلم ع ايدك يوم حبيتك يوم حبيتك حيرتي القلب ف تكوينك لخبطتي العقل ف تركيبتك قلبتي دماغي وبرجلتيني هو انتي اللي بحسنك جبتيني ولا انا حظي الحلو اللي شاور لك كل مرة ببص ف عينك بحس إن أنا من ربنا خجلان مكسوف يا حبيبتي اطلب شيء تاني وأنا لسة ف نعمة حبك غرقان خليتي الدنيا ف قربك طعمها حبك خليتي القلب ف بعدك مشتاق لأمان مستني الحظة اللي يقبلك زي المتوضي وقاعد  مستني ادان عشقك متعة وراحة وامان ع حبة جنان قدرتي تنسيني الماضي كأنه ما كان رجعت اعشق واتغزل و اكتب أشعار و عنية اللي بقالها سنين ساكنة الضلمة  رجعت فجأة توحشها الالوان انا بيكي كل بنات حوا  بقيت زاهد فيهم ولما اضعف مرة وابصلهم ارجع بص عينك تمحيهم يا معاليهم ياست الحسن يا عود ياسمين مزين حضن تتشل العين اللي تخونك وضربة ف قلب اللي يدايقك ...