المشاركات

أغلى هدية في حياتي

صورة
قصيدة : أغلى هدية في حياتي تإليف : رامي عبده قاسم على معقول افتح قلبي لحضورك بعد ما كان مقفول واكتب ع باب الوحدة خلاص بعدك مغلق على طول ممكن يطلع احساسي المرادي بجد صحيح وانك نسمة بتكنس ف الماضي زي الريح وبعد سنين عاشها قلبي جريح يصبر وينول لو كنت اعرف اني اخرة صبري كدا كنت شلت لوحدي من الجروح اطنان كنت بنيت في مدن الوجع اوطان كنت زرعت ليالي الوحدة والحزن بالرضا ع قد ما انا ندمان على سنين ضاعت بدونك لكن بردو فرحان ان العوض جالي بلونك لون اول مرة في حياتي عيني تشوفه احساس عجز كلامي عن وصف حروفه حاولت كتير اكتب عنك خلص ورقي ونبض قلمي جف واحد عمره ما شاف جنة بعينه هملك منها ازاي وصف محيت اسمي من قايمة الانتظار . دخلت الجنة هفكر ليه تاني في نار كفاية اتملى في عينك واتأكد اني انا عايش بحلم وبحب و بكتب اشعار قلبي صعب يكون لغيرك . غيرك صعب يكونله قلبي حبي سر كتمته ليكي . ليكي بحت بس قلبي حبك كان قرار صعب ماجاش بالساهل كان لازم اتأكد ان قلبك فعلا يستاهل عشان مغلطش زي زمان وادخل حكاية وارجع ندمان وف عز خوفي وانا قلقان بعتي ضحكة خلتني اتفائل و...

عنوان الدرس

صورة
قصيدة : عنوان الدرس تأليف وإلقاء : رامي عبده قاسم علي نقطة ومن اول السطر النهاردة عنوان الدرس . كيف تتخطى الجروح انا جاي النهاردة افضي قلبي وبالسر ابوح جاي افضفض . جاي انفض سنيني من تراب الجرح هبني بيني وبين الهموم صرح جاي وناوي انكش ع الفرح . ولازمه منين ما يروح كدا كدا الخير جاي كل حاجة بتيجي بسعي الا الحب .   مهما عملت بيجي ف وقته موضوعه مش محل نقاش كدبته اوصدقته وجوده حقيقة . وجوبه فرض . دا حتى قبل آدم نفسه موجود ع الارض  الحب اتفاق محطوط عقد مليان ببنود مفهوش ولا شرط ومش لازم تكون فنان او شاعر لانة نضيف وبسيط مش زي الشئط سهل ممتنع . ومهما كنت جدع . مهما حاولت تمتنع ما تقدرش . مابيتقاومش سلس مفترس واحترس  من قلبته . قادر ينور دنيتك وسهل يدوقك عتمته حلم كل القلوب حلمته . و مفيش منه مفر كل القلوب بتجربه سواء فاد اوضر غرق اللي نفسه قصير . وطويل البال وصل للبر ودي حكمة ربنا في خلقه  كله بياخد فرصته وحقه كل قلب ونيته  في اللي خسر دنيته  وف اللي دخل جنته . وفيه المستني بصبر مستني بشوق . ايده لفوق . بيدعي يقول يارب انا نفسي احب . نفسي اتحب .يا...

حب اليومين دول

صورة
قصيدة : حب اليومين دول تأليف وإلقاء : رامي عبده قاسم علي انا مكاني مش هنا انا في زمن غلط موجود كان مفروض اني اتولد قبل كدا بعقود ومكنش المفروض تكوني اكبر مني لان كلك قريب قوي مني وايه معنى اني لما اقول جملة . تسبقيني وتكمليها ولما احاول اشرحلك اي حاجة . بسرعة تفهميها معناه انك فهماني . منسباني  لزماني في حياة تكوني معايا فيها ولحد امتى هيفضل يجيلي المناسب . في غير زمنه واللي مش شبهي وعكس طموحي مفيش اكتر منه زهقت م الاطفال . مليت من لعب العيال وكأن الحب صار . لغز وماحدش معاه حله سطور العشق منسية في كتاب محدش سمع عنه حب اليومين دول كالاتي قرد بيتنطط بيلعبة قلاتي لاهي قده ولا قده هو ........... هي خاينة وهو فلاتي البنت من دول دلوقتي . تقولك لما الحق الافلف قبل ما اتجوز وادبس . شغالة ف بيت اروق وانضف يبقى اسمى بردو حبيت سمعت كلمتين حلوين واتهنيت هدوق الحب واستلذ هجربه مع عيل مز تبقى نطاله هي من الشباك   وعايزاه يدخل من باب البيت وياريت تعمل حساب لقلب المز جرح مشاعره واحساسه عندها طظ المهم تكون مبسوطة . تبدأ هي الحدوتة تشبع تبعد من غير حتى ما وراها تبص والواد من...

محبتش تاني ليه

صورة
قصيدة : محبتش تاني ليه تأليف وإلقاء : رامي عبده قاسم على ماحبتش تاني ليه . دا السؤال اللي دايما بتسأله  وما عنديش اجابة عليه لان الاجابه واضحة وباينة ف ملامحي كل تكشيرة ف وشي كان سببها جرحي حتى لو فكرت اغير من نفسي وامحي العذاب هنسى ازاي ان حبيبي طلع كداب وان حلم سنين لقيته سراب . وانه اخد الحلو كله وفاتلي خراب كداب . حلفلي . صدقته . امنته . فاتلي . عذاب كان لازم اقفل باب العشق . بالنسبالي انتهى الموضوع  كان فادني بأيه الصدق غير اني بقيت موجوع وانا مش بتاع اني احب واعشق واقول بالكدب انا حبي بحق الله وعندي الحرام ممنوع فامقدرتش اوعد قلب باني هقدر اكونله وانا مبيت نية غدر في قلبي مركونله وكمني جربت الجرح ودقت اذاه ومره ولاني مش قد دعوة المظلوم .  رافض اجرب لأذي حد فيوم كاتم جوة مني وساكت . لحد ما مشاعري ماتت  وعزاها باخده كل يوم ولو في يوم هب عليا نسيم الحب  هبقى اتفرج على فيلم اشاعة حب واضحك ............... فعلا من قلبي بجد هضحك وانا سامع سمير بيقول عادل ما انا ياما نصحتك في كلام كدا مابين السطور مابنفهموش وانا ياما عقلي قال لقلبي ما اتأمنلهوش بس العند بيولد الكف...

أخيرا إتصلت

صورة
قصيدة : أخيرا إتصلت تأليف وإلقاء : رامي عبده قاسم علي اخيرا رجعت اتصلت . ومعنى انها اتصلت يبقى حكمتي انتصرت  قالتلي طلع كلامك صدق حسيت بعدك اكيد بالفرق كل اللي قولته صح حسيت بعدك بيتم و جرح  في بعدك خاصمني الفرح وعرفت ان الله حق فرحان ومن شدة فرحتي ما بقتش الدنيا سيعاني رجوعها ليا او عدمه دي حاجة ما كنتش شغلاني بالنسبالي ماتت واللي مات عمره ما يصحى تاني انا فرحان عشان طلعت صح وكلامي كله صحيح .  ف نفسي شككتني لكن رجعت كلمتني وقالتلي كلام مريح قالتلي سامحني بجد انا اسفة  وعارفة ان اسفي ملوش لازمة وانك خلاص نستني . ومن قلبك رمتني  وتيت تيت تيت لأخر الشريط  كانت فكراني اهبل بريالة مغفل ساذج وعبيط اول ما اسمع انها رجعت هفرح واتشقلب ع الحيط   كانت فاكرة.. انها قادرة .. بسهولة ترجع على طول هجري افتحلها . باب قلبي واقلها . هو احنا نطول متعرفش اني قلبي اتملى منها  كانه ورقة مليانة بشخابيط ما بقاش باين منها ولاسطر بقت ف حكايتي آخر سطر يعني قفلة لحدوتة و نهاية واي نهاية بالنسبالي سعيدة  ما دام مش فيها معايا رجعة بكل برود . داخلة فطريق مسدود...

جبارة و شقية

صورة
قصيدة : جبارة وشقية تأليف : رامي عبده قاسم علي ماشية ف وقت متأخر ... لوحدك ليه مش خايفة حد يدايقك او يزعجك قالتلي عادي يعني ... هيحصل ايه من غير متخاف ولا توتر ..او حتى ترتبك طب بالنسبة لمشيتك . لبسك مكياجك وهيئتك مش اوفر شوية . ولا انتي شايفة ايه قالتلي انت مالك .. ماتخليك ف حالك  بدل ما الم الخلق عليك وقابل اللي هيجرالك طلع يتخاف منها . ميتخافش عليها عنيها واسعة ومكشوفة . بتبجح ومش مكسوفة وانا من طبتي خفت اسيبها يكون مصرها مغمى عليها او مخطوفة بصراحة كنت خايف عليها . بس قلت بردو اسيبها  لما خطر ف بالي سؤال . هما فين اللي مربينها وقلت لنفسي ياواد خليك ف حالك . وانت مالك هو انت هتخاف عليها اكتر من اللي جايبنها المهم مشيت . ورمتها ورا ضهري متأخر ع شغلي ويدوب اطلع اجري وقبل ما ابعد . سمعت صويط مالك يا حيوان . انت اهبل ياض . ولا عبيط لفيت اشوف الصوت جي منين  لقيتها واقفة بتترعش مابين اتنين  واحد بيطوح . والتاني سكران طين الحقوني ياخلق . الحقوني يا ناس والناس واقفين . م الزحمة مش شايفين دخل فجأة راجل كبير . مالك ياض منك له  عملوا ايه ...

قصيدة ✍🏻 بعنوان : عٍشرة عمر

صورة
 قصيدة ✍🏻 عٍشرة عمر مش قادر اقولك الدنيا وحشة من غيرك قد ايه داقت ف وشي وعليا سرقني العمر ما حستش بيه كل حلو طعمه مر  المفيد من غيرك يضر .  السنين فضلت تمر  عدا وقت طول عليا كنت محتاجلك معايا فيه  بس اطمني ... عايزنك تنامي مرتاحة العيال بخير الصغيرة بقت عروسة وعملنالها فرح كبير بالظبط زي ما كنتي عايزة يا غالية تشوفيه بوفيه كبير. زغريط ونور كتير . وعشان الحسد رشينا ملح . بس بردوا ف عز الفرح حسينا جرح  كان نفسي اليوم دا تكوني معانا و تحضريه و الكبير جتله بنت احلى حاجة فيها اسمك كل حاجة حلوة اشوفها لازم يبقى فيها منك اي حاجة فيها بركة بشم فيها ياغالية ريحتك بالخير تملي محوطاني سيرتك انا لو تعبت تشيلني جرتك والاقي كل الناس زاروني . يهتموا بيا ويراعوني دا انا لو زعلت بيواسوني و يقولوا كانت وصية منك حتى ف غيابك واخدة بالك ياغالية مني مهما شفت راحة بعدك ف شيئ ناقصني مش ناقصني غير وجودك انا واحشني جمال حضورك وحشاني قوي كلمة يابا اسمعها منك ونفسي بيتنا يرجع ينور تناني بنورك كل حاجة محطوطة ف مكانها  البيت ف كل حاجة حبتيها ناقصني بس ...